30個鮮為人知英國王室規矩大公開！ 唔可以玩大富翁/唔可以曬恩愛 梅根多次犯規？

今日（9日）凌晨英國王室宣佈英國女王伊麗莎白二世（Queen Elizabeth II）與世長辭，終年96歲。而英女王最後一次喺大眾前露面係9月6日接見新任英國首相特拉斯（Truss），當時精神狀況都唔錯，因此呢個消息令網民感到震驚！一直以來英國王室都需要遵守唔少規矩，宜家即睇有邊啲啦～

Photo from theroyalfamily IG

1.菲利普親王要走在英女王後面

呢個係英國王室嘅一個潛規則，當佢哋出席公開場合嘅時候就一定會出現呢個畫面。因為喺結婚嘅時候，菲利普親王捨棄咗自己希臘王子的身份就只係為咗迎娶伊莉莎白入宮，而佢亦曾經向女王屈膝下跪表示會一直效忠於佢。

Photo from FB@theroyalfamily

2.要認真接受所有禮物

無論英國王室嘅成員去唔同嘅地方拜訪，佢哋都會受到好多唔同嘅禮物，所以佢哋都必須要慷慨咁接受禮物。但原來禮物收到後，係會轉交比皇室職員代為處理。

Photo from IG@theroyalfamily

3.唔可以對外講去洗手間

如果皇室成員係食飯期間想去洗手間，佢哋只會簡單咁講「Excuse me!」，以免影響其他人食飯。

Photo from IG@theroyalfamily

4.衣著要求嚴格

王室成員因為要維護王室形象，所以出席公開場合嘅時候非常多嘅衣著規則，例如：唔可以著涼鞋、用大手袋、低領衣服等都係禁忌。

Photo from FB@theroyalfamily

5.經常隨身帶備一件全黑嘅衣服

身為王室成員，佢哋經常都會咗好萬全嘅準備。就算出外旅遊，佢哋都會帶定全黑衣服，以防有突發事件發生或者有人離世。

Photo from FB@theroyalfamily

6.唔可以公開曬恩愛

伊利沙伯女王二世就有叫王室成員喺公開場合唔好拖手，所以大家好少會看到王室嘅夫婦在外拖手，但有指哈利王子同梅根就多次違反呢個規則。

Photo from IG@sussexroyal

7.王室繼承人係唔可以一齊搭飛機

為咗防止有飛機失事嘅悲劇，王室繼承人係唔可以一齊坐飛機，以免突然令王室失去所有繼承人。

Photo from IG@kensingtonroyal

8.唔可以公開發表政見

成員唔能夠對政治方面嘅事情進行任何干擾，以免因為自己嘅言論而影響到其他人，佢哋連投票都唔得。

Photo from IG@theroyalfamily

9.英女王係唔可以坐上其他國家嘅寶座

呢個規則係2016年嘅時候得以公開同證實。當時英女王出席《權力的遊戲》嘅活動，佢並無坐上寶座。

Photo from FB@theroyalfamily

10.英女王企起身時，所有人都要一齊企

唔單止係咁，英女王未坐返低之前，大家都絕對唔可以坐！

Photo from IG@theroyalfamily

11. 唔可以隨意求婚

根據《皇家婚姻法》，成員必須要係求婚前得到君主同意。

Photo from IG@thekensingtonroyal

12. 結咗婚嘅女性先可以戴上皇冠

規定寫明結咗婚嘅成員同新娘先可以戴皇冠，而且穿戴時間亦受到限制。由於皇冠係屬於正式服裝，所以唔可以喺下午6點前配戴。

Photo from IG@thekensingtonroyal

13. 成員唔可以幫民眾簽名或者自拍

基於安全理由，王室成員唔可以胡亂幫其他人簽名，以防止有假冒情況出現。但哈利王子同梅根曾經喺一次外地拜訪違反規則，幫一位小女孩簽名。

Photo from FB@theroyalfamily

14.向英女王行屈膝禮

雖然英國王室嘅官方網站就有講過，並無強制性嘅禮儀行為。不過凱特王妃和威廉王子都有教導自己嘅子女要向女王屈膝禮，仲曾經被報刊拍到。另外，根據早前梅根嘅專訪，佢亦有表示自己喺第一次件英女王嘅時候需要行屈膝禮。

Photo from IG@kensingtonroyal

15. 唔可以食貝類嘅海鮮

由於貝類海鮮會中毒嘅機會比較高，因此為個人同王室着想，王室成員們都會盡量避免食貝類嘅食物，尤其係英女王。

Photo from FB@theroyalfamily

16.英女王嘅特有秘密暗號

由於出席公開場合時，英女王嘅一舉一動都會成為焦點，所以唔方便隨意結束對話。因此英女王同佢嘅員工有特有嘅暗號，就係當英女王將佢嘅手袋由左手邊移到右手，即係代表佢已經預備好結束對話。

Photo from IG@theroyalfamily

17. 不可以玩大富翁

2008年嘅時候，約克公爵安德魯王子（Prince Andrew）就透露王室係唔可以玩大富翁，當時佢就解釋係「因為遊戲太惡毒」。而背後嘅意思就係因為呢個遊戲包含太多關於土地交易嘅敏感話題，所以佢哋都會盡量避免。

