46歲向海嵐短褲晒腿勁青春　網民讚身形纖瘦：愈活愈年輕！

現年 46 歲嘅 1998 年港姐冠軍向海嵐，當年被受力棒成為大當家花旦之一，而佢近年亦已淡出娛樂圈。近日佢就喺 IG 出 post，慶祝佢嘅 DIY 飾品店喺尖沙咀開分店，罕有以短褲示人嘅佢加上齊蔭，少女味十足！

向海嵐喺 1998 年參選香港小姐入行，當時佢更連奪「最上鏡小姐」、「環球美態大獎」、「動感都會大使」成四料冠軍。

當年佢喺 TVB 拍攝過多部古裝劇，佢所飾演嘅古裝美人尤其令人深刻，如《楊貴妃》中擔正做女主角「楊玉環」，演中國四大美人之一都獲好評。

而佢喺 2008 年離開 TVB 後，曾喺上海做過 OL，直至 2015 年重返幕前主力喺內地發展，不時都會獲邀出席各式各樣嘅商演活動。

依日，向海嵐就喺 IG 上傳多張靚相，相中見佢身穿短褲嘅佢大晒美腿，加上佢早前剪咗個減齡嘅齊蔭，即時少女感十足！

唔少網友睇見都話佢唔似 46 歲，仲讚佢身形也keep得相當好，大腿極纖瘦「阿Anne你好瘦」、「愈來愈fit」、「好美」等等。

就連何雁詩都忍不住留言讚她︰「ur so pretty」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

向海嵐晒齊蔭馬尾新髮型超凍齡！疑美顏filter開太勁連梁思浩都變咗樣？

23 Feb 2021

港姐冠軍向海嵐現年46歲，已淡出娛樂圈多年。佢近日喺微博post出新相，罕有剪咗齊蔭，新造型多咗幾分青春feel，同以往判若兩人。同行嘅梁思浩都有晒合照，不過影到自己變咗樣？

Photo from 向海嵐微博

向海嵐喺1998年參選香港小姐，佢更連奪「最上鏡小姐」、「環球美態大獎」、「動感都會大使」成四料冠軍入行。

Photo from 向海嵐微博

向海嵐入行後備受力捧，都有主演過好多經典電視劇，而佢比較出名嘅代表作多數都係古裝劇，喺入面演繹古代美女。

Photo from 《楊貴妃》

包括喺《楊貴妃》中擔正做女主角「楊玉環」，演中國四大美人之一都獲好評，隨後喺《無頭東宮》首演奸角，令人印象深刻。

Photo from 《無頭東宮》

不過喺2008年佢離巢後就淡出娛樂圈，轉行做公關，更長駐上海，喺香港已無再參演新電視劇。

Photo from 向海嵐微博

Photo from 向海嵐微博

佢近日喺微博post出自拍，應該係返香港同朋友聚舊。相中佢剪咗齊蔭、紮馬尾，手掌遮住下半面，一改以前優雅長曲髮，成個人多咗幾分青春feel！連網民都話認唔到。

Photo from 向海嵐微博

Photo from 梁思浩微博

梁思浩都有post到同向海嵐嘅合照：「五個月冇見的Anne，非常有心喺國內做完嘢之後，隔離完馬上同我哋見面」相中向海嵐超凍齡，同以前幾乎無變，不過有網友發現合照似乎美顏filter開太勁，連梁思浩都變晒樣！

Photo from 梁思浩微博

Photo from 梁思浩微博

Photo from 梁思浩微博

Photo from 梁思浩微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）