關禮傑19歲細女打扮前衛恨去韓國做女團練習生 與甜美家姐反差大

藝人關禮傑與太太梁安娜嘅一對女兒從小就係喺大家眼中都係高顏值嘅星二代嚟，而隨住家姐大女關楓馨（Tiffany）碩士畢業返港發展後，19 歲嘅細妹關楓盈（Franziska）原來都有意入行，仲夢想到韓國發展做練習生出道做女團添！

2001年出世嘅 Franziska 無論外形同打扮都比較韓風，同家姐所走嘅歐美風完全唔同，Franziska 以一頭漂染頭髮示人身上亦有多個紋身和穿環，耳骨環、鼻環、唇環和眉環都有，相當前衛有個性。

而 Franziska 同時下嘅年輕人差唔多，鍾情於日本動漫同K-POP音樂，佢仲係韓國男團 BTS（防彈少年團）嘅粉絲嚟添，喺佢嘅 IG 中不少都見到佢跟住偶像的腳步朝聖打卡，同佢房內貼咗唔少偶像嘅收藏品呀！

Franziska 亦希望可以去韓國學韓文兼追星，並喺韓國當練習生之後以女團成員身份出道，但由於要韓國出道實在太困難，暫時計劃仍是未知之數。

不過唔好睇 Franziska 只得 19 歲，正正因為佢已經有明確目標積極裝備自己，仲跟家姐轉食素努力減肥，所以身形上變得修長有線條，論外形絕對唔差㗎。

據了解，關禮傑對女兒嘅決定都唔反對，畀咗好大嘅自由度佢哋，並認為讀書幾時都可以讀，但青春一去不返，所以對於女兒想出去闖蕩吓都支持。

而睇番家姐關楓馨，早年關楓馨因其甜美樣子被無綫力邀參選港姐，當時剛大學畢業嘅佢知道關禮傑想佢先讀好書，因此當時佢就只有放假回港時先會參與公開活動，直到去年佢嘅英國教育碩士畢業返港發展。

不過關楓馨就自嘲身高不足，做 Model 無望，只能向演戲方面發展，更透露正搵緊適合嘅演藝課程修讀，為加入娛樂圈積極備戰：「我比較想演戲，睇吓有咩適合自己。爸爸、媽咪畀我自己揀想做咩就去做！我好希望有機會同爸爸合作拍戲。」

唔知以後會唔會見到佢哋三父女同場拍戲呢？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

李麗珍24歲女兒許倚榕細個被笑似爸爸　現蛻變成氣質女神更勝媽媽？！

10 Mar 2021

正所謂「女大十八變」，近年唔少具有明星相或具模特兒氣質嘅星二代，睇吓李麗珍女兒許倚榕就知喇！現年 24 歲嘅 Annise 真係可以話係愈大愈靚女，仲要係有氣質嗰隻添，難怪會成為朋友間嘅風頭躉。

一代女神李麗珍同前夫許愿嘅女兒許倚榕（Annise）喺 2016 土去加拿大升學時仲係平平無奇嘅小女孩，細個時佢嘅面型同五觀就似足爸爸，唯一同李麗珍最似嘅就係對眼！

當年 Annise 喺加拿大升讀大學時主修設計，開始學識打扮，加上 Annise 身材本來就屬於高佻均稱嘅類型嚟，不時佢仲會喺 IG Share 自己嘅生活日常，晒吓白滑長腿！

愈大愈有李麗珍當年嘅女神氣質呀！

雖然佢同媽媽李麗珍嘅氣質唔太一樣，但連李麗珍嘅御用髮型師 Daniel都曾經喺 IG 讚佢係「星二代女神」。

Annise 畢業後返咗香港工作，據知有唔少經理人公司都想簽佢，但佢自己就對娛樂圈冇乜興趣，而媽咪李麗珍亦唔太想女兒入行。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）