羅志祥周揚青擬似復合 早餐露端倪？ 網友：小豬係煙幕，真命天子係陳偉霆？
去年 4 月時周揚青突然喺微博發千字文宣布同拍拖 9 年嘅羅志祥（小豬）分手，當中佢仲大爆對方多次劈腿，甚至經常舉行正常人都無法想像嘅「多人運動，同時亦令羅志祥嘅形象重創！不過近日網上就因為周揚青喺其小號中上傳咗一張雙人套餐嘅相令大家熱議，有網友更因此列出多項關鍵證據，指佢正在談戀愛，而對方仲有可能係羅志祥或者之前喺綜藝節目《潮流合伙人》中嘅陳偉霆。
周揚青早前就喺其微博小號上傳咗一張雙人套餐嘅相並留言指：「希望今天做出的決定，在未來永不後悔。」唔少網友睇完都忍唔住問「這個決定什麼時候能告訴我們」而向來寵粉嘅佢就賣關子回復指：「過兩月吧！」，令人認為佢有極可能係公開拍拖。
其實周揚青自去年宣布同羅志祥後，重心就一直喺自己嘅事業上，早前佢仲首次登上節目《潮流合夥人》，其爽直嘅性格成功圈粉無數，不過喺節目中，佢同陳偉霆嘅互動就最令人有聯想。
唔少人覺得二人喺節目中嘅互動太過曖昧，二人不時都會有眼神交流，令唔少人網友都會「腦補」佢哋係節目中嘅 CP 嚟。而二人喺節目結束後亦有聯絡，私下關係依然唔錯，因此唔少網友就估佢同陳偉霆因為拍依個節目而已經喺埋一齊。
但有網友就認為對方可能係去年分手嘅羅志祥，該網友就指節目中有一片段係歐陽娜娜送大家玩偶，仲畀藝人自行挑選喜歡嘅，而周揚青一揀就揀咗隻粉色小豬娃娃，令歐陽娜娜笑回「我就知道妳會選這隻豬！」周揚青隨即而露羞澀嘅笑容，之後佢亦有喺其小號中上傳高舉小豬公仔嘅相並留言：「早安！」
而咁啱喺佢 po 出雙人套餐相嘅同一日，羅志祥亦有喺 IG po 限時動態，動態中佢上傳咗一張體重秤嘅相，寫上「下定決心要做一件事 就要努力去做 不要三分鐘熱度 不然你做什麼事都很容易半途而廢 加油? 剛剛我有跟地基主聊了一下」依個 post 一出即令唔少網友同周揚青晒美食嘅相連埋一齊，指二人擬似有所對應一樣。
不過佢同羅志祥復合一事都已經唔係第一次傳，之前就有因為佢 po 咗同羅志祥好友嘅合照，被猜測二人和好，但當時佢就表示：「請問我做這些復合的新聞是幹嘛呢？我堵我以後燦爛的桃花嘛…。」
不過亦有網友覺得周揚青今次依個決定未必同戀情有關，反而可能係關係事業方面嘅決定嚟。因為如果真係好戀情有關又何必要等兩個月之後先講呢！？到底依個決定係嚟，大家就耐心等吓喇！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
周揚青超離地以為人人屋企有戲院 生日收爸爸星空影院禮物：你們家沒有嗎？
29 Dec 2020
大陸網紅周揚青最近同陳偉霆、范丞丞等人出演綜藝節目《潮流合伙人》，展示超強潮流觸覺。
Photo from 周揚青微博
其實佢家底深厚，喺32歲生日佢晒出生日禮物，份份都價值不菲，尤其係周揚青爸爸所送嘅大禮。
Photo from 周揚青微博
周揚青公開「我的最重要的禮物」佢留言：「媽媽說爸爸告訴裝修公司的人 一定要在12號這一天都弄好因為12號是我女兒的生日...」
Photo from 周揚青微博
周爸爸超豪氣送出全新裝修豪完，豪宅內更設有一個「星空戲院」：「爸爸知道我喜歡星空 所以特別為我裝了一間星空電影院」
Photo from 周揚青微博
周揚青爸爸嘅超奢華禮物引發熱議，陳偉霆喺《潮流合伙人》問到：「我看你有發過微博，說你自己家爸爸送你了一個星空頂（星空戲院）？」
Photo from 微博
周揚青一開始未get到：「甚麼星空頂？啊！電影院呀？」陳偉霆：「你家有一個電影院？」周揚青大方回：「你要去看嗎？」
Photo from 微博
隨後更反問陳偉霆：「你們家沒有嗎？」陳偉霆回答：「我只是有一個投射的屏幕......」
Photo from 微博
而范冰冰細佬范丞丞未能控制表情，忍唔住反咗白眼。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
