港女Staycation上癮個個星期都去男友崩潰向網友求助！

By Stephanie on 18 Mar 2021

Digital Content Writer

由於疫情嘅關係，大家都無得出國去旅行，所以staycation就成為咗大家現時最熱門嘅活動，令大家可以喺假期嘅時候暫時當自己去咗旅行～但近日就有男友喺討論區投訴自己嘅女友staycation 去上癮，仲要不停咁買套票，令佢花咗好多錢。

Photo from TVB

呢位男友喺香港討論區度開post話因為佢上年喺女友生日時幫佢安排咗一次staycation，而令女友開始沈迷去staycation，而家個個星期都要去！

Photo from 香港討論區

雖然而家有好抵嘅套票，但女友成日都會貪得無厭，一時話加自助餐，一時又話要upgrade間房。而且每次加嘅價錢由幾百蚊到幾千蚊不等，令佢嘅花費越嚟越多。最近，女友甚至話想體驗五星級嘅服務，想去一間五星級嘅酒店staycation試下，但一晚就已經要幾千蚊。

Photo from TVB

呢位男友就嘗試同女友提出「不如一個月淨係去兩次staycation」，但女友就即刻話「係咪嫌佢麻煩同貴，話自己約朋友去，自己出返錢」，搞到佢都唔知點應對好！

Photo from TVB

最後就話staycation真係害人不淺，貴少少嘅套票有時候已經可以飛去台灣玩返五日四夜！

Photo from TVB

好多網民睇完之後，都留言表示支持男友話唔明白點解而家咁多人鍾情於去staycation，認為係浪費錢嘅消費活動。

Photo from 香港討論區

但亦都有網民認為應該把握而家酒店所推出嘅套票，好好咁體驗五星級享受。仲提議如果真係成日住酒店，就可以申請優惠信用卡，咁樣就會更加抵！唔知大家對staycation又有咩睇法呢？

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

吳若希Staycation影打卡相嫌老公影得自己醜發火大鬧：「你成個人都冇用！」

1 Mar 2021

早前，吳若希同老公去staycation仲係YouTube度post咗條片，而佢老公就化身為攝影師幫佢影港女打卡相，十分甜蜜。但係當吳若希喺度睇返啲相嘅時候，佢就忍唔住嫌棄老公嘅作品，仲嬲到大鬧「你成個人都冇用！」

Photo from 吳若希IG

近排，吳若希就開咗個YouTube channel去同大家分享佢嘅日常生活，而最新嘅影片就拍低咗佢同老公去Staycation。片段中，吳若希好興奮咁參觀酒店房間，而佢老公亦時不時做出甜蜜嘅舉動。當佢老公見到床上有一扎花嘅時候，佢就即刻跪地向佢獻花。但當吳若希問係咪酒店因為情人節而送嘅時候，佢老公亦非常誠實咁話應該係，令吳若希忍唔住話佢「講大話都唔識」。