【解構心機女】江嘉敏寸爆馮盈盈約親都遲到！節目首播火藥味濃！

娛樂新聞

By Jennifer on 30 Mar 2021

Digital Editor

今晚食乜餸：小二，嚟一碟花生！

TVB《解構心機女》搵咗馮盈盈、江嘉敏做主持，未開播已話題十足，估唔到第一集江嘉敏就已經喺節目中投訴馮盈盈「例遲」，令場面火藥味甚濃！

Photo from 《解構心機女》

馮盈盈、江嘉敏曾經係好姊妹，兩人嘅IG仲有唔少「閨蜜合照」，不過「船P事件」之後佢哋就反目不和，姊妹情不再。

Photo from 馮盈盈IG

Photo from 江嘉敏IG

雖然兩人已唔再係朋友，但被TVB委派做新節目《解構心機女》主持，更「世紀合照」破冰！但兩人竟又被發現出現「P圖羅生門」，令節目未開播已話題多多。

Photo from 馮盈盈IG

江嘉敏稱馮盈盈為「師姐」，指對方做綜藝經驗比佢豐富，但馮盈盈唔受落，反指「受唔起」，表示自己出道比江嘉敏遲，二人對話超有骨。

Photo from 江嘉敏IG

節目首播都同樣充滿火藥味！第一集請咗張振朗做嘉賓，提到「約會遲到」呢個話題，馮盈盈已急不及待爭住出聲：「有樣嘢叫Fashionably Late，即係好似約人傾生意咁，會遲5分鐘到畀人哋準備。」

Photo from 《解構心機女》

江嘉敏即寸爆馮盈盈「例遲」：「唔怪得我哋約佢（馮盈盈）出街，有咁多藉口遲到啦！」。

Photo from 馮盈盈IG

而張振朗就表示佢會唔會等係取決於自己有幾中意個女仔，又自爆試過喺雨中等女仔等足2個鐘，點知一班女主持即話：「遲到咁耐即係證明你無行啦！」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

馮盈盈江嘉敏破冰世紀合照！一人獲讚大方一人被指小器？網友：以德報怨向你學習！

9 Mar 2021

馮盈盈同江嘉敏曾經係好姊妹，但上年因「富豪船P」事件而「反目」，但兩人獲TVB委派齊齊擔任《解構心機女》主持，更世紀合照！

Photo from 江嘉敏IG

馮盈盈同江嘉敏兩人都是非多多，雖然姊妹情不再，但早前爆出兩人被TVB新上任高層曾志偉點名做新節目《解構心機女》嘅主持，外界關注兩人到底會喺節目擦出啲咩火花！

Photo from 江嘉敏IG

今日《解構心機女》終於開拍！馮盈盈更喺IG PO合照，佢留言：「20210309 破。冰...sorry打錯，走冰先啱，珍珠奶茶少甜走冰。知道嘉敏今日第一次做主持請你飲珍珠奶茶，為你加油打氣，我哋一齊做好個show！#解構心機女#珍珠奶茶 #台灣風味 #少甜走冰 #低糖低熱量 #期待新火花」

Photo from 馮盈盈IG

馮盈盈「萬歲」請晒全場飲嘢，曾經同對方情同姊妹嘅佢仲特登為江嘉敏嗌少甜走冰嘅珍珠奶茶，非常細心！佢為首次做主持嘅江嘉敏打氣獲網友大讚「完美展現以德報怨，要好好向你學習」。

Photo from 馮盈盈IG

有網友就發現馮盈盈同江嘉敏合照中兩人都有啲拘謹，但馮盈盈喺合照、Story都有tag江嘉敏，表現大方。

Photo from 馮盈盈IG

相反江嘉敏喺IG亦只係晒出個人照：「一直很感恩公司的栽培。我今年是第一次參與新年Show，很開心很興奮亦很感恩能有這個機會，能在一個喜慶的節日跟大家分享快樂。再次恭祝各位身體健康，心想事成，疫症快點兒消失，每個人都可以去旅行。而且，今年也是我第一次在TVB裡當主持，又興奮又緊張！明天 #盧小寶可以放假一天，江嘉敏出來，繼續絞盡腦汁花盡心機去做《 #解構心機女》！#第一次係TVB做主持 #聽日第一日開工喇我 #辛苦經理人劇組同節目組一齊幫我夾期 #我會努力好好學習 #3月底開始麻煩大家要開電視喇 #到時真係要 #睇我啲片要開喇叭 #有幾位綜藝師姐帶領住我呢個新人 #外景緊差啲唔記得出post #新年show中咗個大大金元實帶俾我運氣」

