洪卓立晒16年前舊相自嘲：MK，望多眼都頂唔順！網友激獲靚仔樣根本冇變過

準備推出新歌嘅洪卓立近日就喺 IG 上傳咗幾張學生時期嘅相同大家開心 share，佢仲以「消失了的骨膠原」作為主題自嘲添，認真抵死搞笑。

洪卓立為新歌《你那邊好嗎》作準備，仲為 MV 搵咗唔少陳年舊相出嚟，連日嚟佢就喺 IG 每日一相咁同大家開心 Share，而第1張就係佢中學時期嘅舊相嚟。

在 Instagram 查看這則貼文

洪卓立 Ken Hung（@hungcl）分享的貼文

相中見佢著住白色背心，皮膚白淨同依家相比幾乎冇咩分別，佢就留言：「為博紅顏們一笑，除了蒐集大家的兒時照片外，同事、導演和工作人員，還有我自己都需要獻出兒時MK醜照數張放在MV之內，這是其中一張，中學時期有陣子潮流興......扮被人影......」之後又搞笑咁加上hashtag「消失了的骨膠原」，引嚟唔少人留言大讚佢個樣根本冇變過。

就連佢嘅好友何浩文都留言：「黐線，你個樣唔老嘅！」

而第二張就係比較正面啲嘅大頭高炒嘅自拍嚟，見佢一臉清澀，十分青春，但佢就留言自嘲：「看着這張照片 想了很久很久 這到底是什麼時候？我是誰？ 我在哪？ 我在做什麼？ 好吧 新歌的首三個字是 你那邊」更喺 hashtag 笑自己指「個樣想點」同「望多兩秒自己都頂唔順」

至於，第三張就應該係出道後被偷拍嘅相：「小時候愛扮被人偷影 長大了卻不想被人影」。

唔少網友睇晒三張相後都大讚好靚仔、可愛、清純，但亦有網友笑佢依家肥咗少少。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

洪卓立單拖過生日群星留言祝賀獨欠湯怡！湯怡連日post相回味大婚當日

03 Mar 2021

湯怡同麥秋成大婚後連日嚟公開婚禮照片，適逢洪卓立34歲生日，佢大晒獨自慶祝嘅相，群星留言祝賀但其中未見湯怡留言。

3月2日係洪卓立34歲生日，佢post咗一張捧蛋糕嘅相：「#又十八歲了 健健康康 快快樂樂 珍惜守護當下」，佢單拖慶祝，感覺有啲孤清。

Photo from 洪卓立IG

Photo from 洪卓立IG

喺洪卓立自祝生日嘅post下面，有好多圈中人留言祝佢生日快樂，包括張敬軒、關智斌、阿Sa、張繼聰、連詩雅等，舊愛湯怡有like到張相，但係並未有留言。

Photo from 洪卓立IG

另一邊，湯怡上星期與麥秋成大婚後，呢幾日都陸續post返晒婚禮當日嘅相，完全係幸福人妻！

Photo from 湯怡IG

Photo from 湯怡IG

Photo from 湯怡IG

其實喺舊年聖誕節，湯怡有送上親手整嘅芝士蛋糕畀洪卓立，洪卓立晒相認證時亦有留言：「Merry Christmas」。喺湯怡宣佈結婚嘅IG post下面，立立都有留言：「恭喜恭喜，身體健康！幸福快樂！」

Photo from 洪卓立IG

但之後佢哋就再無咩交集，湯怡多日嚟公開嘅婚禮照，洪卓立有like過其中一張。

Photo from 湯怡IG

Photo from 湯怡IG

湯怡同洪卓立戀愛11年，對洪卓立養嘅兩隻玩具貴婦狗好有感情，上年10歲大嘅「淇淇」離世，湯怡亦有去悼念，更喺IG post出愛犬黑白照：「相遇是緣，謝謝妳走進我們的生命裏，帶給我們無限的歡樂，所有美好燦爛的回憶長存在心，我們每一位，永遠愛妳。 #淇淇肥膏」

Photo from 湯怡IG

Photo from 湯怡IG

分手兩年，湯怡同洪卓立再見亦是朋友，雖然彼此都好少公開喺對方社交網度留言，但偶爾都會like對方嘅相。

Photo from 洪卓立IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）