馮盈盈口出狂言借姜濤呃like 盤點FYY 4大 出位金句！網民：出少句聲啦！

日前，TVB喺公布嚟緊新登場嘅綜藝節目記者會時，期間鄧智堅就模仿姜濤，而當時嘅主持人馮盈盈、Bob同埋麥美恩就疑似玩過火，引來網民嘅批評。雖然三人都事後喺IG公開解釋，但大家就似乎唔係好接受馮盈盈嘅說法喇！

Photo from 馮盈盈IG

喺當日嘅記者會上，藝人鄧智堅就打扮稱姜濤咁現身表演。期間，主持人為咗炒熱氣氛就不停咁講一啲比較出位嘅言論，而馮盈盈以非常大聲咁話「夠膽嚟踩場？打到你變薑蓉啊」。呢番言論引來唔少「姜糖」嘅不滿，紛紛喺佢IG留言話佢唔尊重其他藝人。

Photo from TVB

Photo from 馮盈盈IG

喺事件發生之後，馮盈盈就喺IG上載同姜濤嘅合照同埋見到Mirror嘅時候尖叫嘅片段，自爆其實係Mirror嘅粉絲，同大家一樣撲緊演唱會飛，似乎想用自己都喺粉絲嘅身份嚟挽回自己當日過火嘅言論！但網民就唔係好接受佢嘅解釋喇，認為佢呢個時候都仲要利用姜濤同Mirror，仲有人講笑話「今次嘅公關災難好難拆」！

Photo from 馮盈盈IG

Photo from 馮盈盈IG

而佢自稱係Mirror粉絲嘅身份亦都受到質疑，因為佢嘅IG根本就無 follow Mirror嘅任何一位成員！

Photo from 馮盈盈IG

其實今次已經唔係馮盈盈第一次口出狂言而引嚟網民嘅不滿，佢入行以來嘅出位事件都真係好多！

喺2018年，佢就喺《#後生仔傾下偈》提及到當女仔嫁有錢人嘅時候，佢就突然講「如果我地嫁有錢人，就比人話睇死佢啦！想吊金龜啦！係雞係公廁！」而呢一番言論，就被網民話佢應該要慎言，就連歷屆嘅幾位港姐師姐包括莊思明、朱潔儀都有公開咁批評佢。

Photo from 馮盈盈IG

Photo from 莊思明FB

喺上年，馮盈盈又喺主持《#後生仔傾下偈》講咗啲令大家都嚇親嘅言論！當時就談論到轟動一時嘅港大教授殺妻案，就問到「如果因為經濟原因而未同老婆離婚，會唔會照樣發展婚外情？」而馮盈盈當時就話「緊喺無問題啦！仲覺得佢好有責任心，因為子女所以先無離婚，係犧牲少我，完成大我嘅行為」，令網民覺得佢簡直係顛倒是非！

Photo from 《 後生仔傾吓偈 》

自從馮盈盈同拍拖4年嘅醫生男友Martin分手之後，佢嘅感情生活都成日受到大眾關注。上年年尾，佢前男友Martin就被人爆疑似好事近，後來仲喺自己IG 上載咗一張結婚照，而當馮盈盈被記者問到呢個問題時，佢就話「結咗婚都可以離！」，令·唔少網民批評佢嘅愛情觀同笑佢真係好酸！

Photo from 馮盈盈IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

馮盈盈自爆追求者多！公開5大被人追經歷：搬屋做鄰居/搵占卜師夾八字

23 Mar, 2021

香港小姐冠軍馮盈盈喺YouTube公開以前追求者用過嘅招數，方法層出不窮，同時亦反映佢追求者眾！網友表示：「靚女真係唔同d...好多追求者..」

Photo from 馮盈盈IG

馮盈盈今年26歲，佢近日喺YouTube拍片分享「成功約會FYY的理由」，並公開自己過往被人追嘅經歷，佢更強調係「真人真事」。

1. 扮偶遇

Photo from 馮盈盈YouTube

馮盈盈指曾經有人長期監視佢個人IG，stalk佢Story睇佢喺邊，然後即刻趕過去扮咁啱喺附近，畀驚喜佢。

佢表示呢個情況出現喺佢拍劇出外景嘅時候，對方話過嚟探班，馮盈盈指一兩次佢就梗係覺得感動，但長期就好阻住佢做嘢，搞到佢依家唔敢再公開自己實時位置。

Photo from 馮盈盈IG

2. 投其所好

Photo from 馮盈盈YouTube

馮盈盈提到自己曾報讀演技班進修演技，但有圈外人明明唔係做呢一行都同佢一齊上堂，只係為咗可以有多啲機會同馮盈盈見面同傾偈。

對方更表示平時返工同做人都好似演戲咁，所以進修下都好正常。馮盈盈聽到對方咁講，決定「大家做個朋友囉！」

Photo from 馮盈盈IG

3. 乘人之危

Photo from 馮盈盈YouTube

馮盈盈表示試過行山行到最攰、最熱、最口渴時問同行一位男生借水飲，點知對方竟表示：「借你飲都得，但你要同我食餐飯。」結果馮盈盈亦答應對方邀約。

Photo from 馮盈盈IG

4. 迷信風水

Photo from 馮盈盈YouTube

馮盈盈指有人約佢嘅理由係有占卜師在場可以邊食飯邊問運程，仲可以夾埋八字睇下夾唔夾，有無發展嘅機會咁話！

5. 近水樓台

Photo from 馮盈盈YouTube

馮盈盈指搬埋去屋企附近，可以隨時幫手上門通渠又得，落樓下跑步撞到又得，仲可以順便約埋食宵夜添！

Photo from 馮盈盈IG

有網友睇完都感歎馮盈盈被人追嘅經歷好豐富：「靚女真係唔同d...好多追求者..」，亦有人指：「雖然全部理由都好突兀，但你都受，咁咪得囉」

Photo from 馮盈盈YouTube

即睇全片：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）