陳松伶同老公放棄生育！內疚向奶奶淚崩傾訴「我剝奪咗你嘅權利」

娛樂新聞

By Stephanie on 19 Mar 2021

Digital Content Writer

陳松伶同老公張鐸一齊出演內地綜藝節目《婆婆和媽媽》，節目播出之後唔少網民都認為張媽媽（奶奶）對陳松伶嘅態度唔好。而喺最新嘅一集就提到陳松伶決定放棄生育，非常遺憾未能夠令奶奶抱孫，而奶奶亦都忍唔住心痛落淚。睇嚟張媽媽都有嘗試體諒新抱嘅處境～

Photo from 婆婆和媽媽微博

喺過去幾集嘅《婆婆和媽媽》，張媽媽對待陳松伶嘅態度比較冷漠，婆媳關係十分微妙，令網民都為陳松伶抱打不平。而最新呢一集就講到放棄生育嘅問題，令到佢哋都忍唔住講到流曬眼淚。

Photo from 婆婆和媽媽微博

陳松伶因為曾經罹患卵巢腫瘤而無法生育，未能滿足奶奶想要抱孫嘅願望，再加上老公係獨生子，令佢感到非常遺憾。就喺節目到講出自己一直以嚟嘅心底話，「我是剝奪了奶奶的權利，因為這是她圓滿的想法，我一直欣賞她對我的寬容。」

Photo from 婆婆和媽媽微博

仲表示因為奶奶喺咁重要嘅問題上作出咗讓步，所以就算喺相處上偶爾有唔舒服嘅地方，佢都可以理解。

Photo from 婆婆和媽媽微博

奶奶聽完陳松伶嘅呢一番話之後，就流住眼淚咁話唔應該咁樣講，話呢樣嘢係佢哋兩夫婦協議好，無論點都支持同尊重佢哋嘅決定。仲反過嚟安慰陳松伶話見到佢哋兩個開心，何必要追求圓滿嘅天倫之樂。

Photo from 婆婆和媽媽微博

唔少網民睇完呢個片段之後，都大贊奶奶嘅真誠態度，十分體諒佢哋兩夫婦嘅決定，並且話能夠由心底裡改變自己原先嘅想法一啲都唔容易！

Photo from 婆婆和媽媽微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

《婆婆和媽媽2》陳松伶奶奶行為惹公憤！唔敲門直接入兒媳房/送禮嫌三嫌四/玩失蹤

9 Mar 2021

陳松伶同老公張鐸參加大陸綜藝《婆婆和媽媽2》，節目中佢同奶奶關係尷尬，新一集新抱奶奶矛盾升級，令陳松伶忍唔住同奶奶對質，有唔少網友感同身受，批張媽媽行為過火。

Photo from 《婆婆和媽媽2》

50歲陳松伶同細佢8年嘅張鐸結婚後長居大陸，佢哋夫妻同奶奶一齊出演《婆婆和媽媽2》，第一集已透露出張家婆媳關係尷尬。張媽媽唔止當新抱陳松伶隱形，又逼新抱食大蒜麵包，更被爆喺新抱入門10年嚟都無講過一句好說話。

Photo from 《婆婆和媽媽2》

喺新播一期中，張家婆媳矛盾升級，首先係張媽媽用毛巾舖晒喺梳化上面，話咁可以避免梳化舖塵，但做法就不獲陳松伶認可，而且反駁啲毛巾都會甩毛。

Photo from 《婆婆和媽媽2》

食早餐時張媽媽又透露咗朝早佢偷偷入咗兒子兒媳嘅主人房。雖然陳松伶同奶奶講好貼咗「松」貼紙嘅地方唔可亂入，但張媽媽就將貼紙摵落嚟直接入房收拾主人房衣帽間，更表示：「反正是我兒子的！」不過之後陳松伶夫婦都諒解張媽媽想幫兒子兒媳執拾屋企嘅心意。

Photo from 《婆婆和媽媽2》

之後陳松伶夫妻帶奶奶出門買衫，陳松伶更體貼幫奶奶綁鞋帶，張媽媽試咗一年長毛外套幾啱心水，但嫌貴，雖然陳松伶開聲表示買畀佢又話幫奶奶講下價，但奶奶仍指件衫唔值唔肯買，後來行咗勁多間店，陳松伶嘅建議包括買香水、唇膏全部都被奶奶拒絕。

Photo from 《婆婆和媽媽2》

陳松伶又同奶奶試頸巾，奶奶當然又係say no，仲一嘢推開咗陳松伶隻手，不過陳松伶唔理佢直接畀錢買咗，點知奶奶仍然拒絕話唔適合佢，眼見陳松伶都嬲嬲哋，張鐸就話唔買就唔好再行街，直接返屋企。

Photo from 《婆婆和媽媽2》

張媽媽見仔仔話唔高興，為氹返佢就去返第一間舖買咗件長毛外套。一家三口坐底傾偈時陳松伶亦忍唔住抒發感受：「每次要給媽媽買東西，或者給她做一點好的東西，其實只是想表示一點心意，但不知道為甚麼整天都要被拒絕，就每次這個被拒絕，我覺得好氣餒，都是不領情的。」但奶奶極力否認自己唔領情，反而指係陳松伶表達方式含蓄。