28歲陳凱琳素顏比濃妝更靚？！兩子之母身材仍然fit到漏

娛樂新聞

By Jennifer on 07 Apr 2021

Digital Editor

今晚食乜餸：小二，嚟一碟花生！

港姐冠軍陳凱琳（Grace）已經係兩子之母，但外貌、身材仍然keep得好好，佢亦不時喺社交網站公開淡妝、素顏照，同濃妝照相比都無走樣！

Photo from 陳凱琳IG

28歲嘅陳凱琳2013年參選香港小姐奪冠後代表香港參加中華小姐，再度成為冠軍，之後獲TVB力捧，參演過多套電視劇。

Photo from TVB

2018年佢同鄭嘉穎結婚，同年大仔Rafael鄭承悅出世，2020年再次懷孕，誕下細仔Yannick鄭承亮。陳凱琳由人妻升呢做人母，暫時淡出電視圈，將重心放喺家庭，集中精力照顧兩個仔仔。

Photo from 陳凱琳IG

雖然已經係兩子之母，但佢外貌、身材仍然fit到爆！佢經常喺IG post造型照，好多都影得好靚～

Photo from 陳凱琳IG

濃妝嘅Grace眼睛明亮，而且將佢充滿異域風情嘅外貌展露無遺！

Photo from 陳凱琳IG

除咗日常造型照外，佢私下同朋友聚會又或者湊仔時就多數會以淡妝、素顏示人。

Photo from 陳凱琳IG

淡妝下嘅Grace皮膚仍然白滑！兩眼皮明顯，蘋果肌飽滿，比濃妝後更加突出！

Photo from 陳凱琳IG

睇返佢嘅童年照，原來佢細細個蘋果肌已經好明顯，笑容亦同依家好相似～

Photo from 陳凱琳IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳凱琳公開與鄭嘉穎表妹合照！表妹50歲超逆齡令網民震驚：睇落得30歲出頭！

24 Mar 2021

陳凱琳之前喺IG大晒家族大合照，獲網友大讚基因強大，原來佢老公鄭嘉穎家族嘅「不老基因」仲勁！陳凱琳最近公開同鄭嘉穎表妹嘅合照，50歲嘅表妹外貌凍齡，睇落比實際年齡更年輕！

Photo from 陳凱琳IG

陳凱琳貴為香港小姐冠軍，美貌已得到認證。近日陳凱琳龍鳳胎細佬結婚，佢榮升二姑奶。

Photo from 陳凱琳IG

雖然陳凱琳老公鄭嘉穎甚少公開家人照片，但佢家族原來都有唔少美人！

Photo from 陳凱琳IG

陳凱琳喺IG晒出同鄭嘉穎表妹Vivian嘅合照，祝賀對方50歲生日，佢大讚對方好似姐姐咁愛佢、好似朋友咁鼓勵佢、好似母親咁支持佢。

Photo from 陳凱琳IG

而令網民震驚嘅係鄭嘉穎嘅表妹原來已經50歲，從Grace公開嘅相片中，表妹Vivian睇落非常年輕，只有30幾歲。

Photo from 陳凱琳IG

估唔到Vivian實際上竟然大陳凱琳20年！皮膚仍然keep得緊緻，雖然眼周有細紋，但仍然係凍齡美人。

Photo from 陳凱琳IG

有網友留言讚鄭嘉穎表妹完全唔似50歲，仲話佢睇落只有實際年齡嘅一半！而51歲嘅鄭嘉穎亦同樣Keep得好好，果然係家族基因！

Photo from 陳凱琳IG

Text: HolidaySmart Editorial

陳凱琳曬細佬結婚靚相　罕曝光絕密童年照！網民：好可愛，不過三姊弟堅係超唔似！

23 Mar 2021

日前藝人陳凱琳（Grace）嘅龍鳳胎細佬 Derek 秘密註冊結婚，Grace 同老公鄭嘉穎都有份出席，分享一對新人的喜悅。榮升姑奶嘅 Grace 今日仲喺社交網上分享佢同鄭嘉穎出席 Derek 婚禮嘅合照，場面十分溫馨。

陳凱琳喺 IG 中上傳咗一對新人嘅結婚相外，仲 post 咗佢哋四人嘅合照並留言再次為弟弟送上祝福：「Call me 二姑奶，Congratulations to my little brother @derek_hcc for marrying the love of his life! 由細睇到你大⋯你真係大個仔啦！要好好錫老婆！Welcome to married life! It’s going to be a fast and sometimes bumpy ride, so hang on tight! Can’t wait for you guys to start this new chapter in your lives together! #榮升二姑奶 #兩位家姐都好安慰」

而佢除咗上傳婚禮當日嘅合照，佢仲晒咗幾張佢哋童年時兩姊弟嘅合照，而其中一張仲有大家姐喺相入面添呀！

Grace 同 Dereck 感情有幾好就講，睇佢喺成日分享兩姊弟嘅生活照就知喇！但原來佢哋仲有一位大家姐叫陳凱晴，平時大家姐好少公開露面，而陳凱琳亦冇喺社交網上分享過對方嘅照片，因此對大家嚟講真係唔係好多人知。而今次 Grace 只公開佢哋三姊弟嘅童年相，未知對方有冇出席婚禮，真係相當低調呀。

另外，有指 Grace 同家姐顏值差距極大，可以話完全唔似樣，因此家姐曾大呻因妹妹比自已靚得多而感到自卑，甚至成為佢嘅童年陰影。

Text: HolidaySmart Editorial

陳凱琳與姊妹拍攝寫真兩人超似樣被話似孖生　陳凱琳：啲人經常話我哋似姊妹

27 Jan 2021

陳凱琳早前喺社交平台大曬與好姊妹嘅寫真，輯相影得非常靚，不過網民就將重點放咗喺陳凱琳嘅好姊妹度，因為兩人好似樣，唔少網民更話佢哋好似孖生姊妹。

陳凱琳日前喺 IG Post 出與好姊妹陳雅麗（Allie）嘅寫真照，兩人以一黑一白造型拍攝，陳凱琳輕輕搭住陳雅麗，兩人望向鏡頭，輯相影得好有意境～

Photo from ghlchan@IG

而陳凱琳嘅好姊妹陳雅麗係模特兒兼演員，現年 33 歲，曾到北京電影學院進修表演，其後加入娛樂圈，曾出演電影《西遊記‧女兒國》，與郭富城、梁詠琪及趙麗穎等巨星同場演出。

Photo from alliechan_@IG

輯相影得非常靚，不過唔少網民就將重點放咗喺陳雅麗身上，因為兩人真係好似樣，唔少網民仲話佢哋好似孖生姊妹，就連陳凱琳嘅圈內好友鄧卓殷都留言話：「you two have a similar look??」，指兩人好似樣，而陳凱琳就回覆話：「people always say we look like sisters!」，表示經常聽到人哋話佢哋似姊妹。更有網民表示仲要兩個都姓陳，真係好易被誤會係姊妹。