黃夏蕙話自己全塊面都係純天然 揭露執著要上頭柱香背後原因

黃夏蕙（夏蕙姨）係影壇大前輩，雖然佢已經無拍戲好耐，但佢嘅獨特舉動都依然成日成為大眾嘅話題。近日，就有佢以前嘅訪問片段po咗出嚟，而主持人亦好直接咁問咗幾條比較敏感嘅話題，包括有關整容嘅傳聞，令唔少網民喺留言話欣賞夏蕙姨大方得體嘅談吐！

Photo from 黃夏蕙FB

雖然黃夏蕙而家已經90歲，但佢嘅一舉一動依然經常成為大眾嘅話題，佢而家亦時不時會獲邀請上節目接受訪問。喺小肥豬週記呢集訪談入面，佢就大方咁回答主持人比較犀利嘅問題。主持人一開始就即刻問夏蕙姨，係迷因為太眷戀以前嘅美貌而不停咁整容，佢就否認仲表示自己個樣同以前一模一樣，只係老咗好多。

Photo from Youtube GoodShowTV2011

主持人就繼續追問落去「坦白啲同我講有邊到整過？」，夏蕙姨就好淡定咁回答佢咩都無整，淨係整咗頭髮。仲表示自己平常會戴假髮，因為自己比較懶，有假髮就可以方便啲。

Photo from Youtube GoodShowTV2011

除此之外，夏蕙姨就話自己一直都好忙，因為佢有份參與好多嘅義工活動，出錢亦出力！

Photo from Youtube GoodShowTV2011

之後，主持人又問夏蕙姨知唔知自己比人封咗「殯儀之星」，仲問佢係咪因為好鍾意出風頭所以先會不停咁參加人哋嘅喪禮。而夏蕙姨就表示呢樣嘢真係好委屈，佢一把年紀認識好多朋友，但好多朋友喺呢幾年相繼離開人世，佢好傷心，所以作為朋友佢一定會到場。

Photo from Youtube GoodShowTV2011

有「頭炷香KOL」之稱嘅夏蕙姨就喺訪談中，解釋咗點解自己會對農曆新年上頭炷香咁執著。佢表示自己非常迷信，一開始就約定同另外3個朋友一齊年年去上頭炷香。但呢三位朋友都分別因為有突發事件而無喺新年嘅時候上頭炷香，可怕嘅係佢哋都喺無上香之後離世，令夏蕙姨對上香嘅心更加堅定！

Photo from 黃夏蕙FB

而一向非常潮嘅夏蕙姨亦都有留意林作同鍾培生嘅拳擊挑戰賽，琴日仲喺Facebook話希望可以「舉牌女郎」，令唔少網民都話好想睇夏蕙姨上台～

Photo from 黃夏蕙FB

Photo from 黃夏蕙FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

90歲黃夏蕙素顏照曝光！網友指仲好睇！曾於凌晨唔化妝嚇走入屋行劫賊人

25 Feb 2021

「頭柱香KOL」黃夏蕙今年無得上頭柱香。最近一向以濃妝造型示人嘅夏蕙姨，竟被人公開素顏照！不過網友都話夏蕙姨素顏好睇過化妝好多，仲讚佢皮膚好添！

Photo from 黃夏蕙Facebook

黃夏蕙今年90歲，因為年年農曆新年都會去黃大仙廟爭上「頭炷香」，獲封為「頭柱香KOL」。

Photo from 黃夏蕙Facebook

夏蕙姨身壯力健，可惜今年因疫情問題上唔到頭柱香，但佢仍有以牛年造型示人，獲唔少網民讚好。

Photo from 黃夏蕙Facebook

黃夏蕙出門一向都打扮隆重，超厚粉底、假眼睫毛呢啲當然唔少得，但近日夏蕙姨素顏照竟然曝光？！

Photo from 黃夏蕙Facebook

黃夏蕙喺Facebook 轉發佢無化妝嘅相：「又被死肥豬偷影咗」夏蕙姨有紋眉，就算唔化妝都面色紅潤、唇色亦非常健康。

Photo from 黃夏蕙Facebook

網友就讚佢素顏更好：「夏蕙bb素顏靚好多」，又話佢皮膚好，睇落得60幾歲。

Photo from 黃夏蕙Facebook

Photo from 黃夏蕙Facebook

估唔到夏蕙姨90歲都keep得咁好，不過2015年嗰陣，有報道指夏蕙姨寓所有賊人入屋，凌晨時份嚇到夏蕙姨叫咗一聲，點知賊人竟然被素顏黃夏蕙嚇走咗，事件更吸引日本富士電視台節目《世界HOTジャーナル》採訪。原來夏蕙姨素顏都唔差呀～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）