42歲黃嘉樂寫「咖喱豬扒」4字全錯被取笑！網民：無一個字寫啱都真係唔簡單
黃嘉樂出演TVB《你又估我唔到》，睇片答問題時被要求寫出「咖喱豬扒丼」，點知佢僅寫出「咖喱豬扒」4個字，仲要全部寫錯晒！林盛斌（Bob）都忍唔住笑佢。
Photo from 黃嘉樂IG
TVB遊戲節目《你又估我唔到》搵咗張秀文同呀Bob做主持，最近更有童顏男星黃嘉樂做嘉賓出演添！
Photo from 《你又估我唔到》
其中一個環節要求黃嘉樂睇片答問題，佢要估下日本嘅一部機器係賣咩，佢一開頭已估係便當，但呀Bob表示唔滿意呢個答案，又叫佢諗個有創意啲嘅回答。
Photo from 《你又估我唔到》
結果佢再答係「咖喱豬扒丼」，呀Bob即刻要求佢用白板作答，寫出呢5個字。黃嘉樂就話：「係咪逼我寫核突字呢？」，張秀文表示：「睇下你啲字有幾核突？」
Photo from 《你又估我唔到》
Photo from 《你又估我唔到》
未寫完呀Bob已忍唔住搶過嚟公開，原來黃嘉樂淨係寫咗「咖喱豬扒」四個字，已經出現大量錯字，佢將「咖」字寫成「叻」；「喱」寫做「哩」；「扒」寫作「朳」，雖然呀Bob指佢寫錯3個字，但仔細觀察發現，原來佢個「豬」字都多咗一點，所以係4字全錯。
Photo from 《你又估我唔到》
Photo from 《你又估我唔到》
呀Bob即化身「正字特警」，為佢改錯字，張秀文都笑到彎晒腰，而黃嘉樂亦表現尷尬。
Photo from 《你又估我唔到》
Photo from 《你又估我唔到》
Photo from 《你又估我唔到》
網友睇完表示：「笑死」，又話：「無一個字寫啱都真係唔簡單！」
睇片：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【大醬園】童顏黃嘉樂原來已經41歲 同何廣沛企埋一齊 睇落似差唔多年紀
22 Jan 2020
《大醬園》現已播出三集，劇中萬家有4位少爺，而黃嘉樂同何廣沛分別飾演大少爺同四少爺，不過兩個行埋一齊睇落好似差唔多年紀咁，但係原來現實世界嘅黃嘉樂比何廣沛大10年㗎！
Photo from Instagram
現年41歲嘅黃嘉樂原來已經入行19年，現實生活嘅佢經常留鬚，連早前電視劇《多功能老婆》入面，都係以留鬚型格攝影師造型登場，比較有成熟男人味。
Photo from Instagram
何廣沛今年31歲，唔經唔覺入行8年，不過樣貌就比較青靚白淨，同年紀都算相乎。
Photo from Instagarm
噚晚嗰集最尾部分，四位大少爺同當家吳岱融一齊商量整醬油對策，而黃嘉樂同何廣沛企埋一齊，剃咗鬚嘅嘉樂望落年紀好似同何廣沛差唔多咁，唔知大家又點睇呢？
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
「神算軒」王梓軒誤認馬蹄係肉 李丞責都忍唔住寸：原來你唔止計數叻仲係食神！
5 Mar 2021
一提王梓軒大家最印象深刻嘅一定係佢嘅「神算」事件，不過佢日前喺 TVB 玄學節目《天天開運王》中又再發功喇，但今次就唔係做神算，而係做食神，搞到李丞責師傅都忍唔住寸要佢呀！
TVB 玄學節目《天天開運王》每集都會搵嚟唔同嘅玄學師傅同藝人齊齊邊食邊講解運程。而喺日前播出嘅一集就搵嚟糖妹同王梓軒做嘉賓，佢哋先請大廚以豬、牛、羊、雞、魚煮出八款菜式，喺等菜式止枱前佢哋仲提起王梓軒嘅「神算」事件，並指自己喺事件後就被被封為神算軒，就連唱歌、演戲都係做神算！
但原來佢唔止計數叻，佢仲係食神嚟添！喺大廚上菜後，李丞責師傅就請嘉賓分別揀出兩款自己喜愛嘅菜式作占卜。王梓軒就揀咗馬蹄同埋青菜，但係佢就好認真咁話：「呢個應該係雞，呢個係青菜。」
正喺人佢講完之後，幾位主持即時黑人問號，而李丞責師傅都忍唔住寸佢，話：「估唔到你除咗係神算之外，連飲食都有天份……呢個係馬蹄！」
而其他人則笑到抽筋，糖妹更笑到傻咗！不過王梓軒就依然好淡定咁話自己同馬蹄有啲緣份。
其實馬蹄同其他嘢一齊炒過係會唔同咗色，但外形嚟睇好難會睇到係雞喎？！
唔知之後王梓軒會唔會又多一個花名叫「食神軒」呢？
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
