熊黛林雙胞胎顏值差距大，網民：完全唔似樣！究竟似爸爸定媽媽？

名模熊黛林（Lynn）自出道以嚟一直係唔少人心目嘅女神，而佢喺 2016 年時同郭可盈嘅弟弟郭可頌結婚後，便淡出幕前，直到 2018 年更誕下一對可愛雙胞胎 Kaylor 和 Lyvia，重心轉移到家庭嘅佢都冇忘記一班粉絲，佢不時都會喺社交平台分享生活點滴，當然晒得最多就梗係佢一對雙胞胎喇！

早前有網友就為雙胞胎嘅妹妹 Lyvia 抱不平，指姐姐 Kaylor 完美承傳咗名模媽媽嘅好基因，而妹妹就似爸爸郭可頌，仲話佢哋係唔公平嘅遺傳嚟！

唔少人對雙胞胎嘅印象就係兩個小朋友會勁似樣，但其實雙胞胎有分為「同卵雙胞胎」同「異卵雙胞胎」，「同卵雙胞胎」嘅兄弟姐妹長相、外型都會好相似，而「異卵雙胞胎」嘅兄弟姐妹就因為由獨立胚胎衍生而成，所以長相同外型都會有少少差別。因此熊黛林嘅一對雙胞胎正正就係「異卵雙胞胎」嚟！

名模出身嘅熊黛林無論身高、骨架定五官都有絕對嘅優勢，但一對雙胞胎就唔係完全承傳到媽媽的好基因喎。

姐姐 Kaylor 擁有一雙水汪汪的大眼睛以及精緻五官，而妹妹 Lyvia 嘅眼睛相比下就冇姐姐咁大，但明顯對單眼皮。兩姊妹就只有鼻子最相似，無論大小或鼻型都幾乎一樣。

雖然唔少人都覺得 Kaylor 嘅外形較得人歡心，但對 Lynn 嚟講，兩位都係佢嘅心肝寶貝，所以絕對唔會「大細超」！

而不少網民亦認為完全睇唔出佢哋係雙胞胎嚟：「完全睇唔出係雙胞胎，一個似爸爸，一個似媽媽，倆姊妹一啲交集都冇。」、「哈哈，佢地係我見過最假嘅雙胞胎，只能說姐姐更識遺傳！」、「其實妹妹都幾可愛，但是難免會被姐姐光環掩蓋」

不過兩姊妹現時嘅顏值雖然係有啲差距，不過女大十八變，依家佢哋先得幾歲人仔，遲啲再大啲嘅時候五官、氣質就會唔同，顏值亦會有所改變，話唔定到時妹妹 Lyvia 又會畀人另一種美呢～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

黎姿罕晒珍貴家庭相，3女兒BB時期正面照曝光！孖女Patricia 同 Gianna最似媽咪

04 Mar 2021

49歲黎珈而（黎姿）自結婚後便淡出娛樂圈，專心做女強人。不過佢雖然已係三女之母亦冇忘記一班粉絲，不時都會喺網上分享美容、減肥心得，近日活躍於社交網上晒凍齡照嘅佢，依日佢就 post 出清潔相架嘅相，相架中仲罕有睇到女兒們 BB 時候嘅可愛樣添！

黎姿與富商馬廷強結婚後誕下 3 個女兒 10 歲孖女馬家蔚（Patricia）和馬家鎂（Gianna）及 7 歲 Pegella，雖然佢不時都會分享 3 個女兒嘅成長點滴，但一直都只有露出背面或側面，大家係絕對唔會見到佢 3 個寶貝女嘅正面。

而依日黎姿就罕有喺 IG post 咁幾張佢清潔緊家庭相框嘅相，相框中正正就係 3 個女兒 BB 時間嘅相，並寫道：「家人的生活照是我很喜愛的家居小擺設，3 小豬自出生到現在的照片成了家裏最漂亮的佈置。從清潔相框到怎樣擺放，我都會花心思，每次看到這些記錄她們成長的珍貴相片時，一方面希望女兒快點長大，但心底裏又有點捨不得她們長大得太快。哈哈，我猜這是媽媽們常有的矛盾心情吧！？」

黎姿罕有晒出依啲咁珍貴相片，其中一張仲係佢同老公各自抱住 Patricia 同 Gianna，畫面十分溫馨。

其實早前黎姿都有喺 IG 上傳自己童星時嘅相，當時仲問大家邊個女兒最似佢，今次睇埋依啲相， Patricia 同 Gianna 都好似佢，而 Pegella 就似爸爸多啲！

而唔少網友睇見都留言大讚小朋友好可愛，仲話好認同黎姿又想小朋友快啲大，但心中又唔捨得嘅心情。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）