楊冪Angelababy等一線女星被逼擺大媽pose合照！網民直斥安排不妥：「真係望到都覺尷尬」！

大陸一年一度嘅「微博之夜」就已經完滿結束，活動上巨星雲集，星光熠熠。不過喺全晚嘅活動中，焦點除咗有屢傳婚變嘅黃曉明同 Angelababy 同場零交流外，最引起大家話題嘅就係 Angelababy（楊穎）、倪妮、楊冪、張雨綺、唐嫣以及佟麗婭同時獲頒「年度之星」嘅時刻，6 位女星被迫拎住娘爆嘅絲巾行 catwalk 兼影「六芒星」合照嘅場面，真係勁尷尬呀！

楊冪、Angelababy（楊穎）、倪妮、張雨綺、唐嫣以及佟麗婭昨晚喺一年一度嘅「微博之夜」中齊齊登上熱搜榜，但就唔係因為佢哋就盛裝，而係佢哋喺活動中嘅 catwalk show 同台上嘅合照，「楊冪唐嫣baby倪妮佟麗婭張雨綺土味合影」成為網上嘅熱話。

當晚 6 位女星齊齊獲頒「年度之星」，正當佢哋諗住攞完獎落台時，大會主持就表示安排咗一個特別環節畀佢哋，就係要求佢哋各自選一條絲巾披喺身上行 catwalk，起初佢哋以為好簡單，但當望到依啲咁有特色嘅懷絲巾時，各人嘅反應都好大，張雨綺更嚇到擘大個口。

而一眾女星雖然佢哋嘅表情唔多願意，但上得台又唔想影響活動就只好無奈跟從，片中，佢哋落力揮動絲巾，展現撩人姿態。雖然佢哋嘅表情都顯得好尷尬，不過喺 6 位女星中，楊冪嘅表情就最為明顯。

未開始行楊冪就已用絲巾遮樣，好似冇面見人咁。佢喺表演完之後更頭擰擰，好似自己都頂自己唔住咁。

喺等眾人都表演完大家以為可以落台時，點知又再被要求跟一開始睇到嘅相擺「六芒星」 pose 合照，隨即令全場尷尬嘅氣氛推上高峰。

身在台上嘅佢哋亦只好照做，而此時楊冪就好快咁提出建議「六芒星」嘅中間就由當天生日嘅 Angelababy 企，其餘嘅人就企旁邊，睇嚟係想快嘅影完快啲落台離開依個咁尷尬嘅場面。

依啲咁尷尬嘅場面當然成功引起大家就討論，更有人直斥大會依個安排有問題，主持人水平差，好好地嘅美女就咁就......！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

修長美腿再成焦點！楊冪零Filter直播秀現真實身材嚇窒網友大嗌：好恐怖呀～～

10 Nov 2020

34歲大陸女星楊冪隨住甜美外型及火辣身材令佢成為唔少男生心目中嘅女神，對身材管理極度自律、嚴格嘅佢，更因為一雙筆直修長嘅美腿令佢被封為「腿精」，近日楊冪現身就現實大陸綜藝節目嘅直播間，其一雙美腿再度成為網友討論焦點。

楊冪近日現身大陸綜藝節目《王牌對王牌》直播間，同郭京飛、雷佳音等宣傳新片宣傳新片，佢以一身黑色皮衣搭配黑色褲襪、黑色靴子造型亮相，再襯個減齡春麗頭，睇起嚟型格得嚟又不失甜美，而下衣失蹤視覺效果就更令一雙細長嘅美腿更加吸睛！

Photo from 楊冪/微博

Photo from 楊冪/微博

乍看之下，唔單止大腿同小腿一樣細，其小腿嘅纖瘦程度更同高腳櫈嘅櫈腳差唔多細添，就連一同宣傳新片嘅拍檔雷佳音都忍唔住感嘆：「楊冪的腿太細了…」

網友都忍唔住驚呼：「天啊，大冪冪坐著的時候，這腿細得好嚇人」、「冪的腿比我胳膊都細」、「她這個腿喔，好羨慕，這輩子我都不可能擁有了」。

不過咁都仲未算，喺無濾鏡同 P 圖嘅情況下，楊冪被大讚顏值、狀態都相當好，少女感十足，不過就係瘦咁啲，臉頰凹晒，就連側面睇個鼻都好似有啲唔係好自然，不過亦有唔少粉絲大讚佢保養唔錯。

事實上，楊冪喺身材管理方面極度自律、嚴格，早前佢就自曝人生最高峰嘅體重數字只有 49 kg，而佢亦透露自己維持身材嘅祕訣，除咁飲食要遵守「低油、低糖、低鹽」嘅原則外，亦會以少量多餐嘅方式進食，每次吃八分飽，如果口痕想食零食嘅話，就會用乳酸飲料、水果嚟取代零食。

Photo from 楊冪/微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）