《婆婆和媽媽2》陳松伶奶奶行為惹公憤！唔敲門直接入兒媳房/送禮嫌三嫌四/玩失蹤

陳松伶同老公張鐸參加大陸綜藝《婆婆和媽媽2》，節目中佢同奶奶關係尷尬，新一集新抱奶奶矛盾升級，令陳松伶忍唔住同奶奶對質，有唔少網友感同身受，批張媽媽行為過火。

Photo from 《婆婆和媽媽2》

50歲陳松伶同細佢8年嘅張鐸結婚後長居大陸，佢哋夫妻同奶奶一齊出演《婆婆和媽媽2》，第一集已透露出張家婆媳關係尷尬。張媽媽唔止當新抱陳松伶隱形，又逼新抱食大蒜麵包，更被爆喺新抱入門10年嚟都無講過一句好說話。

Photo from 《婆婆和媽媽2》

喺新播一期中，張家婆媳矛盾升級，首先係張媽媽用毛巾舖晒喺梳化上面，話咁可以避免梳化舖塵，但做法就不獲陳松伶認可，而且反駁啲毛巾都會甩毛。

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

食早餐時張媽媽又透露咗朝早佢偷偷入咗兒子兒媳嘅主人房。雖然陳松伶同奶奶講好貼咗「松」貼紙嘅地方唔可亂入，但張媽媽就將貼紙摵落嚟直接入房收拾主人房衣帽間，更表示：「反正是我兒子的！」不過之後陳松伶夫婦都諒解張媽媽想幫兒子兒媳執拾屋企嘅心意。

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

之後陳松伶夫妻帶奶奶出門買衫，陳松伶更體貼幫奶奶綁鞋帶，張媽媽試咗一年長毛外套幾啱心水，但嫌貴，雖然陳松伶開聲表示買畀佢又話幫奶奶講下價，但奶奶仍指件衫唔值唔肯買，後來行咗勁多間店，陳松伶嘅建議包括買香水、唇膏全部都被奶奶拒絕。

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

陳松伶又同奶奶試頸巾，奶奶當然又係say no，仲一嘢推開咗陳松伶隻手，不過陳松伶唔理佢直接畀錢買咗，點知奶奶仍然拒絕話唔適合佢，眼見陳松伶都嬲嬲哋，張鐸就話唔買就唔好再行街，直接返屋企。

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

張媽媽見仔仔話唔高興，為氹返佢就去返第一間舖買咗件長毛外套。一家三口坐底傾偈時陳松伶亦忍唔住抒發感受：「每次要給媽媽買東西，或者給她做一點好的東西，其實只是想表示一點心意，但不知道為甚麼整天都要被拒絕，就每次這個被拒絕，我覺得好氣餒，都是不領情的。」但奶奶極力否認自己唔領情，反而指係陳松伶表達方式含蓄。

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

3人談心後張媽媽深感委屈，佢以去洗手間做藉口，唔聽電話自己坐埋一邊同老公呻。但新抱陳松伶聯絡唔到奶奶，擔心對方迷路於是周圍搵佢。

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

網民覺得陳松伶奶奶唔接受陳松伶，又指佢專登想麻煩新抱，有部分網民表示理解奶奶心痛兒子兒媳破費所以先咩都唔買，只要大家好好溝通就可以解決。好在張鐸都處理得好好，令媽媽同老婆嘅矛盾無再加劇。

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

Photo from 《婆婆和媽媽2》

《婆婆和媽媽2》陳松伶張鐸夫婦片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳松伶與奶奶婆媳關係勁尷尬！慘被奶奶當隱形/逼食麵包/笑老公奶奶即黑面

1 Mar 2021

大陸綜藝《婆婆和媽媽》第二季有陳松伶出演，不過佢同奶奶嘅婆媳關係卻成為網友話題，節目中陳松伶同奶奶相處表現緊張，令網民都表示睇到非常尷尬！

Photo from 《婆婆和媽媽》

今年50歲嘅陳松伶於2011年同細佢8歲嘅大陸男星張鐸結婚，結婚10年佢哋一家出演大陸綜藝《婆婆和媽媽》第二季。

Photo from 《婆婆和媽媽》

節目播出後，陳松伶與奶奶嘅婆媳關係即刻引嚟熱議。節目中陳松伶奶奶突然打電話畀兒子，喺旁邊嘅陳松伶即緊張起嚟。

張鐸接電話後，陳松伶有接過問奶奶喺邊，不過對方完全無視佢，繼續同兒子對話，，之後張鐸話：「歡迎你到我們家來。」張媽媽即嚴肅指：「兒子你說得不對，你不應該說歡迎你到我們家來，你應該說：『媽媽，歡迎你回家！』甚麼到你家來？你家也是我家。」

Photo from 《婆婆和媽媽》

Photo from 《婆婆和媽媽》

Photo from 《婆婆和媽媽》

當張媽媽到張鐸陳松伶屋企，立即同仔仔擁抱，開口埋口都係「鐸鐸」，但就當新抱陳松伶透明，要陳松伶開口奶奶先同佢擁抱，陳松伶忍唔住話：「你終於看到我了。」

Photo from 《婆婆和媽媽》

陳松伶非常醒目：「歡迎來到您家！」，奶奶滿臉喜色：「對，這就是我家。」陳松伶亦都喺家中貼上專屬貼紙，提醒奶奶屋企有啲私人嘢唔可以亂掂。不過啲貼紙最後當然都被奶奶摵走晒。

Photo from 《婆婆和媽媽》

張媽媽為見兒子帶咗唔少特產，陳松伶即笑言難怪老公張鐸小學到初中時期係兩百斤嘅小孩，點知張媽媽聽到後黑面：「哪有兩百斤，你也太誇張，你可不能說我兒子兩百斤。」嚇到陳松伶話：「我錯了。」仲要抱拳道歉。

Photo from 《婆婆和媽媽》

Photo from 《婆婆和媽媽》

Photo from 《婆婆和媽媽》

晚飯時，張媽媽叫陳松伶試下食香蒜麵包，雖然陳松伶多次拒絕，但奶奶出口：「我知道你不願意吃東北的東西。」陳松伶唯有食一塊「交差」。

Photo from 《婆婆和媽媽》

Photo from 《婆婆和媽媽》

Photo from 《婆婆和媽媽》

雖然奶奶處處為難，但好彩張鐸都好關心陳松伶，喺媽媽當老婆透明嗰陣多次出聲提醒，又維護太太，幫陳松伶諗點樣應對奶奶，兩人返房之後更安慰陳松伶：「只要妳覺得舒服就好，做最真實的自己吧。」

Photo from 《婆婆和媽媽》

Photo from 《婆婆和媽媽》

陳松伶老爺亦指張媽媽咁耐以嚟都無讚過陳松伶，直言張媽媽偏心，又大讚陳松伶喺佢心目中有好多優點。

Photo from 《婆婆和媽媽》

Photo from 《婆婆和媽媽》

不過婆媳關係真係好難處理，陳松伶亦向老公坦言同奶奶相處10年，仍然感覺好似隔重山咁。

Photo from 《婆婆和媽媽》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）