林敏驄疫情期間P圖技巧突飛猛進 「回春」之後睇落後生過仔仔
日前，林敏驄就突然係Facebook po咗好多張係足球場上同明星足球隊嘅自拍照，就咁睇以為佢變後生咗。但認真啲睇就發現，原來佢喺度玩P圖同用美顏相機。而且佢仲越玩越上癮，不停咁幫自己轉換髮型，非常搞怪！
Photo from 林敏驄FB
受疫情所影響，球場封咗好一段時間直到最近先重開返。而明星足球隊就事隔4個月再次開始操練，林敏驄就興奮到不停咁喺球場度打卡同埋周圍搵人一齊自拍。而且喺影完相之後，佢都用咗美圖嘅app黎幫自己執相，皮膚變的又白又滑，面型亦變尖咗，就連身形都比佢執埋！
Photo from 林敏驄FB
最搞笑嘅係同其他人一齊嘅合照，林敏驄都只係會幫自己修圖，令成張相嘅畫面變得更加搞鬼。佢仲不停咁換唔同嘅造型，例如幫自己改變髮型，加鬍子。但大合照一曝光，就令林敏驄嘅「回春」計畫失敗咗，因為大合照係修唔到圖，有網民就搞笑咁留言話「露出真面目！」
Photo from 林敏驄FB
Photo from 林敏驄FB
對比起宮雪花嘅P圖P到歪曬嘅技巧，其實林敏驄嘅技術都可以話係超曬班！雖然佢嘅美顏效果依然開得好勁，但起碼佢無P到令周圍嘅物件變形。而且睇佢同幾個人自拍嘅時候，但專登淨係幫自己「回春」就知佢嘅技術並唔簡單！
Photo from 宮雪花微博
Photo from 林敏驄FB
雖然林敏驄因為疫情而被迫喺屋企悶咗耐，但佢嘅搞笑功力依然喺度～唔單止係咁，林敏驄大仔林肯亦都非常聰明，佢嘅IQ足足有130咁高。而家就喺香港大學讀緊被稱為「神科」嘅IBGM (International Business and Global Management),有傳喺呢一科畢業嘅學生都會被視為商業精英，非常受大公司歡迎，更有高達95%嘅就業率。除咗讀書勁之外，林肯仲同爸爸一樣好有音樂天份，平時都會同朋友一齊夾band做主音，真係多才多藝啊！
Photo from 陳伶俐FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
抖音女神與閨蜜反目被揭真面目！外貌身材全靠P圖 XS身型真實竟是XL
4 Feb 2021
Photo from 微博
大陸「抖音」吸引好多年輕人玩，同時唔少靚仔靚女素人亦可以憑短片喺網上走紅，成為網紅。
喺抖音坐擁超過80萬fans嘅網紅「西紅柿ovo」平時出片教人化妝，因為精緻嘅五官同優越嘅身材比例走紅，吸引唔少人follow，更獲封為「抖音女神」。
Photo from 微博
不過「西紅柿ovo」近日同好友不和，對方爆料佢係「雙面人」，人前人後兩個樣，同人扮姊妹情深，轉個頭即講人壞話，直指「同佢見過面嘅都被佢喺背後罵過」
Photo from 微博
「西紅柿ovo」閨蜜仲公開埋佢未P圖前嘅真面目！「西紅柿ovo」平時喺抖音嘅樣貌出色，下巴尖尖鵝蛋臉，眼尾上揚帶點反叛，相當有個性。
Photo from 微博
Photo from 微博
點知原來全部都係靠P圖！佢嘅真面貌竟然係超闊圓臉，與P圖後嘅面型差天共地。睇完原圖之後，網民對佢嘅P圖技巧表示佩服不已。
Photo from 微博
Photo from 微博
除咗面型，連身型都係P！「西紅柿ovo」喺抖音啲相張張都係S碼咁滯，但被指實際上著嘅衫要買大碼、加大碼。
Photo from 微博
Photo from 微博
Photo from 微博
喺抖音上「西紅柿ovo」明明身材非常苗條，上揚貓眼點睇都係個美女，但真人竟然係另一個樣，令fans失望之餘亦對佢驚人嘅P圖手法表示尊敬。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