Photo from 江嘉敏IG

成個POST都無提過馮盈盈，僅以「幾位綜藝師姐」一句帶過，有網民mean爆留言：「好心咪咁小氣啦,被人話幾句都唔得,咁中意del睇你del得幾多」似乎被江嘉敏del過留言！

Photo from 江嘉敏IG

其實馮盈盈同江嘉敏曾經係好姊妹，但於2020年馮盈盈同江嘉敏被爆一齊參加賭王四房兒子何猷亨豪華遊艇船P，馮盈盈即被指想「釣金龜」，佢當時指係江嘉敏介紹佢去，不過江嘉敏就喺IG暗指有人講大話，兩人決裂。

Photo from 馮盈盈IG

Text: HolidaySmart Editorial

馮盈盈口出狂言借姜濤呃like 盤點FYY 4大出位金句！網民：出少句聲啦！

29 Mar 2021

日前，TVB喺公布嚟緊新登場嘅綜藝節目記者會時，期間鄧智堅就模仿姜濤，而當時嘅主持人馮盈盈、Bob同埋麥美恩就疑似玩過火，引來網民嘅批評。雖然三人都事後喺IG公開解釋，但大家就似乎唔係好接受馮盈盈嘅說法喇！

Photo from 馮盈盈IG

喺當日嘅記者會上，藝人鄧智堅就打扮稱姜濤咁現身表演。期間，主持人為咗炒熱氣氛就不停咁講一啲比較出位嘅言論，而馮盈盈以非常大聲咁話「夠膽嚟踩場？打到你變薑蓉啊」。呢番言論引來唔少「姜糖」嘅不滿，紛紛喺佢IG留言話佢唔尊重其他藝人。

Photo from TVB

Photo from 馮盈盈IG

喺事件發生之後，馮盈盈就喺IG上載同姜濤嘅合照同埋見到Mirror嘅時候尖叫嘅片段，自爆其實係Mirror嘅粉絲，同大家一樣撲緊演唱會飛，似乎想用自己都喺粉絲嘅身份嚟挽回自己當日過火嘅言論！但網民就唔係好接受佢嘅解釋喇，認為佢呢個時候都仲要利用姜濤同Mirror，仲有人講笑話「今次嘅公關災難好難拆」！

Photo from 馮盈盈IG

而佢自稱係Mirror粉絲嘅身份亦都受到質疑，因為佢嘅IG根本就無 follow Mirror嘅任何一位成員！

Photo from 馮盈盈IG

其實今次已經唔係馮盈盈第一次口出狂言而引嚟網民嘅不滿，佢入行以來嘅出位事件都真係好多！

喺2018年，佢就喺《#後生仔傾下偈》提及到當女仔嫁有錢人嘅時候，佢就突然講「如果我地嫁有錢人，就比人話睇死佢啦！想吊金龜啦！係雞係公廁！」而呢一番言論，就被網民話佢應該要慎言，就連歷屆嘅幾位港姐師姐包括莊思明、朱潔儀都有公開咁批評佢。

Photo from 馮盈盈IG

Photo from 莊思明FB

喺上年，馮盈盈又喺主持《#後生仔傾下偈》講咗啲令大家都嚇親嘅言論！當時就談論到轟動一時嘅港大教授殺妻案，就問到「如果因為經濟原因而未同老婆離婚，會唔會照樣發展婚外情？」而馮盈盈當時就話「緊喺無問題啦！仲覺得佢好有責任心，因為子女所以先無離婚，係犧牲少我，完成大我嘅行為」，令網民覺得佢簡直係顛倒是非！