70歲譚詠麟打完疫苗第二日即跑步！大騷針口位呼籲唔好隨便跟學

70歲譚詠麟近日喺微博自爆接種咗新冠肺炎疫苗，不過打完針佢就急不及待做運動！仲風騷大晒針口位，笑容勁燦爛！

Photo from 譚詠麟微博

新冠肺炎疫苗計劃已經開始，繼林青霞之後，譚詠麟亦透露自己已經打咗科興疫苗！

Photo from 譚詠麟微博

新冠肺炎疫苗優先接種組別包括60歲或以上人士，年屆70歲嘅譚校長都符合優先接種資格，佢喺微博表示：「昨天打了疫針感覺良好今早按耐不住跑了」

Photo from 譚詠麟微博

佢約埋朋友一齊跑步，更風騷大晒針口，向來自稱年年25歲嘅譚校長雖然實際年齡已逾70，但仍急不及待接種疫苗。其實科興疫苗喺大陸有年齡限制，設於18歲～59歲。譚詠麟70歲打針已經算係高齡接種。

Photo from 譚詠麟微博

Photo from 譚詠麟微博

雖然近日有接種疫苗後死亡嘅個案出現，但譚詠麟一於無有怕，6張相有2張都係影個針口，表示「感覺良好」。

Photo from 譚詠麟微博

不過佢晒相都有「戴頭盔」呼籲普通人唔好隨便跟學佢咁打完針就去做運動：「但記住不要隨便跟學體質因人而異！」

Photo from 譚詠麟微博

有網友留言指佢打完疫苗有「後遺症」：「打完疫苗的後遺症來了：到處嘚瑟（炫耀）」有唔少高齡接種死亡案例，大家要考慮清楚風險。

Photo from 譚詠麟微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【譚詠麟棄獎？】港台十大中文金曲獎座被棄垃圾堆 印有得獎人譚詠麟／鍾鎮濤名

23 Dec 2019

藝人棄獎新聞時不時間聽到，今年年頭都發生過新城新人獎被棄街頭事件，嫌疑人有羅力威、連詩雅、龍小菌、蔚雨芯同埋吳彤，雖然5位得獎者都否認棄獎，但事件仍為人所津津樂道。最近又有一個獎座慘被丟棄垃圾堆，而棄獎人疑似係譚詠麟／鍾鎮濤。

Photo from 香港人的連儂牆

琴日有網民發現一個獎座慘被棄置街頭垃圾堆，獎座係1989年港台舉行嘅《十大中文金曲頒獎禮》頒出嘅獎座，獎座上印有得獎人阿倫同阿B嘅姓名，係佢地兩人當年憑《千載不變》獲得嘅獎座。

Photo from Pinterest

網民將相share去Facebook Page《香港人的連儂牆》，並指「譚伯丟左RTHK個獎，勁小學雞」，唔少網民都相信獎座係譚詠麟丟棄嘅。

Photo from YouTube

Photo from Pinterest

相片可見獎座滿佈鏽漬，睇嚟得到呢個獎座嘅人並冇好好珍惜佢。

Photo from 香港人的連儂牆

唔知究竟係邊個丟嘅呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）