63歲魯振順與細6歲女友疫情後搞婚禮 二人分開41年再相戀「終於證明我唔係Gay」

TVB綠葉魯振順已經單身多年，更加因為曾經飾演嘅角色而被好多人誤會係Gay! 日前，佢喺就接受電台訪問嘅時候就自爆重遇多年前嘅同學並譜出「黃昏戀」，仲表示自己有考慮結婚！

Photo from 魯振順FB

現年62歲嘅魯振順出道至今有份參與嘅電視劇有過百部，係一位產量十分高嘅「綠葉」。而佢嘅感情生活一直都備受大家關注，仲曾經因為喺電視劇飾演比較「乸型」嘅角色而被大眾誤會係同性戀者。

Photo from 魯振順FB

Photo from 魯振順FB

早前，魯振順就喺接受電台訪問時表示現在正在拍拖，對方係一位比佢小6歲嘅女生，而且佢哋兩人41年前就已經因為參加華星娛樂舉辦的歌星選拔賽而認識。佢表示當時兩人都有私下見面同埋約一大班人一齊聚會，但因為忙於工作，最後並無發展落去。

Photo from 魯振順FB

魯振順就透露佢哋重遇嘅過程，係因為女方上年睇完訪問覺得佢係一位孝順而且真心嘅人，所以就透過梁競徽嘅媽咪取得佢嘅聯絡電話，二人就喺重新聯絡嘅時候重燃愛火！

Photo from 魯振順FB

佢仲喺訪問透露自己有意結婚，不過就算搞婚禮都要等疫情過咗先，仲講笑咁話搞婚禮係為澄清外界一直以為佢係同性戀嘅傳聞！

Photo from 魯振順FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

61歲綠葉王艾威與妻結束18年婚姻！曾花光積蓄為太太做手術醫病

24 Aug , 2020
前TVB「綠葉王」艾威與妻子Lisa結婚18年，曾共過患難，為太太動手術切除14磅子宮瘤及其後再做3次大手術，艾威不惜盡花積蓄、傾家蕩產。佢與太太嘅愛情曾為一段佳話，估唔到最後無緣終老。

「綠葉王」艾威曾喺TVB出演多套劇集，與圈外女友Lisa於2002年結為夫婦。

Photo from TVB

艾威與太太嘅愛情故事曾為人稱道，幾年前，太太Lisa患病，需切除子宮瘤，當時艾威已離巢，打算轉投王維基旗下HKTV。

Photo from 艾威Facebook

點知HKTV不獲發牌，艾威一度考慮轉投補鞋行業，雖然生計受影響，佢仍不惜花光積蓄，為太太先後做3次大手術支付費用。

Photo from 艾威Facebook

兩人雖未育有子女，但就養咗一隻伯恩山愛犬視如己出，艾威更曾助養28個兒童。

Photo from 艾威Facebook

困難時不離不棄、互相扶持，可惜有報導指艾威已與妻子Lisa分開，艾威賣出西貢住所，與愛犬搬到新屋居住，而Lisa則搬到港島。

Photo from 艾威Facebook

艾威透露與妻子睇法有唔同，做法都唔一樣，曾想辦法維繫，但無奈事與願違。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）