洗米嫂40歲S型身材fit到漏 18年前清純照片曝光網民：keep 得靚過Mandy！

Digital Content Writer

太陽城集團CEO兼澳門賭業大亨周焯華（洗米華）嘅感情世界一直都備受關注，喺40歲正印陳慧玲（洗米嫂）同35歲小三model Mandy Lieu嘅三角戀情之間糾纏咗好幾年。直到2020年，Mandy承認同洗米華已經分手，唔少網民都替洗米嫂感到開心！

Photo from 洗米嫂IG

洗米華同洗米嫂喺2002年結婚，到今年踏入第19年。儘管洗米華一直都有唔少桃花喺身邊出現，但洗米嫂嘅強大魅力令佢依然坐穩正宮嘅地位！

Photo from 洗米嫂IG

洗米嫂並無因為老公事業成功而放棄自己嘅事業，仲更加多元化咁發展自己嘅事業，佢嘅事業涉及範圍廣到包括餐飲、公關、設計等，成為咗一位名副其實嘅「女強人」。唔單止喺咁，佢仲經常參與唔同嘅慈善活動，親力親為，盡顯愛心！

Photo from 洗米嫂IG

洗米嫂亦非常照顧洗米華同前妻生嘅兒子周柏豪，視如己出，好似朋友咁相處，亦非常支持佢自己做生意。除此之外，佢亦為洗米華生咗兩個可愛嘅女兒，分別係大女周梓潼（Virginia）同埋細女周羨潼（Damiana），但生完之後身材依然keep 得非常好！

Photo from 洗米嫂IG

除咗打理好自己嘅事業，洗米嫂都好努力咁令自己嘅生活變得充實㗎！由於佢熱愛運動，所以經常都會見佢喺IG度po同朋友一齊去戶外活動嘅照片，行山、瑜珈、攀石，健身，樣樣都做齊曬。

Photo from 洗米嫂IG

洗米嫂嘅身材亦係唔少女生夢寐以求嘅dream body，擁有健康結實嘅馬甲線、蜜桃臀同埋修長嘅美腿，完美嘅S line線條，令唔少網民都忍唔住喺佢嘅IG下面留言大讚佢嘅好身材！近日佢就po咗自己喺印度恒河瑜伽教育學院所考取嘅初級瑜珈教練證書，難怪佢嘅身材可以一直保持得咁好啦～

Photo from 洗米嫂IG

而佢最近亦喺IG上po咗18年前嘅照片，都令好多網民驚嘆佢當時就已經非常有氣質！有網民就留言向洗米嫂請教養生凍齡嘅心得，而佢都非常親切咁解答，話認為心態係最重要，自己唔可以懶，仲話自己唔鍾意full mask，所以多數都係食保健食品。

Photo from 洗米嫂IG

唔止識得保養，服裝都係令人可以保持年輕嘅重要一環！洗米嫂嘅服裝品味都非常新潮，打扮十分緊貼潮流，就算同大女一齊影相，都好似一對姐妹咁～

Photo from 洗米嫂IG

洗米嫂能夠做到喺事業、家庭、身材、保養等都咁完美，又難怪洗米華會咁疼愛佢～

Photo from 洗米嫂IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

麥明詩公開素顏泳照晒身材！原來係呢位名猛男濕身操刀！

18 Mar 2021

港姐冠軍麥明詩近年淡出娛樂圈，轉做普通OL。日前佢喺IG大晒性感泳衣照，更大方素顏上陣，獲網友大讚：「真係有出水芙蓉嘅感覺。」

Photo from 麥明詩IG

29歲嘅麥明詩雖然已甚少出現喺幕前，但佢嘅一舉一動仍好受外界注目，佢前男友林作最近話題多多，連帶麥明詩都備受關注。

Photo from 麥明詩IG

林作同鍾培生隔空對罵時，麥明詩罕有加入，更叫佢哋停止使用貶低女性用語。

Photo from 麥明詩IG

麥明詩近日喺IG公開「男友視角」嘅泳衣照，大晒性感身材，網友紛紛讚好：「身材好好」、「完美示範何謂樣靚身材正」

Photo from 麥明詩IG

有人發現佢以素顏示人，麥明詩回應指：「因為真係會游水」，素顏出鏡嘅佢亦力證係自然美女。

Photo from 麥明詩IG

呢張「男友視角」泳照原來都係麥明詩哥哥操刀！之前麥明詩晒西環碼頭相被指違口罩令，又被誤會一齊合照嘅哥哥係佢男友，今次麥明詩喺Story公開哥哥影相嘅「幕後花絮」，亦寫明泳照係「Some time ago」。

Photo from 麥明詩IG

網友留言力讚麥明詩：「林生走寶」、「素顏仲靚」、「嘩好索的麥明詩」

Photo from 麥明詩IG

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel