男生妝前妝後對比圖震驚網民！改變髮型妝容差異超大 效果媲美整容！
以往男仔化妝可能會畀一種小白臉、奶油小生感覺，但隨住Kpop偶像熱潮喺世界各地開始流行後，化妝唔再係女性專利。
Kpop大部分男團都會化比較誇張嘅舞台妝容，畫濃黑眼線、超白粉底等，畀人印象好似唔夠man。
但日本網站有網民就post咗幾位男生化妝前後嘅對比圖，引起網民熱烈討論～
Photo from 2CH
執一執個髮型，然後剃下鬚，成個人已經唔同晒！貼上雙眼皮貼，眼睛唔再下垂，感覺精神好多！
Photo from 2CH
其實唔洗化好濃妝，用粉底、遮瑕上臉均勻一下膚色，掩蓋臉上嘅瑕疵，就同化妝前差好遠～
Photo from 2CH
修眉、換過副眼鏡，再遮下臉上雀斑，感覺變咗做職場精英。
Photo from 2CH
呢個眼妝比較濃，同妝前判若兩人，畫咗眼線有種妖艷feel。
Photo from 2CH
泰國Youtuber「Monkey Sis」有拍片幫男仔化妝，男生由路人樣180度大變身，效果震撼！
Photo from Monkey Sis
呢個男仔本身底子都唔太差，五官端正，只係唔會令人留下深刻印象。搽上粉底、遮瑕，臉色一度變得極為蒼白，仲有啲嚇人。
Photo from Monkey Sis
Photo from Monkey Sis
Photo from Monkey Sis
不過之後畫完眉、打陰影、化眼影後，男仔即刻唔同咗，變身韓國oppa，睇對比圖就知差異有幾明顯！
Photo from Monkey Sis
Photo from Monkey Sis
Photo from Monkey Sis
雖然有唔少網民認為男仔無咩必要化妝，不過化妝對男仔嚟講唔算一件壞事，畢竟「愛美之心人皆有之」嘛！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
大陸暴牙網紅女1分鐘變身眼大/鼻高/面尖尖美女！網民驚呼：到底係化妝定喬妝？
18 Feb 2021
「化妝就是，你下了妝，我還認得你，叫化妝！你下了妝，我不認得你，叫做喬裝！」相信依句出自黃子華 2006 年嘅棟篤笑金句唔少人都一定聽過。喺依個化妝技術高超嘅時代，再加上配有美顏功能嘅 App 令大家就算素顏都可以瞬間變美。而早前喺大陸就有一位網紅以大素顏示人，並由暴牙大嬸 look變成大美女，令網民不禁驚嘆。
依位大陸網紅名為「琦花花」，其素顏時細眼、扁鼻、大口，笑起嚟仲會露出牙齒不齊嘅問題，加佢整個皮膚暗沈，屬於喺街上見到絕對唔會望多眼嘅類型嚟，亦好難喺第一眼就吸引異性嘅目光。
但當「琦花花」經過熟練嘅化妝後即搖身一變成為甜美嘅網紅樣，整個前後對比，如果唔係睇住佢一步步咁化，絕對會以為佢係換咗另外一個人出現呀！
「琦花花」除咗喺化妝前為自己塗上護膚品外，仲會食保健品添，可以話係內外兼備。
完成底妝，開始眼妝嘅部分喇！
而整個化妝過程中，最厲害嘅係「琦花花」令自己本身有啲 baby fat 嘅方臉變成 V 臉，整個面形縮小咗差唔多 5 倍，再加上以皮膚蠟墊高鼻樑，令扁塌鼻瞬間變成高鼻子，整體立體感更突出。
依段短短一分鐘嘅片令「琦花花」極速爆紅，唔少網友睇後都不禁驚嘆：「天阿！根本是詐騙集團吧！」、「這不是化妝，是喬裝」、「我剛剛到底看了些甚麼」、「真係同一個人來的」、「「這是用了甚麼巫術嗎？」
相信如果可以有佢咁勁嘅化妝技巧，唔少女生應該可以慳唔少美容嘅錢呢？！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
浮誇大媽網紅韓美娟真面目超驚人！卸妝後勁大反差 網友：點解要做小丑？
19 Feb 2021
Photo from 抖音
Photo from 抖音
抖音上有好多化妝靚仔、靚女網紅，其中「韓美娟」不走尋常路，佢專化超濃浮誇妝容扮大媽，陰影、highlight、眼影都勁重手，但卻吸引過百萬fans。
Photo from 抖音
Photo from 抖音
雖然韓美娟化嚇人濃妝，但佢說話直率，爽朗個性相當討好，佢近日更以真名「韓佩泉」參加大陸男團選秀節目《創造營2021》，當時亦引嚟唔少非議，指佢一個網紅想出位做男團成員出道，又質疑佢浮誇作風同男團格格不入。
Photo from 抖音
Photo from 抖音
Photo from 抖音
佢開始卸下濃妝，以原本面目示人，網友發現佢真人原來正常好多，妝前妝後反差極大！
Photo from 抖音
Photo from 韓美娟微博
同抖音中嘅浮誇大媽唔同，卸下詭異眉毛、超厚假眼睫毛後嘅韓美娟真人其實勁陽剛，身材亦頗為高大。
Photo from 抖音
Photo from 韓美娟微博
而且喺節目中佢直言不諱嘅評論亦令觀眾好有共鳴，讚佢為人好真，又唔做作。
Photo from 《創造營2021》
Photo from 韓美娟微博
其實韓美娟係音樂學院學生，做音樂係佢嘅夢想，雖然係00後但身世好慘，細個有唇顎裂，喺14歲之前做過7次手術。韓美娟年紀輕輕就要工作賺錢養家，有傳佢遭生母拋棄，同爸爸、奶奶生活。
Photo from 韓美娟微博
Photo from 韓美娟微博
為咗賺錢佢扮女裝做網紅，依家有機會，佢希望可以實現做音樂嘅夢想，網友都好期待佢喺選秀節目嘅表現～
Photo from 韓美娟微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
