夠鐘做運動喇～康文署舉辦「康體設施免費使用日」！好多康樂設施都費用全免～

睇得我哋Holiday應該都係好玩好食之人，不過今次要帶大家走健康路線，我哋一齊做運動！Let's Go～～

為咗慶祝香港特別行政區成立20周年，康文署決定係7月1日舉辦「康體設施免費使用日」，等大家做多啲運動，唔好淨係識得食玩訓！

Photo from 康樂及文化事務署

以下既室內康樂設施全部都免費使用：

羽毛球場、網球場、籃球場、投球場、排球場、壁球場、乒乓球枱、美式桌球枱、英式桌球枱、運動攀登牆、草地滾球場、高爾夫球設施、健身室、活動室、舞蹈室、單車賽道

Photo from 康樂及文化事務署

Photo from 康樂及文化事務署

而戶外康樂設施就有以下多種選擇：

網球場、網球練習場、草地滾球場、棒球練習場、運動攀登牆、射箭場、繩網陣和高爾夫球設施（不包括營地設施、運動場、人造草地球場、天然草地球場）、公眾游泳池（不包括灣仔游泳池）、水上活動中心艇隻

Photo from 康樂及文化事務署

Photo from 康樂及文化事務署

如果想預約水上活動中心艇隻同陸上康體設施，就需要係6月24日、早上9點開始，於各區場地既「康體通」訂場櫃枱預約（不包括自助服務站）。

不過每個人只限預約一節免費設施，而所有免費設施既預約都係先到先得～

公眾游泳池設施則無須預約，市民只需要係泳池開放時段前、係泳池入口排隊就可以～名額先到先得，額滿即止～

更詳細資料可以於官網上查閱

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）