湯怡佗B 4個月側拍首見孕肚，四肢纖瘦身材零走樣！網民讚：肥肚不肥人

湯怡同麥秋成喺年初宣布結婚嘅同時公布懷孕嘅消息，二人仲喺上個月元宵佳節舉行婚禮，而大婚後佢哋連日嚟公開咗唔少婚禮當日嘅相，當時已懷有身孕嘅佢著上張敬軒品牌嘅婚紗身形纖瘦，如果唔係佢之前公布咗依個好消息都睇唔出佢有咗呀！

湯怡自大婚後連日嚟除咗 post 咗唔少婚禮當日嘅相外，仲會同大家 share 自己嘅生活日常。近日佢就喺社交網站上載咗一張著住婚紗嘅相，依張係一張側拍嘅相嚟，相中見佢手托住懷孕 4 個多月肚仔嘅佢，小腹隆起上圍亦升cup，但手臂及背部依然骨感，如果唔係刻意摸肚，真係未必發現，真係羨慕死人！

相中仲見到湯怡滿臉陶醉笑容，就睇得出佢有幾 enjoy 做媽咪嘅感覺！

唔少網友見佢佗 B 佗得咁好，又笑得咁甜，流露幸福人妻嘅感覺，都不禁留言讚佢係靚媽嚟，仲話終於見肚。有網友更搞笑指：「今次終於唔係食太多啦！」

唔知係仔定女呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

湯怡宣佈與蔡思貝舊愛麥秋成結婚！即將升呢做媽媽！ 洪卓立留言恭喜！

25 Jan 2021

湯怡與相戀11年嘅男友洪卓立分手後，今日喺IG公開婚照宣布結婚！對象係蔡思貝舊愛麥秋成！而洪卓立亦有留言祝福。湯怡更已懷孕，即將做媽媽！

湯怡同洪卓立拍拖11年，於2018年喺Instagram宣布分手，當時網友都替佢哋感到非常可惜！不過事後洪卓立有喺公開場合落淚維護湯怡指分手決定並不涉及第三者。

今日湯怡喺IG宣布結婚：「致麥秋成，曾經擦身而過的我倆，能夠走在一起是緣份，現在能守在一起是福份，謝謝你的光臨，完整美滿了我的人生，亦充滿甜蜜、色彩與歡樂，餘生，請多多指教」

View this post on Instagram

A post shared by 湯怡 KATHY YUEN (@yuenkaka)

對象竟係蔡思貝舊愛麥秋成！麥秋成同樣喺IG post婚照：「致袁家怡，，愛真是奇妙，在生命的巨輪上我們曾經多次相遇，誰想到命運之神早已把我們緊緊扣著，妳的愛讓我感到無比幸福，亦願我的愛能讓你心平靜溫暖和快樂，日後的路上，願我們互相扶持，亦煩請在生活上多多指教」

View this post on Instagram

A post shared by 麥秋成 Shing Mak (@mcshing)

兩人更齊齊落咗hashtag「#我們仨」宣布即將升呢做爸爸媽媽！

而湯怡前男友洪卓立亦有留言祝福：「恭喜恭喜? 身體健康！幸福快樂！」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）