游嘉欣獲力捧上位做新一代小花！TVB開新劇3位人氣港姐榮升新寵兒！

上年年尾播出嘅 TVB 短編劇《香港愛情故事》故事貼地，講出時下香港年青新一代嘅艱難成功引起唔少話題，獲得觀眾大讚有共嗚。而憑電視劇《香港愛情故事》被封新一代宅男女神嘅游嘉欣，更因此而被受力捧。

近日就有一套青春劇《青春不要臉》正式開拍，話明青春劇，劇中演員當然係以年輕新一代演員為主喇！現年 21 歲嘅新一代宅男女神游嘉欣憑無綫劇《香港愛情故事》「Kelly」一角爆紅，備受視迷喜愛成功入屋。雖然劇集經已播完，但其人氣依舊有增無減，一班 fans 嚟緊又可以喺電視見到佢嘅演出喇！

而同劇演員仲有佢哋：

余德丞 31 歲
依套係余德丞第一次擔正嘅電視劇嚟！喺劇中佢將會同劉穎鏇飾演歡喜冤家，仲會有感情線添！

伍樂怡 28 歲
2017年參加香港小姐，當時因為其樣貌與藝人李若彤相似而被外界視為熱門之一。可惜最後三甲不入，因而令網民懷疑選舉係「小圏子選舉」，並獲封為「民選冠軍」。

林正峰 26 歲
林正峰憑無綫劇《香港愛情故事》中宅男廢青「邱凱傑」一角而受觀眾注視。

戴祖儀 25 歲
2019年，戴祖儀喺台慶劇《多功能老婆》中飾演幼稚園老師「呂嘉怡」一角被受注視。

徐文浩 25 歲
徐文浩同林正峰一樣，二人除咗喺節目《#後生仔傾吓偈》合作過外，亦同樣因無綫劇《香港愛情故事》中大學生「徐浩楠」一角而受到注目。

劉穎鏇 23 歲
2016 年參選香港小姐入行，主要擔任主持及拍攝劇集。2018年佢喺劇集《兄弟》中首次擔任女主角「陳鈴（Zero）」，演技獲好評。

丁子朗 23 歲
2016 年參選香港先生入行，主要擔任主持及拍過唔少電視劇。

郭柏妍 23 歲
郭柏妍被網民形容為「港版子瑜」，去年參選港姐時更被視為奪冠參賽佳麗。

9 位主演嘅演員平均年齡只得 25 歲，最大都只係得 31 歲，認真係青春無敵，絕對可以話係 TVB 近年年齡層最低嘅一套劇嚟！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

《香港愛情故事》三部曲！人氣話題劇繼續貼地　龔嘉欣、羅天宇等有望原班人馬回歸

04 Jan 2021

早前 TVB 人氣話題劇《香港愛情故事》就已經播完，但因為劇中嘅故事貼地，講出時下香港年青新一代上車嘅艱難，獲得唔少觀眾大讚有共嗚。而最近更因故事深得大家歡迎，而 TVB 亦指正構思開拍續集，打造香港 3 部曲，而集數亦會比第一輯長。有指新一輯中將會以失業為主題，繼續貼地，而第一輯嘅一班演員如龔嘉欣、羅天宇等亦有望原班人馬回歸。

《香港愛情故事》以民生問題惹來共鳴，成為今年 TVB 嘅話題劇，雖然只得 12 集，但每集都會帶嚟唔同嘅話題，成網民熱話。因此有消息指 TVB 現時正構思將故事拍成「香港三部曲」，新一輯將由之前關注上車買樓，轉移聚焦到經濟不景嘅情況，各行各行面對裁員失業同第三輯則會關於飲食等近年最有共鳴嘅話題，更暫定每輯為 12 至 15 集，最快年中開拍。

有見及此，編導有意再以喺疫情下嘅香港為背景，以年青新一代喺依個環境下除咗更難上車外，仲要面對失業，各行業面對倒閉危機，小市民冇工開手停口停嘅問題，劇中角色為生活不惜豁出去，貼地之餘還帶煽情！

當然另一個大家關心嘅問題就係會由邊個主演，會唔會回班人馬回歸？！有指第一輯嘅男女主角龔嘉欣、羅天宇均對續集表示大感興趣，有意回歸並期待劇本可以盡快完成，投入演出。

唔知到時又會引起咩話題呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）