Photo from IG@theroyalfamily

18. 唔可以食大蒜

一方面係因為大蒜會導致口臭，如果有客人嘅時候會好失禮。而另一個原因，係因為英女王本身討厭大蒜，所以亦規定咗開會之前禁止成員食有大蒜嘅食物。

Photo from IG@theroyalfamily

19.當英女王食完飯，所有人都必須停止進食。

英國王室非常注重餐桌禮儀，所以當英女王停止食飯時大家都會一齊停低，以示尊重。

Photo from IG@theroyalfamily

20.皇家婚禮嘅花束必須要有香桃木

係由1837年維多利亞女王時期就開始遵守嘅規則，而香桃木嘅花語就係象徵愛情用婚姻嘅好運。

Photo from IG@kensingtonroyal

21. 唔可以摸女王嘅手袋

其實女王嘅手袋並非只為美觀，而係一個向員工發放暗號嘅工具，所以喺任何情況下都唔可以摸佢嘅手袋。

Photo from FB@theroyalfamily

22.結婚嘅禮服必須受女王批准

除此之外，婚禮嘅食物、花朵、程序等都必須先想英女王取得批准。

Photo from IG@theroyalfamily

23. 有繁複嘅打招呼要求

第一次見英女王嘅時候，要稱呼佢做「 Your Majesty」，之後就可以叫佢「Ma'am」。對王室嘅女成員，就應該稱呼為「Your Royal Highness」,之後先叫「Ma'am」。對王室嘅男成員，就一樣先叫「Your Royal Highness」,再叫「Sir」。

Photo from FB@theroyalfamily

24.倫敦塔保留6隻烏鴉

呢個喺源於英國王室嘅迷信，聽聞倫敦塔上一定要保留6隻烏鴉，否則王室將會崩塌。

Photo from FB@thetoweroflondon

25.皇室女成員經常都會攞手拿包

其中一個攞手拿包嘅好係可以避免同其他人有不必要嘅身體接觸，而且仲可以防止影相嘅時候有手唔知擺邊嘅問題。

Photo from IG@kensingtonroyal

26. 小王子要穿短褲

喺英國上流社會，長褲係成年男人嘅穿著，所以無論天氣係點都好，小王子出席公共場合時多數都係著短褲。

Photo from IG@kensingtonroyal

27. 唔可以比英女王早瞓

如果英女王未瞓覺，而其他王室成員先上床休息會被視為唔禮貌嘅行為。

Photo from IG@theroyalfamily

28. 王室嘅BB都唔會食嬰兒食品

王室BB多數都係食由私人廚師所煮嘅料理，例如有蒸的蘋果或梨子。

Photo from IG@Kensingtonroyal

29.王室嘅女成員都要穿絲襪

雖然呢一個規則並無明文規定，但英女王成日都會提醒凱特王妃喺出席活動時無可以直接露出雙腿。然而，梅根已經多次打破呢個規則。

Photo from IG@sussexroyal

30. 皇家晚宴講嘢都要分先後次序

用餐前，英女王會同右手邊嘅賓客交談，直至第二到菜上碟先會同左手邊嘅賓客交談。

Photo from IG@theroyalfamily

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

梅根自稱從未搜尋過哈里 被閨蜜反爆：講大話！從小就嚮往王室生活！

11 Mar 2021

英國哈利王子(Prince Harry)同妻子梅根(Meghan Markle) 近日就接受咗媒體嘅獨家專訪，大爆英國王室嘅秘密，令網民對此感到十分驚訝！喺訪問入面，佢仲話自己從來都無上網搜尋過關於王室嘅資料，就連係同哈利王子拍拖期間都無搜尋過佢。不過，佢就被閨蜜反駁「戴安娜王妃一直都係佢榜樣！」

Photo from IG@theroyalfamily

哈利王子夫婦係專訪就爆出喺王室生活嘅辛酸史，梅根更表示曾經有輕生嘅念頭。因為梅根自稱從來都無搜尋過關於英國王室嘅資料，所以非常唔習慣王室嘅文化。佢仲話喺第一次見英女王嘅時候，先知道原來要向英女王「屈膝禮」，感到十分驚訝，所以當時就好急忙喺車裡面學。

Photo from IG@theroyalfamily

梅根好堅持咁話就算同哈利王子拍拖期間，都無因此而搜尋過關於佢嘅資料。

Photo from IG@thesussexroyal

Photo from IG@thesussexroyal

梅根仲喺專訪控訴有王室嘅成員曾經討論過兒子阿奇嘅膚色，令佢遭受種族歧視，再加上言論同出外嘅自由都受到限制，令佢一度想輕生。

Photo from IG@thesussexroyal

不過梅根嘅呢一番言論就令佢嘅兒時閨蜜Ninaki Priddy忍唔住出嚟爆料，話梅根由細個開始就好嚮往喺王室生活，仲十分崇拜戴安娜王妃，立志要成為第二位戴妃！佢哋兩個仲曾經一齊去英國旅遊嘅時候，喺白金漢宮前面影相留念。

Photo from Karina Mowinckei Twitter

由傳記作家Andrew Morton所寫嘅《梅根：荷里活公主》（Meghan: A Hollywood Princess）亦有訪問梅根兒時好朋友，佢哋都有透露戴妃一直都係梅根嘅榜樣，戴妃嘅傳記更加係佢最珍惜嘅書。

Photo from IG@sussexroyal

而且，梅根以前曾經講過係同哈利王子拍拖之前就認識佢表姐尤珍妮公主（Princess Eugenie)，對照返專訪嘅內容好似有好大出入，令人不禁懷疑究竟邊樣先係真？！就連王室作家Robert Jobson都忍唔住話梅根由一開始就講緊大話，唔知大家有對呢事有咩睇法呢？

Photo from IG@princesseugenie

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）