吳浩康新歡係「格鬥女神」？盤點歷任5位公開戀愛女友

現年37歲嘅吳浩康一直以嚟都桃花不斷，前度們都有唔少係大家熟悉嘅人。近日，就有傳媒拍到佢同被封為「格鬥女神」嘅34歲郭思琳喺白色情人節當日去南丫島露營，兩人互動親密，睇嚟吳浩康「情場浪子」嘅稱號並唔係浪得虛名！

Photo from 吳浩康IG

現年37歲嘅吳浩康自從前年年尾同崔碧珈分手之後，就話因此而對愛情失去信心同希望。不過喺白色情人節當日，佢就被拍到同郭思琳一齊坐船去露營，睇嚟佢已經搵返對愛情嘅一絲希望喇～

Photo from 吳浩康FB

期間，佢哋嘅互動都十分親密，時不時都會「咬耳仔」。當佢見到女友凍嘅時候，就將自己嘅牛仔褸披喺女友嘅身上，非常體貼。兩人嘅警覺性都好高，成日周圍望同背對住人群，希望可以避開大家嘅目光。

Photo from 郭思琳IG

第二日郭思琳就喺IG post咗喺南丫島嘅風景照，相反吳浩康就只係放咗自己嘅開工照片。睇嚟佢哋兩個都非常小心咁對待呢段戀情！

Photo from 郭思琳IG

Photo from 吳浩康IG

其實吳浩康嘅情史都非常精彩，每段感情都備受關注。喺1999年，佢就因為參加《全球華人新秀歌唱大賽》而認識同樣係參賽者嘅胡定欣，直到2004年先公開戀情。雖然當時吳浩康有藏毒同打人嘅前科，但女方都對佢不離不棄，令外界一度睇好佢哋兩個。可惜，佢最後因為搭上莊思敏而分手。

Photo from 胡定欣IG

喺2006年同莊思敏一齊，兩人一直表現恩愛，但戀情只維持咗5年就告終。當時有傳喺因為吳浩康沈迷藥品同埋想女友借錢，事後莊思敏亦承認有借過錢比佢。

Photo from 莊思敏IG

2013年，就與同公司嘅鍾舒漫公開拍拖，仲經常以情侶檔出席活動。吳浩康洗心革面，為咗女友戒煙戒酒，並且去到談婚論嫁嘅地步。但就被傳媒拍到佢喺1個月內同6個女仔約會，令鍾舒漫傷心提分手，同時被冠上「世紀賤男」嘅稱號。

Photo from 鍾舒漫FB

2016年，佢就搭上酒樓太子女李昭南，戀情維持咗兩年就分手。

Photo from 李昭南IG

之後喺2019年就同崔碧珈一齊，今次戀情僅僅維持咗9個月就結束。喺吳浩康發佈分手宣言上IG嘅時候，崔碧珈仲公然反駁男方又講大話，兩人不歡而散！

Photo from 崔碧珈IG

Photo from 吳浩康IG

睇完吳浩康嘅戀愛史，曾經幾度公開戀愛過，但最後都分手收場，又難怪佢今次會想將戀情保密嘅～

Photo from 吳浩康FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

羅天宇微調變V面？！ 號稱「女神收割機」盤點湯洛雯、苟芸慧等歷任女神級女友！

25 Feb 2021

早前，羅天宇出席電視劇《十月初五的月光》嘅宣傳活動時就被發現佢塊面變尖咗又細咗，甚至比身旁的胡鴻鈞更V，與初出道時相比落差較大，網民懷疑佢有靜靜雞去進行微調。一齊睇下呢位號稱「女神收割機」嘅進化史。

Photo from TVB

Photo from 羅天宇IG

羅天宇憑藉《香港愛情故事》人氣急升，早前更宣布有份參演經典劇集《十月初五的月光》新版，但係就有眼尖嘅網民發現佢嘅下巴變尖，面變細，與過往面型有較大的落差，懷疑佢有去微調。有網民就爆料話羅天宇喺去咗啪骨（技師徒手調整面部顴骨/下顎等位置），所以面型有所改變。

Photo from 羅天宇IG

小編查看過羅天宇從2008年參選香港先生入行時的照片，發現其實與現在落差不大，但拍《愛回家》時，開始微微發脹，顯得比較包包面，所以相信動刀可能不大。TVB

Photo from TVB

不過無論羅天宇面尖定肥都好，都依然好有女人緣。入行以來，佢嘅緋聞女友個個都係女神級，令網民睇到都羨慕！佢承認過嘅女朋友就有林芊妤，苟芸慧同埋湯洛雯，更有傳林芊妤係羅天宇嘅初戀，佢哋嘅親密照更加被流出，最終和平分手。

Photo from Coffee FB

佢同苟芸慧呢段相差4年嘅姐弟戀當時就不被外界睇好，不過有傳苟芸慧就最深得羅天宇媽咪歡心，可惜都係分手收場。

Photo from 苟芸慧FB

其中最為人熟悉嘅一定係佢同湯洛雯嘅4年戀情，雖然佢地最終都分咗手，但佢地依然係好朋友，即使分手後也一同拍攝旅遊節目，另外界一度以為二人有機復合。喺湯洛雯公開同馬國明嘅戀情之後，佢更公開咁大方祝福佢哋。

Photo from TVB

同湯洛雯分咗手之後，羅天宇嘅緋聞依然無停過，除了傳出有同合作拍《愛回家》嘅蔣家旻傳出日久生情，亦有傳佢同高海寧因為拍劇熱戀，佢都一一否認。

Photo from 蔣家旻FB

Photo from 高海寧FB

而最近期羅天宇就被拍到接戴祖儀返工放工，同埋一齊去沙灘。桃花咁旺，「女神收割機」呢個稱號，真係當之無愧！

Photo from 戴祖儀 FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）