香港5大打卡必到「天空之鏡」 鯉魚門、長排頭天池都影到！
想影天空之鏡，唔一定要去元朗下白泥嘅，香港仲有好多地方都可以影到，今次就推薦大家5個打卡必到嘅天空之鏡景點，仲有埋交通方法！
流水響
流水響有「港版輕井澤」之稱，水塘被落羽松圍繞，係秋冬嘅大熱打卡景點。而當陽光灑進水塘時，樹影就會倒映湖中，成就天空之鏡嘅絕美畫面。加上流水響亦有郊遊徑，影天空之鏡之餘仲可以順便行埋山。
流水響
交通方法：粉嶺站A出口，乘小巴52B至八仙嶺郊野公園迴旋處落車，步行至流水響水塘入口。
長排頭天池
長排頭嘅天池都係影天空之鏡嘅好地方，而之所以叫「天池」正正就係因為水面風平浪靜時會形成一面鏡，見到天空嘅倒影。天池呢個地方絕對係影天空之鏡嘅秘景，大家放假就可以去探索下～
長排頭天池
交通方法：粉嶺站乘搭小巴56K至鹿頸落車。
南山邨
南山邨係香港舊式公共屋邨，屋邨嘅彩虹橋係熱門打卡景點，而當落雨時，彩虹橋下面就會積水，可以見到屋邨嘅倒影，有別於大自然嘅天空之鏡， 呢個「屋邨之鏡」亦別有一番風味。
南山邨
交通方法：石硤尾站B2出口。
鯉魚門石礦場
鯉魚門嘅三家村係睇日落嘅勝地，而附近嘅石礦場就可以影到天空之鏡啦！石礦場有好多岩石，配合埋日落，夕陽倒映嘅話，就可以影到超有意境嘅美照！
鯉魚門石礦場
交通方法：油塘站A2出口，沿茶果嶺道步行。
迪欣湖
迪欣湖係野餐勝地，但迪欣湖嘅天空之鏡就唔係人人都知道，因為位置比較偏僻，要影到天空之鏡就要行一條由石頭堆砌嘅小路，而小路並唔易行。大家想影靚相嘅同時都要小心喔！
迪欣湖
交通方法：迪士尼站出，於迪士尼樂園公共運輸交匯處乘搭R8巴士至迪欣湖活動中心站落車。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
