苟芸慧體重暴升至77KG/鍾欣潼水腫變晒樣 盤點6位減肥成功女藝人
夏天又就到喇，係時候要減肥喇～相信大家喺呢個時候都會好希望可以擁有同女明星一樣咁苗條嘅身形，但其實有好多女明星都曾經肥過㗎，佢哋都經歷過非常努力減肥先有今日嘅好身材！而家就一齊嚟盤點下減肥成功嘅女藝人，重燃大家減肥嘅鬥志啦～
Photo from 《肥田囍事》
1.苟芸慧
苟芸慧2009年參選國際中華小姐榮獲冠軍而入行，憑著漂亮嘅外貌被大眾冠上「女神」嘅稱號。直到2013年，佢因為甲狀腺失調導致體重急升，最重嘅時候仲高達170磅（77kg)。而當時身材突然暴漲， 再加上傳媒有為佢改好多難聽嘅花名，令佢飽受壓力，一度想過要退出娛樂圈。
Photo from TVB
Photo from 苟芸慧微博
經過長年累月嘅努力，苟芸慧唔單止病情已經痊癒，而且成功瘦身！佢就曾經講過自己係因為跳Zumba而瘦落嚟，舞蹈動作結合無氧 同埋有氧運動，令到燃脂效果更加顯著。不過佢亦有強調要吸取份量充足嘅蛋白質同維他命係非常重要，千祈唔好盲目咁節食。
Photo from 苟芸慧IG
Photo from 苟芸慧IG
2.鍾欣潼
阿嬌嘅體質一向都比阿Sa更加易肥，喺2015年準備Twins演唱會嘅時候就一度因為荷爾蒙失調，導致身陳代謝變慢，令體重急速上升。由於佢喺學生時期係以為運動員，所以導致腿部肌肉特別發達，令佢肥嘅時候雙腿就會顯得更加粗。
Photo from 阿嬌IG
後來，佢決定控制飲食同埋努力做運動去瘦身，喺佢嘅堅持下成功瘦咗9kg! 不過最近佢就喺出席直播活動嘅時候，被網民話好似肥返啲，仲搞到要即刻唱《女校男生》證明自己真係阿嬌！
Photo from 阿嬌IG
Photo from 阿嬌IG
3.岑麗香
雖然岑麗香並冇突然爆肥嘅經歷，但就有出道開始就有少少baby fat，包包面亦成為咗佢嘅其中一個特徵。後來，佢就下定決心要去減肥，每日都去游水同健身，令去好成功咁將包包面減成V面～
Photo from 岑麗香IG
Photo from 岑麗香IG
4.胡杏兒
喺2006年，佢就為咗拍攝電視劇《肥田囍事》而增肥到70Kg，喺拍攝完之後只係用咗2個月就減咗15Kg，毅力令人十分佩服！佢曾經講過喺減肥嗰兩個月，佢每日都至少會咗半個鐘嘅運動，仲會確保自己攝取充足嘅蛋白質同蔬菜。
Photo from TVB
Photo from 胡杏兒IG
5.湯洛雯
唔講唔知，原來湯洛雯曾經體重高達140磅！但佢就為咗自己嘅身材下咗唔少嘅苦工，先可以喺大眾面前展現網美嘅身材。佢表示自己曾用過比較極端嘅方法就喺節食加運動，雖然2個月就瘦咗20磅，但就直認呢種方法唔太健康！最近佢疑似因為「幸福肥」而肥返少少，不過開心先係最緊要嘅～
Photo from 湯洛雯IG
Photo from 湯洛雯IG
6.王君馨
王君馨就有喺自己嘅Youtube channel度分享過自己出道初期曾經因為壓力太大，而患上暴食症嘅經歷。佢表示當時嘅佢肥咗有將近20磅，體重高達127磅。好彩有好姐妹們喺身邊支持同努力運動，令佢成功痊癒！佢就話自己每星期都會至少做3日運動，而且三餐一定會食得飽，咁先可以減少自己食零食嘅機會。
Photo from 王君馨Youtube
Photo from 王君馨IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
鍾欣潼素顏出鏡下廚教煮減肥餐！意外公開超深黑眼圈引關注
22 Mar , 2021
Photo from 鍾欣潼IG
阿嬌近嚟不時更新小紅書，大晒自己下廚嘅成品，佢喺新屋煮嘅第一餐：香煎雞中翼、蘿白燉牛肉，睇落賣相都非常好！
Photo from 鍾欣潼微博
Photo from 鍾欣潼小紅書
佢日前再度公開下廚片段，教fans煮「簡單又美味的減脂餐」，攝影師問佢喺邊度學嘅菜式，阿嬌回應：「抖音。」
Photo from 鍾欣潼微博
跟住抖音煮嘅阿嬌按順序放入蕃茄、金針菇、蕎麥麵、壽喜燒豉油、黑胡椒、雞精、濃湯寶，步驟又真係好簡單。
Photo from 鍾欣潼小紅書
Photo from 鍾欣潼小紅書
Photo from 鍾欣潼小紅書
Photo from 鍾欣潼小紅書
不過挑戰下廚嘅阿嬌煮嘢過程都有「甩碌」，要攝影師提醒先記起要加水。但比起阿嬌嘅煮食教學佢嘅素顏更成為焦點。
Photo from 鍾欣潼小紅書
阿嬌一身居家look喺影片出鏡，一直到影片最尾先出現佢全樣，網友發現阿嬌黑眼圈非常明顯，擔心佢捱夜太多，叫佢保重身體咁話。
Photo from 鍾欣潼小紅書
Photo from 鍾欣潼小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
