賈曉晨誤令細女飲過期一個月奶粉 自責兼大鬧賣家無良

賈曉晨今日就係微博自爆因為大意而令細女誤食咗足足一個月嘅過期奶粉，令佢非常自責。佢仲大鬧賣家無良，竟然將就快過期嘅奶粉攞出來賣，唔少網民都紛紛喺下面留言叫佢一定要向賣家投訴！

Photo from 賈曉晨微博

賈曉晨今日就透過微博詳細咁向大家訴苦，事關佢今日先發現自己呢一個月以來一直都喂緊細女食過期嘅奶粉，令佢好心痛。佢亦表示十分自責，因為自己粗心大意買完無留意到過期日，而令細女食已經過期一個幾月嘅奶粉。佢非常後悔咁話：「寧願比自己食一年嘅過期食品，都唔想BB食一啖過期食物」，仲話自己因為咁樣而搞到失眠。

Photo from 賈曉晨微博

Photo from 賈曉晨微博

賈曉晨就解釋因為以前嘅試過奶粉斷貨嘅經驗，所以佢一見到網上有得買嘅時候就一下子買好多做存貨，但無諗過過期嘅日子會係咁近，表示今次真係中曬伏！另外，佢亦都公開咁斥責賣家竟然將就過期嘅9罐裝奶粉擺出黎賣，並且連特別警告嘅字眼都無，所以佢就借呢個機會黎警惕大家一定要小心！

Photo from 賈曉晨微博

好多網民都紛紛留言安慰叫佢唔好太自責，並且讚佢係一位好媽媽。有網民叫佢一定要向賣家反映同投訴，不過佢就回應就算投訴都已經改變唔到BB食咗過期奶粉嘅事實。

Photo from 賈曉晨微博

Photo from 賈曉晨微博

賈曉晨喺2016年同樊少皇結婚，相戀3年最終修成正果，並誕下兩個女兒「小飯兜」同埋「小飯糰」。自從生咗BB之後，佢就擺多咗時間去照顧家庭，漸漸淡出幕前，並且喺內地長住。

Photo from 賈曉晨IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

盤點 9 位昔日「天使」去向大不同～Coffee變百萬KOL Liddy當年介入李心潔婚姻現富豪老公有錢過彭順多多聲

22 Feb 2021

早前無綫就喺星期六時重播緊《味分高下》/《耳分高下》等綜藝節目，而當年喺節目中擔任「Sing之天使」、「味之天使」嘅一眾天使唔知依家點呢？！有人仲喺娛圈發展；有人就做咗百萬 KOL；亦有人已成為人妻/人母，個個都有唔同嘅發展。一齊嚟睇吓依 9 位昔日「天使」去晒邊！

Coffee（林芊妤）

林芊妤（Coffee）喺 TVB 時一直未有代表作，但喺 2014 年離巢 TVB 後反而發展得仲好，先係成為瑜珈導師，其後仲喺 Youtube 拍片教人 workout，依家佢嘅 Youtube channel 有 1.31M 人訂閱，相當厲害！而喺 2 年前佢仲同圈外男友拉埋天窗生咗一個超可愛啲仔仔（伯伯）添～

Photo from Coffee/Facebook

Photo from Coffee/Facebook

賈曉晨（JJ）

賈曉晨（JJ）喺擔任完味之天使後就轉移重心喺拍劇/電影上，如《好心作怪》、《矮仔多情》等，戲份都算多。喺 2016 年是佢就同有「力王」之稱嘅樊少皇結婚，依家育有 2 個可愛嘅囡囡。

Photo from 賈曉晨/IG

Photo from 賈曉晨/IG

Liddy（李悅彤）

李悅彤（Liddy）2014 年時被拍到與已婚香港導演彭順（李心潔老公）出遊親密接吻影片，介入二人嘅婚姻一事而為人所熟悉，之後喺 2018 年時下嫁澳門富商老公鮑偉業，並誕下一子。

Photo from 李悅彤/weibo

Photo from 李悅彤/weibo

張韋怡（Gogo）

張韋怡 2015 年時與圈外富商結婚成為潘太，並誕下一子，不過婚後佢亦未有全職做少奶奶，雖然佢婚後不時都會喺 IG 上晒名錶及住半山獨立屋，但佢都仲會拍吓劇大的過吓戲癮。

Photo from Gogo/IG

在 Instagram 查看這則貼文

張韋怡GoGoCheung（@gogocheungcwy）分享的貼文

麥皓兒

麥皓兒喺《味分高下》入面擔任「忌廉」，直至依家都有參演唔同嘅劇集，如《降魔的2.0》、《那些我愛過的人》等，佢同時亦有主持《放學ICU》、《問問Master Joe》等兒童節目，其中佢首洗腦曲「請你食麵」仲唱到街知巷聞添！

Photo from 麥皓兒/Facebook

Photo from 麥皓兒/Facebook

陳宛蔚

陳宛蔚擔任「雜果賓治」後雖然都有客串過唔少劇集。但最為人所知嘅就係佢同錢國偉嘅婚姻，二人喺《味分高下》認識，雖然年齡相差 20 年，但一直都好恩愛，二人喺 2015 年完婚後育有一女，婚後佢便慢慢退居幕後，專心照顧家庭，可惜喺去年錢國偉因胰臟癌病逝。

Photo from 錢國偉/weibo

Photo from 錢國偉/weibo

陳蕊蕊

陳宛蔚擔任助手「柑桔」後就轉投唱片公司，2014年曾與鄧詠雪、陶枳樽和何麗娟組成女子歌唱組合「HunterZ」，可惜組合成立不足兩年便解散。其後佢更開始擔任帕勞美人魚大使以宣揚海洋保育，並投資逾十萬元跟好友開辦「香港美人魚明星學院」，提供美人魚泳術課程和舉辦慈善選美比賽。

Photo from 蕊蕊/Facebook

Photo from 蕊蕊/Facebook

關宛珊

關宛珊（Kimmy）喺《味分高下》中客串擔任「蜜瓜」，其後亦有出演唔少劇集同擔任主持，如《同盟》、《城寨英雄》、《放學ICU》、《快樂長門人》等。Kimmy 喺 2016 年與前補習天王 Patrick Sir（林溥來）結婚，兩人不時都喺 IG 曬恩愛，早前佢哋仲宣布有喜添～

Photo from 關宛珊/Faceboook

Photo from 關宛珊/Faceboook

鄭瑩瑩

擔任「味之天使-橙」嘅 2007 年落選港姐鄭瑩瑩喺離開TVB後就用朋友合資開公關公司，並喺 2019 年獲圈外男友求婚，但之後又因疫情關係，婚事被迫延期。而事隔一年，近日鄭瑩瑩就喺 IG 上傳過大禮嘅相，同大家分享佢即將成為人妻嘅喜悅。

Photo from 鄭瑩瑩/IG

Photo from 鄭瑩瑩/IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）