應采兒公開力數陳小春三大缺點 直言擔心兒子俾佢教壞！

陳小春應采兒呢對夫婦近呢幾年都將事業發展轉移去內地，時不時都會出演唔同嘅內地綜藝節目。近日，應采兒就出演咗內地全新嘅女性talk show《聽姐說》 ，仲喺節目大爆陳小春嘅缺點，表示驚仔仔會俾佢教壞！

Photo from 應采兒IG

陳小春同應采兒喺2010年於美國拉斯維加斯結婚，並於2013年誕下大兒子Jasper及2020年誕下小兒子Hoho。二人一直都愛得高調，經常喺節目同社交網站大曬恩愛，感情十分甜蜜！

Photo from 應采兒微博

Photo from 應采兒IG

近日，應采兒喺當任內地節目《聽姐說》嘅嘉賓時就話自己其實係湊緊三個仔，爆料話老公陳小春係一個冇自理能力嘅人。屋企所有嘅嘢都唔識得組裝，就連音響都唔識得用，所以當應采兒唔喺屋企嘅時候就唔會播音樂。

Photo from 《聽姐說》

應采兒忍唔住繼續大爆陳小春無記性，每次申請網上密碼嘅時候都用一個全新嘅密碼，但好快就會唔記得！而且陳小春亦都唔識得辦理登機手續，所以佢講笑咁話佢哋一齊去旅行嘅時候會覺得自己似佢助理多啲。

Photo from 《聽姐說》

Photo from 《聽姐說》

另外，應采兒亦指陳小春「無口齒」，經常講大話。佢曾經答應應采兒會戒煙，但自從話戒煙之後，就每日都以買咖啡嘅理由外出偷偷抽煙。

Photo from 《聽姐說》

Photo from 《聽姐說》

應采兒就表示自己好驚老公嘅呢啲壞習慣會教壞仔仔！事關佢哋早前買咗部電動車，而仔仔Jasper就好想玩，但佢就因為危險而禁止仔仔玩。但有一次，老公就帶仔仔去公園玩電動車，返到嚟就發現仔仔受傷嘴角流血！

Photo from 應采兒IG

Photo from 《聽姐說》

雖然應采兒喺節目上大講老公嘅不是，但最後都以曬恩愛結尾，表示可以包容佢嘅缺點係因為愛佢！

Photo from 《聽姐說》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

Jasper轉學到上海！應采兒要兒子學中文 規劃名校路線：目標清華/北大/耶魯

10 Dec , 2020

陳小春應采兒嘅大仔Jasper近日轉學到上海，媽媽應采兒透露母子之間因為學中文有啲不愉快，佢為仔仔規劃好名校路線，目標係清華、北大、耶魯。

陳小春同兒子Jasper一齊出演《爸爸去哪兒》後爆紅，之後更不時一家三口上綜藝節目。

Photo from 應采兒微博

早前喺《新生日記2》應采兒都有要求Jasper學習中文，虎媽應采兒同Jasper玩遊戲，但見仔仔基礎極差，好多字都唔識，忍唔住嚴肅教育兒子，Jasper更委屈落淚。

Photo from 《新生日記2》

Photo from 《新生日記2》

Photo from 《新生日記2》

但應采兒有認真同Jasper講中文一定要學，佢指中文難過英文，學中文絕對唔係一件好玩嘅事，但唔理Jasper幾歲中文係一定要識，因為越大就會越難學。

Photo from 微博

Photo from 微博

最後應采兒更將iPad語言較做中文，從生活細節做起。

其實Jasper已經讀小學，但之前應采兒被拍到送Jasper喺台灣幼稚園返學，不過最近陳小春、應采兒夫婦出席活動時提到兒子嘅教育問題。

Photo from 《新生日記2》

應采兒表示Jasper已經轉學到上海，學中文仍然係一大難題，佢仲透露兩母子不久前更因為學中文有啲不愉快。

Photo from 應采兒微博

同時虎媽應采兒為仔仔規劃好名校路線，目標係清華大學、北京大學、耶魯大學。

應采兒教育Jasper學中文片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）