陳展鵬女兒小豬比 2 歲生日興奮扑豬仔蛋糕　眼大大似足單文柔細個！

陳展鵬同單文柔結婚後育有一位女兒「小豬比」陳諾瑤（Quinta），話咁快小豬比已經 2 歲喇！尋日正日生日嘅佢，陳展鵬同單文柔就喺屋企幫小豬比搞咗個小型生日會！

單文柔不時都會喺社交平台上分享佢同小豬比嘅日常生常，近日愛女生日佢就喺 IG story 中上傳咗佢同老公陳展鵬喺屋企為女兒搞嘅型 party 嘅片同相，睇起嚟小豬比都好滿意依個 party 喎！

雖然只係小型 party 嚟，但喺氣球佈置同生日蛋糕上，佢哋都落足心思㗎！

最吸引注意嘅一定係依個豬仔生日蛋糕，一扑開個豬肚仔，入面就放滿咗小豬比最鍾意嘅零食。

難怪佢扑開個蛋糕時都興奮到紮紮跳喇！

睇番小豬比眼大大，紥住辮仔個樣真係好可愛呀！佢嘅外貌仲相當精緻，同單文柔細個時真係好似，十足餅印一樣。

唔知小豬比長大後會唔會同媽媽一樣選香港小姐呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳展鵬相隔21年再做歌手，唯美MV手執鮮花海灘漫步，直言：「我要求好高有俾好多意見！」

26 Feb 2021

現年44歲的陳展鵬今日舉行新歌發佈會，事隔二十幾年再有機會圓歌手夢嘅佢就表示今年嘅目標係演員同歌手兩個角色一齊兼顧，努力爭取視帝同最佳男歌手名銜！不過唯美嘅MV就反而令網民有點吃不消。

Photo from 天盟娛樂FB

陳展鵬做歌手，冇揀TVB嘅旗下嘅星夢唱片反而選擇加盟天盟娛樂，今日正式發佈新歌《零歲》，仲喺發佈會度大展歌喉。呢首歌嘅幕後創作團隊陣容強大，名監製舒文同填詞人林若寧，而展鵬亦都MV有好嚴謹嘅要求！發佈會現場首播MV，只見展鵬手持太陽花與沙灘上輕撥薄紗，場面唯美展露他柔情似水的一面，不過就有網民略嫌老土。

其實呢首歌係送比佢囡囡小豬比，仲話太太唔單止無呷醋，仲好支持佢發展音樂事業。佢自己就話係機緣巧合之下先會加盟入天盟娛樂，仲好謙虛話「就算我係老闆，都未必會簽自己。」

Photo from 天盟娛樂FB

MV完整片段大家都好期待，畢竟展鵬平日表情多多，而且對衣著有自己獨特的風格，而且坦言今次自己俾咗好多意見，相信一定會好精彩。

唔知入面有冇出動佢嘅deep V戰衣展現美好身型呢？

陳展鵬呢幾年都活躍於出演多套嘅電視劇，仲喺2016年憑住《城寨英雄》奪得視帝。好多人都只係記得佢演員呢個身分，但原來佢一直都無放棄過佢嘅歌手夢。

Photo from TVB

陳展鵬早於1998年，佢就開始出咗幾首單曲，包括有《天性如此》，《快快》，《拉拉扯扯》等。但佢就話自己當時年紀比較輕，所以就白白錯失咗好多機會。

Photo from TVB

Photo from 寶麗金唱片

而家嘅陳展鵬可以稱得上係愛情事業兩得意！佢係2018年同前港姐單文柔結婚，並於2019年誕下囡囡「小豬比」。兩夫婦時不時都會係IG曬溫馨嘅家庭合照同「小豬比」嘅日常照，簡直係羨煞旁人～

Photo from 單文柔IG

陳展鵬話其他新歌將會陸續有來，仲話等疫情好返之後會舉辦巡迴歌迷見面會答謝粉絲！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）