黎姿罕晒珍貴家庭相，3女兒BB時期正面照曝光！孖女Patricia 同 Gianna最似媽咪

49歲黎珈而（黎姿）自結婚後便淡出娛樂圈，專心做女強人。不過佢雖然已係三女之母亦冇忘記一班粉絲，不時都會喺網上分享美容、減肥心得，近日活躍於社交網上晒凍齡照嘅佢，依日佢就 post 出清潔相架嘅相，相架中仲罕有睇到女兒們 BB 時候嘅可愛樣添！

黎姿與富商馬廷強結婚後誕下 3 個女兒 10 歲孖女馬家蔚（Patricia）和馬家鎂（Gianna）及 7 歲 Pegella，雖然佢不時都會分享 3 個女兒嘅成長點滴，但一直都只有露出背面或側面，大家係絕對唔會見到佢 3 個寶貝女嘅正面。

而依日黎姿就罕有喺 IG post 咁幾張佢清潔緊家庭相框嘅相，相框中正正就係 3 個女兒 BB 時間嘅相，並寫道：「家人的生活照是我很喜愛的家居小擺設，3 小豬自出生到現在的照片成了家裏最漂亮的佈置。從清潔相框到怎樣擺放，我都會花心思，每次看到這些記錄她們成長的珍貴相片時，一方面希望女兒快點長大，但心底裏又有點捨不得她們長大得太快。哈哈，我猜這是媽媽們常有的矛盾心情吧！？」

黎姿罕有晒出依啲咁珍貴相片，其中一張仲係佢同老公各自抱住 Patricia 同 Gianna，畫面十分溫馨。

其實早前黎姿都有喺 IG 上傳自己童星時嘅相，當時仲問大家邊個女兒最似佢，今次睇埋依啲相， Patricia 同 Gianna 都好似佢，而 Pegella 就似爸爸多啲！

而唔少網友睇見都留言大讚小朋友好可愛，仲話好認同黎姿又想小朋友快啲大，但心中又唔捨得嘅心情。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

黎姿3億豪宅曝光！歐式奢華裝修風格+豪華衣帽間+巨型客廳

19 Nov 2020

黎珈而（黎姿）結婚後已淡出娛樂圈，專心做女強人。不過佢亦不時喺網上分享美容、減肥心得，從拍攝片段中佢所住嘅豪宅更意外曝光，佢一家三個口住喺半山價值$3億獨立豪宅，歐式裝修風格超豪華！

黎珈而（黎姿）今年49歲，淡出娛樂圈後主要將重心放喺家庭同事業上。貴為上市公司主席嘅佢，不時喺小紅書分享美容、減肥心得，意外曝光屋企內部裝修。

Photo from 黎姿IG

Photo from 黎姿IG

片段背景可見，黎姿家中以歐式風格裝修，主要係白色主調，再加上金色邊框。

Photo from 黎姿小紅書

客廳非常闊落，空間感十足，放置灰色布梳化，三個女兒坐埋一齊做功課都唔逼夾。另外喺生日片中，偏廳嘅擺設都相當奢華。

Photo from 黎姿IG

Photo from 黎姿IG

可左右滑動看圖：

客廳採光好好，有大玻璃，透過玻璃亦見到少少屋外花園嘅景色。

Photo from 黎姿IG

Photo from 黎姿IG

黎姿家中廚房睇落相當專業，以白色為主色，有金邊做點綴，有大理石裝飾枱面。

Photo from 黎姿IG

Photo from 黎姿小紅書

可左右滑動看圖：

教化妝嘅片段中，背景應該係佢嘅衣帽間，有幾個衣櫃將衣物服飾分門別類放好。

Photo from 黎姿小紅書

可左右滑動看圖：

可左右滑動睇更多豪宅照片：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）