2008年港姐冠軍張舒雅近況曝光！繼承家族億萬珠寶生意過超豪chill爆生活

2008年香港小姐冠軍張舒雅已淡出娛樂圈近12年，近日有指佢已開始幫手打理父親嘅珠寶公司，身價榮升過億！佢當選後因屢次拒絕出席活動而被封為「最hea港姐」，從IG公開嘅生活照嚟睇，佢繼續過hea爆生活！

Photo from TVB

張舒雅今年35歲，2008年參選香港小姐，雖然喺參選期間被爆負面新聞，包括愛夜蒲、抽煙等，但最終擊敗大熱高海寧成功奪冠，同屆亞軍陳倩揚、季軍馬賽，佢以180cm身高成史上最高港姐冠軍。

Photo from TVB

Photo from TVB

佢嘅當選曾引起「造馬」疑雲，有指張父嘅珠寶公司有份贊助TVB，所以即使負面新聞多多，張舒雅仍然奪冠。而成港姐冠軍後張家表現興奮，張舒雅爺爺更喺鏡頭前感謝台前幕後對孫女嘅幫助，令佢可以奪得冠軍。

Photo from TVB

Photo from 張舒雅IG

不過喺當選後，張舒雅就開始請病假，拒絕出席港姐活動，亦不願以香港小姐身份參加國際中華小姐、世界小姐，要由亞軍陳倩揚頂上，被封為「最hea港姐」。

Photo from 張舒雅微博

喺病假期間，張舒雅被爆出入夜店等地，最終TVB禁止佢為2009年香港小姐冠軍加冕，屬史上首次。

Photo from 張舒雅IG

Photo from 張舒雅IG

到卸任之後佢有做過模特兒工作，但好快亦淡出圈子。喺參選期間佢已被外界爆家住九龍塘7,000呎獨立屋，家族經營珠寶生意，實為億萬太子女，完全唔憂做。

Photo from 張舒雅IG

Photo from 張舒雅IG

近日有傳佢修讚珠寶設計課程，著力接手打理父親嘅珠寶公司，亦有同朋友夾份開酒吧。

Photo from 張舒雅IG

生活無憂嘅佢IG相多數都係度假照，不時會出海大晒泳裝露長腿，有時會放狗，享受富豪生活，大嘆chill爆日常。

Photo from 張舒雅IG

Photo from 張舒雅IG

Photo from 張舒雅IG

Photo from 張舒雅微博

Photo from 張舒雅IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

前港姐冠軍雷莊?被指似菲傭憤怒反擊！無損心情大晒性感靚相！

18 Dec 2020

2017年香港小姐冠軍雷莊?（Juliette Louie）雖然當選後無留喺香港，但關於佢嘅議論仍有唔少，早前雷莊?喺網上被指似菲傭，佢嬲爆反擊：「搵唔到好過我嘅娛樂？」

2017年香港小姐冠軍雷莊?當選後一直非議不斷，佢向來懶理外界評論繼續做自己。

Photo from 雷莊?IG

佢卸任之後並無留喺香港，而係選擇返去加拿大，不過佢仍然不時更新IG，分享佢喺加拿大嘅生活。

Photo from 雷莊?IG

近日網上有人指佢似外傭（maid），佢霸氣留言反擊：「can't find any better entertainment than me?（搵唔到好過我嘅娛樂？）」

Photo from 雷莊?IG

又指唔明似外傭有咩問題：「what's wrong with being a maid?」雷莊?表示人需要生活落去，有啲人無得選擇。

Photo from 雷莊?IG

佢指就算係講緊佢，佢亦都唔在乎。雷莊?心情似乎無受到影響，都有喺IG post Story，繼續大晒性感靚相。

Photo from 雷莊?IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港姐45周年 細數8個最多獎嘅港姐冠軍 估唔到第一名竟然係佢？

