侯佩岑媽媽同女婿互動過份親密網民反感「綠了兩個閨密下個就是女兒」？

By Stephanie on 15 Mar 2021

Digital Content Writer

候佩岑帶同媽媽林月雲一齊參加內地節目《婆婆和媽媽》大談媽媽嘅小三情史，引來不少網民嘅責罵，覺得佢哋係為咗高價酬勞而企圖炒作小三話題。喺最新嘅一集，就有網民發現林月雲同女婿嘅互動非常親密，令不少網民直言「侯佩岑似局外人」！

Photo from 侯佩岑FB

自從候佩岑同媽媽林月雲喺節目大談做小三嘅往事，就令網民不滿，覺得佢哋係再一次傷害緊人哋嘅家庭。而最近播出嘅一集，就有網民發現林月雲同女婿黃柏俊嘅互動相當親密，並無適當咁保持距離。唔單止係咁，林月雲同女婿仲會私底下約出街同埋拖手，令網民紛紛質疑佢無分寸。

Photo from 湖南衛視YouTube

節目入面，佢知道女婿肩膀酸硬，就主動提出幫佢親自刮痧。儘管女婿婉轉地拒絕，表情極度尷尬，佢都一於唔理繼續幫佢按摩。

Photo from 湖南衛視YouTube

喺節目裡面佢仲多次用言語向女婿表達愛意，完美咁展現佢曾經講過自己「愛要讓全世界知道」嘅愛情觀。喺食飯嘅時候，林月雲就主動向女婿講「我愛你」，非常主動咁表達自己嘅愛。

Photo from 湖南衛視YouTube

而喺候佩岑同媽媽交談期間，林月雲就話佢同女婿兩人之間有小秘密，大爆有一次女婿因為同候佩岑吵架就打比佢傾訴，仲話覺得呢個係佢哋兩個嘅事，所以先無同女兒講。搞到個女都忍唔住話「你比較了解佢」！

Photo from 湖南衛視YouTube

好多網民就覺得兩人互動過份親密，令人不禁覺得「林月雲好假」，但亦有網民認為佢哋兩個溝通融洽，係唔少老一輩同後輩相處嘅好榜樣。

Photo from 湖南衛視Youtube

自從侯佩岑上咗呢個節目之後，佢「第一美女主播」嘅美好形象似乎已經無再比大家提起過，好多負面嘅評論都喺佢微博出現，睇嚟今次佢都一齊受牽連！

Photo from 侯佩岑微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

侯佩岑媽媽拍《婆婆和媽媽2》重提當年介入閨密婚姻感自責　網友唔Buy：為咗賺錢再一次傷害對方！

9 Mar 2021

綜藝節目《婆婆和媽媽2》自開播以嚟引起唔少話題，而其中侯佩岑同媽媽林月雲依對組合更引嚟唔少網友批評，甚至號召抵制侯佩岑嘅代言商品以及抵制拒睇節目。

侯佩岑嘅媽媽林月雲係 70 年代嘅台灣著名演員，年輕時更被捧作電視台嘅當家花旦。佢演出過唔少電影，但最為人熟悉嘅係佢當年曾介入製作人侯世宏及建商邱嘉雄嘅婚姻，兩位都係佢閨蜜嘅老公嚟，因此至今被網友譏諷為「地表最強小三」。

節目中侯佩岑同媽媽聊起過往點滴時重提當年林月雲 2 度介入閨密婚姻成為小三嘅感情一事，侯佩岑從媽媽的角度出發心疼媽媽一路以來承受委屈，並想透過節目嘅溫情效果，淡化大眾對往事嘅觀感。

侯佩岑緊牽林月雲嘅手安慰道：「其實我知道大人的世界並不容易，可是妳已經盡妳所能，讓我可以感受到童年都是快樂的、讓我沒有承受這些壓力。回想起來，我的家還是滿滿的愛。」、「是我長大才知道說，原來成人的世界是多麼不容易。」等，聽到侯佩岑咁講林月雲亦堅強指「只要妳沒有受傷就好。」並指「剩餘的時間，做一些該懺悔的事…。」接著緊抱著侯佩岑，頻頻道歉。