莊思敏自爆曾被製作人話戲太差 拍片反擊演技大爆發 網民人人讚？

莊思敏入行多年，其實都出演過唔少嘅電影同電視劇。近日，佢就自爆多年前曾經被一位製作人狠狠咁話佢根本唔識得演戲，話連佢喊都未見過。而佢就拍咗條片大曬自己嘅大喊演技，令唔少網民都喺留言稱讚佢？！

Photo from 莊思敏FB

莊思敏自入行曾經演出過好多嘅電視劇同電影，但可惜佢嘅演技表現一直都並未能夠突圍而出。佢琴日就喺 Facebook 度話曾經有為製作人喺私人場合見到佢，仲專登走過去同佢「挑機」！

Photo from TVB

佢就話呢位製作人一嚟就話覺得佢唔適合做演員，原因係因為睇過佢出演嘅綜藝節目，認為佢係一位綜藝人。仲話印象中無見過佢喊，認為唔識喊嘅人唔會係一位好演員，令莊思敏當時感到非常無奈。

Photo from 莊思敏FB

Photo from 莊思敏FB

喺講完呢件就事之後，莊思敏就即刻開始醞釀自己嘅情緒，10秒之後仲有一大滴眼淚流咗出嚟。期間，佢仲一邊笑一邊喊，嘗試演繹多種唔同嘅情緒轉換。

Photo from 莊思敏FB

Photo from 莊思敏FB

網民們睇完條片之後，都紛紛安慰鼓勵佢，同讚佢演技有進步！唔知大家又覺得佢算唔算好戲呢？

Photo from 莊思敏FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

莊思敏打科興疫苗慶祝結婚周年 呢對情侶都打咗？

16 Mar 2021

上年嘅3月15日，莊思敏就同台灣珍珠奶茶店老闆Brian結婚。適逢結婚一週年，佢哋就用一個非常特別嘅方式去慶祝佢哋嘅週年紀念，就係一打科興嘅疫苗，真係一個好特別又健康嘅慶祝方法！

Photo from 莊思敏FB

上年3月，就有傳媒發現莊思敏同拍拖唔夠一年嘅Brian入紙排期結婚，並於同年喺佢豪宅舉行婚禮。琴日，莊思敏就喺IG上載自己抱住一扎玫瑰花嘅相片，大曬喺結婚週年紀念所收到嘅禮物。

Photo from 莊思敏FB

Photo from 莊思敏FB

作為拿督千金嘅佢，點會只係用一扎花嚟慶祝結婚紀念呢～但另外一份禮物都真係好特別，就係去接種「克爾福來」疫苗，亦即係中國科興所生產嘅疫苗。佢仲喺IG 大曬疫苗嘅小冊子同埋疫苗接種嘅紀錄。

Photo from 莊思敏FB

Photo from 莊思敏FB

有網民就喺留言問佢打完疫苗之後有無副作用，而佢就回覆「我無嘢喎！」

Photo from 莊思敏IG

唔單止係咁，佢妹妹莊思明同男友楊明都接種咗疫苗，亦有將兩人打完針嘅自拍照擺上IG。由於餐飲業亦都屬於優先接種組別之一，作為咁多間餐廳分店老闆嘅佢哋當然要以身作則啦～

Photo from 莊思明IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）