【安心出行】？黃心穎臨不肯與TVB解約？許志安4月將全面復出台灣拍單元劇

2019 年時許志安同黃心穎嘅「安心事件」令二人嘅形象事業毀於一旦，事隔差唔多兩年，當年聲淚俱下誓言會洗心革面嘅許志安，緊記做錯過嘅事，時刻警惕自己。而喺近日就有消息指佢將會全面復工，4 月更會到台灣拍劇。而事件另一主角黃心穎就有咁幸運。

當年嘅「安心事件」可以話係令二人嘅形象盡毀，事業全面暫停。

2012 年奪得港姐亞軍入行嘅黃心穎，喺事件發生後一度避走美國，僅用 IG 發文道歉。去年佢雖然已回港，但有指一直被 TVB 雪藏，而且之前拍落嘅劇都已經播晒，可以話真係完全零工作。

但同 TVB 簽咗長約嘅黃心穎因為合約仲未完，但又復出無望嘅情況下，有指佢就曾主動提出解約，而 TVB 亦有意網開一面，但喺研究解約細節時，黃心穎又突然改變心意，唔肯簽解約文件，唔知佢係咪對娛樂圈仲有留戀呢？！

而另一位主角許志安喺經過 1 年多時間嘅沉澱、反省，喺去年更亮相 ViuTV 音樂節目《Chill Club》試水溫。但當時佢直言自己已做好復出嘅心理準備，但唔敢操之過急，並喺年初時透露嘅牛年嘅工作大計之一就係想拍劇。

而近日更有消息傳出指許志安積極做運動 Keep Fit，已準備好全面復工，並會喺嚟緊嘅 4 月飛到台灣拍攝單元劇《接招吧！製作人》（暫名）。劇集係關於歌手嘅勵志奮鬥故事，由 12 個單元故事組成，而許志安就係其中一個單元嘅主角。

據悉許志安好鍾意今次接演嘅依個劇本，覺得角色充滿正能量，而佢除咗參演劇集外仲會為劇集唱主題曲添。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

黃心穎有望解凍復出？TVB助理總經理樂易玲：唔應該放棄佢

04 Aug 2020

黃心穎與許志安舊年喺車廂偷食嘅「安心事件」，令二人事業直插谷底！事隔一年，許志安重新出現幕前，而黃心穎亦有望復出！TVB助理總經理樂易玲出席公開活動時表示：「唔應該放棄佢，人人都做錯過嘢，睇下仲有無得重新嚟過。」

上年許志安同黃心穎被爆出喺車廂偷食，「安心事件」令兩人形象大受打擊，手頭上所有工作都要暫停。

Photo from 黃心穎IG

許志安更開記者會公開道歉，並宣布暫停所有工作。而另一當事人黃心穎就避走美國，僅用IG發文道歉。

Photo from 黃心穎IG

受千夫所指嘅黃心穎雖然已重返香港，但一直無再螢幕前出現，有份參演嘅《法證先鋒4》更要換角重拍，由湯洛雯取代其角色。

Photo from 黃心穎IG

潛水多時嘅黃心穎IG仍照常更新，但仲未開放留言。而許志安已錄影拍攝ViuTV節目《寶麗金50周年Chill Club》，準備復出。

大眾關心黃心穎係咪都會再次出現於幕前，無綫助理總經理兼邵氏電影執行董事及總經理樂易玲出席公開活動時就有提及黃心穎。

Photo from 黃心穎IG

樂小姐表示想約黃心穎出嚟見面傾下偈，佢話一直有同心穎以WhatsApp溝通。

樂小姐又指：「唔應該放棄佢」認為人人都做過錯事，要睇下錯嘅嘢有幾大，可唔可以重新嚟過，不過就要講天時地理人和。

Photo from 黃心穎IG

講到黃心穎幾時會「解凍」復出，佢表示個問題好深要遲啲回答，要同心穎同公司好好溝通，另外亦要諗清楚，畀黃心穎復出係幫到佢定係係害咗佢。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）