盤點20個藝人真名+英文名 叫Michael嘅多數都係型男？！

其實喺娛樂圈裡面，好多藝人都會選擇改返個藝名。一來係因為自己嘅真名比較大眾化，未必能夠令大眾留下深刻印象，二來係希望可以藉著轉名黎改下自己嘅風水轉轉運，從而令自己係娛樂圈嘅路更加順。但大家又究竟知道幾多個藝人嘅真名呢？一齊黎盤點一下廣為人知嘅明星真名啦～

Photo from Ali FB

森美-梁志健 Sammy

森美就曾經因為佢嘅英文名而發生咗個小插曲。吳日言話讀書嘅時候，見電台通告寫Sammy以為係鄭秀文，就好興奮咁諗住去追星，點知去到發現係森美，忍唔住係電台節目話森美做咩要改個咁嘅英文名！

Photo from 森美FB

杜汶澤Chapman-吳卓彰Edward

因為父親爛賭，所以唔想跟佢姓。而杜汶澤呢個名嘅由來亦十分搞笑，事關佢當時好鍾意賽馬，佢就見到其中一隻馬叫「澤汶渡」，就索性將個名倒轉黎讀變成自己個名！

Photo from 杜汶澤喱騷FB

鍾欣潼（鍾欣桐）Gillian-鍾嘉勵（改名前：鍾狄珊）

原來啊嬌已經改咗四次名。父母喺佢出世嘅時候幫佢起咗個名叫鍾狄珊，之後佢兩歲嘅時候就改名為鍾嘉勵。決定入行嘅時候，就開始用藝名鍾欣桐。2013年，決定要將本身嘅桐字改做潼字，連身分證都統一咁用呢個名。

Photo from 鍾欣桐IG

李佳芯Ali-李嘉馨

曾經用過本名係有線電視工作，後來因為家人建議而改名。李佳芯仲表示改完名之後，身體無以前咁弱，而且事業發展亦比之前順利。

Photo from 李佳芯FB

菊梓喬（邯娜)Hana-陳曉怡

專程搵師傅改藝名菊梓喬再正式入行。佢仲話嗰位師傅係創造佢出來嘅人，令佢可以變得咁旺。

Photo from 菊梓喬FB

除咗以上嘅藝人之外，都仲有好多藝人係用藝名㗎，快啲睇吓有無你哋熟悉嘅藝人啦！

麥浚龍Juno-麥允然Bobby

Photo from Juno FB

講起Bobby就諗起呢位佛系Bobby~~

Photo from Whatsapp Sticker

歐陽震華Bobby-歐陽耀泉

Photo from TVB

林峯-林匯文（後來改為：林逸峰）

Photo from 林峯IG

唐詩詠Natalie-唐思盈

Photo from 唐詩詠FB

陳山聰Joel-陳山蔥

Photo from 陳山聰FB

高海寧Samantha-沈江莉

Photo from 高海寧FB

黎諾懿Chris-黎日昇

Photo from 黎諾懿IG

姚子羚Elaine-饒慧玲

Photo from 姚子羚IG

陳小春Jordan-陳小臻

Photo from 陳小春FB

湯怡Kathy-袁家怡

Photo from 湯怡IG

楊明Matt-林明樂（改名前：林楊明）

Photo from 楊明IG

吳若希Jinny-吳嘉妮

Photo from 吳若希IG

吳卓羲Ron-吳兆棠

Photo from 吳卓羲IG

蕭正楠Edwin-蕭錦麟

Photo from 蕭正楠FB

王喜-鄺毅怡

Photo from 王喜FB

同場加映，原來最多男藝人用嘅英文名就係Michael喇，而用呢個名嘅男藝人就分別有苗僑偉，王敏德，唐文龍，謝天華，陶大宇等。睇黎用得呢個名嘅人多數都係型男，想改名英文嘅男仔不妨可以考慮吓用呢個名～

Photo from 唐文龍FB

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

李佳芯改名後大紅大紫！陳冠希原名好老土？　盤點8位成功改名轉運藝人

27 Oct 2020

近日楊怡同羅仲謙宣布改名為「楊茜堯」、「羅子溢」，表示改名係為咗家人更好。其實娛樂圈起碼有一半嘅藝人都曾經改名，有啲聽落以為係真名嘅其實都係藝名，今次就為大家盤點吓有邊啲藝人曾經改名。

李佳芯（李嘉馨）
李佳芯原名李嘉馨，佢曾用李嘉馨呢個名係有線電視工作，後來聽從家人建議改名，之後加入無綫，發展順利，而且仲做埋「視后」！

Photo from aliaime@IG

王浩信（王昊）
王浩信原名王昊，雖然只係加咗個「信」字，不過就令到「Signal Wong」呢個名非常入屋，近年佢嘅演藝事業仲愈走愈順，《踩過界》嘅「盲俠」非常成功，劇集一套接一套，仲攞埋「視帝」！

Photo from vincentwong07@IG

吳卓羲（吳兆棠）
吳卓羲原名吳兆棠，兩個名嘅感覺真係好唔同，不過無可否認改完名之後吳卓羲喺無綫發展非常順利，基本上好多劇集都係男一或者男二，仲同黃宗澤、馬國明、林峯及陳鍵鋒堪稱當時 TVB 嘅「五大小生」。

Photo from ron_ng_0902@IG

林峯（林匯文、林逸峰）
林峯原名林匯文、林逸峰，比起呢兩個名，「林峯」顯得比較特別，而林峯的確由出道開始就星途順利，唔單止演戲，仲出埋唱片，後來去內地拍劇都非常成功。最近佢終於回巢拍攝《使徒行者3》，嚟緊就有得睇啦！

Photo from 林峯@微博

李施嬅（李詩韻）
李施嬅曾以「李詩韻」呢個名參選香港小姐，不過發展一直平平。後來改番原名「李施嬅」之後反而發展順利，仲憑《金宵大廈》一劇爆紅！

Photo from selenaleelalee@IG

舒淇（林立慧）
舒淇原名林立慧，「舒淇」呢個名真係好好聽，仲好特別。改咗名之後舒淇發展順利，拍攝三級片《紅燈區》等，一脫成名，之後發展大紅大紫。

Photo from 舒淇@微博

陳冠希（陳興華）
陳冠希原名陳興華，望住陳冠希，的確難啲將「陳興華」呢個名套落佢身上。改名後，陳冠希憑住英俊嘅臉孔迷倒萬千少女，不過後來因為桃色醜聞之後就開始絕跡幕前。

Photo from edc陳冠希@微博

鄧紫棋（鄧詩穎）
鄧紫棋原名鄧詩穎，初初出道嗰陣憑住《睡公主》一曲闖出名堂，後來去內地發展亦非常順利，已經係一線明星，早前仲成為首位登上 NASA 舞台嘅亞洲女藝人！

Photo from GEM鄧紫棋@微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）