1 Aug 2018

2018香港小姐競選即將舉行，今年仲係港姐45周年添！不如一齊回顧下歷屆獲得最多獎項嘅港姐冠軍。

小編發現原來有唔少港姐冠軍喺同屆都攞到四個獎咁多，以下呢6位冠軍級人馬都係四料港姐嚟㗎！

陳凱琳

Photo from 陳凱琳 weibo

嚟緊將同男友鄭嘉穎拉埋天窗嘅陳凱琳喺tvb多套電視劇擔任女主角，包括：《四個女仔三個BAR》、《張保仔》、《疆》等。

Photo from 陳凱琳 weibo

身為2013年港姐冠軍嘅佢，同時喺呢屆香港小姐競選中獲得「最上鏡小姐」、「旅遊大使獎」以及「最受傳媒歡迎獎」等共四個獎。

朱晨麗

Photo from 朱晨麗 weibo

喺2017年憑《超時空男神》獲得最佳女配角嘅朱晨麗，同樣都係選美出身。

Photo from 朱晨麗 weibo

2011年嘅香港小姐競選，朱晨麗摘得后冠，同時亦獲得「最受歡迎大獎」、「時尚目光獎」同埋「歡樂大使獎」，成為四料港姐。

徐子珊

Photo from 徐子珊 weibo

擁有不死之身嘅徐子珊係2004年香港小姐選舉嘅大熱，而佢亦不負眾望喺呢屆香港小姐競選中獲得冠軍、「最上鏡小姐」、「國際親善小姐」同埋「修身美態獎」四個大獎。

Photo from 徐子珊 weibo

奪得冠軍嘅徐子珊卸任後備受力捧，成為當家花旦，更憑電影《跟縱》奪得金像獎最佳新演員添！認真犀利！

李珊珊

Photo from 李珊珊 weibo

1996年港姐冠軍李珊珊近年淡出娛樂圈，不過佢其實都係四料港姐，除咗冠軍之外，佢仲獲得「最上鏡小姐」、「最受傳播媒介歡迎獎」同「才藝小姐」一共四個獎。

向海嵐

Photo from 向海嵐 weibo

曾經出演tvb多部經典劇集嘅向海嵐，相信大家一啲都唔陌生，《楊貴妃》嘅楊玉環、《無頭東宮》嘅楚楚都非常之深入民心。

Photo from 向海嵐 weibo

而向海嵐就係喺1998年奪得港姐冠軍之後入行，1998年香港小姐選舉，向海嵐一共奪得香港小姐冠軍、「環球美態大獎」、「動感都會大使」以及「最上鏡小姐」四個獎。

郭羨妮

Photo from 郭羨妮 weibo

1974年出生嘅郭羨妮原今年已經44歲！佢喺1999年參選香港小姐並以大熱姿態奪得冠軍、「最上鏡小姐」、「國際親善小姐」以及「千禧才智小姐」。

卸任之後，郭羨妮出演過多套經典劇集，包括：《尋秦記》、《洛神》、《古靈精探》等。郭羨妮2011年嫁卑動作導演朱少杰，育有一女。

Photo from 郭羨妮 weibo

成為人妻嘅郭羨妮似乎無咩點變～

接下嚟呢位除咗單人獎項，仲拎埋組合獎，一共攞咗五個獎，犀利呀！

曹敏莉

Photo from 曹敏莉 weibo

同樣已為人母嘅仲有曹敏莉，佢參選2003年嘅香港小姐並勇奪冠軍，「國際親善小姐」、「鑽石肌膚獎」、「芙蓉美態獎」，仲以「百變伊人組」奪得「完美組合獎」，一共5個大獎，認真威水！

Photo from 曹敏莉 weibo

依家曹敏莉嘅生活都係圍繞住家庭，睇圖都感受到母愛！

跟住落嚟呢位簡直就係冠軍中嘅冠軍！喺一眾冠軍之中奪獎數量最高！

楊思琦

Photo from 楊思琦 weibo

思琦妹果然厲害，佢除咗係2001年港姐冠軍之外，更加係單屆獲獎最多嘅港姐！

楊思琦喺2001年香港小姐選舉獲得「最上鏡小姐」、「網上最奪目小姐」、「纖體美態獎」、「最甜美笑容佳麗獎」和「最修長美腿佳麗獎」五個大獎，加埋冠軍，成為六料港姐。

Photo from tvb

貴為六料港姐嘅佢亦曾經參演多部電視劇，最為人熟悉嘅莫過於《人生馬戲團》。

以前港姐真係一件盛事！以上位位都係當年大熱，今屆又有邊位佳麗係你心水？

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）