內地偽娘網紅自爆接受變性手術　被網民踢爆為炒熱度即改口：準備中！

內地有一位男扮女裝嘅網紅Abbily，經常都po出自己女性裝扮嘅照片或者影片，唔少關注佢嘅人都一位佢係一位女仔。佢憑住化妝技巧、跳舞影片而吸引大量粉絲，微博擁有超過2000萬粉絲，抖音更有過千萬嘅粉絲！近日，佢就話自己已經成為咗一位真正嘅女仔，但就比網民發現佢疑似講大話「博出位」！

現年19歲嘅內地網紅Abbily原名王家輝（王嘉菲），出生於新疆烏魯木齊，由於每次出現喺大家面前嘅時候都喺以女裝視人，係內地出名嘅「偽娘網紅」。經過佢嘅悉心「打扮」之後，佢唔單止擁有女神外貌，仲擁有修長嘅美腿，再憑住拍攝化妝、跳舞影片就吸引咗大量嘅粉絲！

Photo from 微博

Photo from 微博

近日，佢就喺微博公開咁話「是女孩啦！」間接咁承認咗自己已經變性，要開始佢嘅「新生活」，並且自爆從小就有性別認知障礙，但好彩母親都一直都支持自己。過去佢曾經因為整容而引起爭議，因此今次嘅變性宣言都吸引咗唔少嘅網民去關注呢件事。

Photo from 微博

Photo from 微博

喺佢發表咗變性嘅言論之後，就有網民發現佢嘅變性表格申請表喺網上圖片，質疑佢話做變性手術嘅真偽！後來，佢就係微博評論改口話自己而家正在準備中，令本來部分支持佢嘅網民都變成責罵佢。

Photo from 微博

大部分嘅網民都認為佢只係為咗炒熱度，所以先會公佈自己變性嘅消息，紛紛喺佢微博小帳留言話佢係「網紅騙子」、「有性別障礙不代表可以說謊」等。

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

越南美女網紅前身竟係花美男！不顧家人反對決心做自己　打工賺錢變性後感嘆真愛難尋！

18 Mar , 2021

網絡世界發達，現代人要欣賞世界各地嘅美女真係冇咩難度。就好似早前越南就有一位外貌甜美嘅女生喺網上爆紅，依位女生無論外貌身材都十足十洋娃娃一樣，不過最令人意外嘅係佢其實係一位變性人嚟，而之前仲大方咁分享自己變性前嘅照片添！

依位居住喺越南胡志明市，能操流利英語嘅 24 歲女生 Mym Tran，因其標緻甜美外貌而喺網上爆紅，而佢喺一次當地傳體訪問中表示自己小時候其實係男生嚟，佢指自己小時候個性非常溫柔，喜好與其他男仔非常不一樣，當其他男仔到處跑嘅時候，佢就喜歡留喺屋企玩公仔，自小就非常渴望自己係一位女生嚟。

Mym 更透露自己從小就鍾意同女生一起玩，又鍾意畫畫，所以當時會畫自己變成女生嘅模樣，仲會以外表畫得好靚，將自己心底嘅渴望盡現喺畫中。

但當年佢媽媽就因為擔心佢難以融入社會生活，以及有變性嘅念頭，所以曾一度下令唔畀佢再畫。不過 Mym 亦冇就此順從父母嘅心意，下定決心瞞著家人打工儲錢，慢慢分階段完成變性手術。

變性後嘅 Mym 依舊繼續努力工作，佢將收入都用嚟支付當初所借嘅貸款同家人嘅房租，有剩嘅先會留畀自己當生活費。

而佢媽媽亦喺睇到佢變性後可以融入社會，仲可以工作賺錢已經慢慢將改變原有嘅想法同態度，並會經常喺網上睇佢嘅訪問片段！

另外，Mym 又指變性後佢隔咗一段時間先敢再歸社交平台，更大方公開自己男兒身時嘅照片，相中 Mym 五官相當精緻，舉止神態猶如女生一樣，而佢直言當年有唔少人對佢感興趣，有支持佢變性亦有批評嘅聲音，當中唔材不知道佢係變性人嘅男生喺知道後就即轉變態度，但佢亦不太在意仲表示相當理解：「我只是想活得更好。」

而當被問到變性後嘅感情生活時，Mym 坦言曾拍過幾次拖，可惜冇一段係真愛，仲令佢愈拍愈失落：「我覺得自己很難會找到真愛。」佢指同佢交往嘅男生一開始都係睇上佢嘅外表，並冇發展長遠關係嘅打算。

Mym 雖然對戀愛愈拍愈失落，但佢仍希望有一日可以遇到一個真心了解同接受佢所有嘅另一半。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）