湯洛雯晒童年照獲讚超可愛！盤點8位由細靚到大女星 舊照力證純天然！

湯洛雯喺IG post出與父親湯鎮宗童年合照，一班圈中人大讚佢好可愛！其實仲有好多純天然靚女晒過舊照，佢哋同以前相比零變化，仲越大越靚添！即睇有邊幾位由細靚到大女星！

Photo from 湯洛雯IG

靚湯湯洛雯post出父女合照，佢爸爸湯鎮宗都做過男演員，相中靚湯親密倚在爸爸後背，肉肉嘅面珠超可愛！

Photo from 湯洛雯IG

佢表示以前條眉好似紫菜咁：「我都話我以前係紫菜眉，盡得老竇真傳 #條眉仲粗過隻眼 #細個覺得太man而家先覺得好用」

Photo from 湯洛雯IG

勁多圈中好友留言讚靚湯細個超級可愛！男友馬明都有畀心心，亦有網民指湯爸爸年輕時好似黃耀明。

Photo from 湯洛雯IG

Photo from 湯洛雯IG

#陳自瑤（Yoyo）

Yoyo向來都keep得好好，佢之前晒過中學時期嘅學生相，紮馬尾嘅Yoyo同依家完全零變化，網民都話佢由細到大無變過！

依家嘅Yoyo唔止凍齡，身材仲好fit添！

Photo from 陳自瑤IG

Photo from 陳自瑤IG

#朱千雪

千雪BB係眾多人心目中嘅女神，除咗燦爛嘅笑容，仲有知性美。佢喺兒童節有公開過自己嘅童年照。

佢表示自己細個唔係好中意影相，所以張相千雪bb睇落嬲爆爆，但佢細個對眼已經好大，面圓圓好得意～

Photo from 朱千雪IG

Photo from 朱千雪IG

#李佳芯（Ali）

視后Ali今年38歲但仍勁有少女感！佢外貌更係十年如一日！

李佳芯學生相中面型同依家都無乜分別，眼神有少少凌厲，黑長直髮型相當清純。

Photo from 李佳芯IG

#黃翠如

黃翠如大掃除時發現學生相，佢嗰陣好pure好true～

過咗咁耐外貌都無變過，尤其係眼睛，一睇就知佢係翠如喇！

Photo from 黃翠如IG

Photo from 黃翠如IG

#馮盈盈

言行出位嘅馮盈盈，貴為港姐冠軍，佢都係由細靚到大！童年非常可愛，下巴尖尖，連馮盈盈自己都話：「#點解細個時塊面尖啲 #唔係babyfat咩」

到中學已係美人胚子，眼大瓜子臉，難怪參選港姐會大熱奪冠！

Photo from 馮盈盈IG

Photo from 馮盈盈IG

#張曦雯

《國際中華小姐》冠軍，雖然舊照被指疑曾動刀，但童年照一曝光即力證佢係純天然美女！

笑容同依家好似，童年相更被網民笑言係「女版吳彥祖」～

Photo from 張曦雯IG

Photo from 張曦雯IG

Photo from 張曦雯IG

#陳瀅

陳瀅細個嘅相幾乎同依家無分別，最大變化係氣質，依家多咗點嫵媚。

佢細個反而無咩baby fat，睇嚟尖下巴+大眼睛係美女標準～

Photo from 陳瀅IG

Photo from 陳瀅IG

Photo from 陳瀅IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港姐冠軍謝嘉怡童年照公開！五官精緻由細靚到大！大讚嫲嫲堅強又獨立

8 Sep 2020

香港小姐冠軍謝嘉怡（Lisa）出眾外貌同可愛率真個性，吸引唔少網民支持。佢經常係IG大方公開素顏相，今次更post出同嫲嫲嘅童年合照，Lisa自細已係美人胚子，五官精緻由細靚到大！

謝嘉怡（Lisa）係香港、蘇格蘭混血兒，參選香港小港一舉奪冠，更獲盛讚係近年「最靚港姐」。

雖然Lisa喺外國生活，中文唔流利，但係其實佢同住喺香港嘅爺爺嫲嫲都好親近，每次返港都會去探望。

Lisa喺IG公開同嫲嫲嘅合照，表示因為嫲嫲，香港就好似佢第二個家咁，仲話每次去飲茶，嫲嫲都會點Lisa最中意嘅嘢食。

佢感謝嫲嫲，話畀佢聽自己嘅成長故事，指嫲嫲永遠都支持佢，更教佢點成為一個堅強、獨立嘅女人。

Lisa又公開一張於90年代拍攝嘅照片，相中Lisa嫲嫲抱住佢，雖然年紀小，但Lisa眼大大，五官精緻，絕對係由細靚到大！

圖片來源：謝嘉怡Instagram

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳凱琳弟弟開IG公開兩姊弟童年照！細佬輪廊深邃 網民：完全唔係香港人樣

26 Nov 2020

陳凱琳細佬開IG，家姐即幫手宣傳，更公開兩姊弟童年照。不過細佬外貌成為焦點，因為立體輪廊同深邃五官，勁有異國特色，更有網民留言指「完全唔係香港人樣」

港姐冠軍陳凱琳現已成為兩子之母，佢當初參選時，都因為異國風情嘅長相成為話題。

佢最近喺IG為龍鳳胎弟弟Derek宣傳，陳凱琳指細佬終於開咗IG：「我細佬終於開IG啦！（其實佢究竟知唔知而家喺2020 年㗎呢？?）」

陳凱琳同細佬更公開咗兩姊弟嘅合照，超可愛，陳凱琳細個嗰陣已相當精靈可愛，蘋果肌飽滿。

陳凱琳細佬近照亦曝光！睇佢IG，平日都有做唔少戶外活動，而且輪廊立體、五官深邃，外貌非常有異國特色！

有網民就留言：「點解你細佬真係完全唔係香港人樣?」其實陳凱琳父母都係香港人，但兩姊弟都好似混血兒！

陳凱琳曾回應指細佬同佢一樣，由細到大都「鬼鬼哋」。

View this post on Instagram

A post shared by ????? ???? ♥ (@ghlchan)

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）