泰國徵兵季猶如選美現場？靚樣掀網友熱議，泰版陳凱琳/謝嘉怡吸睛度爆燈！

By Celia on 08 Apr 2021

Digital Editor

世界很大，生命很短，做自己就好！

喺整容、變性手術風氣相當有名氣嘅泰國，每年 4 月都會喺佢哋一年一度嘅兵役抽籤嘅時間，根據泰國嘅國家法例，凡年滿 21 歲嘅男性都要參加，當中包括已出家嘅僧侶、藝人或是已進行變性手術嘅跨性別人士，都必須到徵兵現場登記作身體檢查以及進行抽籤決定是否需要服兵役！

而每年依個時候除咗會喺現場見到唔少型男外，現場仲有唔少令人驚嘆嘅「美女」現身，令男士們都為之瘋狂！而早前喺泰國彭世洛府舉行嘅徵兵儀式中就吸引咗唔少媒體嘅目光！正如啱啱所講跨性別人士同樣需要登記抽籤徵兵，但佢哋只要去現場登記，軍方就會向佢哋發出免服兵役證書。

而喺今年嘅現場亦有 2 位跨性別美女，當中 23 歲嘅娜麗薩更是變性選美比賽冠軍，她一頭飄逸長髮步入會場時，即引起不少騷動。

雖然娜麗薩嘅出身性別係男性，但透過手術變性後憑住甜美外貌同魔鬼身材，佢喺多個變性佳麗選美比賽中脫穎而出，摘下后冠。難怪有網民甚至覺得佢同應屆港姐冠軍暨最上鏡小姐謝嘉怡（Lisa）好似喇！

去年娜莉薩竟身穿白色露肩上衣，披了一頭優雅大波浪捲髮，與身邊雄赳赳嘅男士形成強烈對比！

而今年佢就收起性感嘅打扮，以大學校服 look 現身，加上佢嘅水汪汪大眼同甜美笑容，即時增加咗一份清純鄰家女孩嘅 feel 呀！雖然娜麗薩指自己已經申請緩期抽籤 3 年，但由於今年已就讀大學 4 年級，並準備去實習教書，所以要到場處理放棄服兵役事宜。

不過，娜麗薩就喺會場呼籲政府給予跨性別人士服兵役嘅權利，又指假如開放申請，會馬上報名。

其實泰國每年嘅徵兵季現場都會出現好似娜莉薩依類嘅「美女」，無論係樣貌、身材都仙氣十足，令人忍唔住驚嘆泰國嘅變性技術已經可以追得上韓國了～

曾經喺現場就出現過泰版陳凱琳、泰版何超蓮、泰版Angelababy 等「美女」！

唔個大家又覺得點呢？

ext: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

泰國74歲不老美魔女靚樣竟全靠化妝　曾奪1965年環球小姐冠軍！網民：堅似食咗防腐劑！

02 Mar 2021

「美魔女」一般係指 35 歲或以上，依然年輕美麗、才貌兼備嘅女性，但如果再加上不老，大家又會定位為幾歲嘅女性呢？喺泰國就有一位今年已經 74 歲嘅女性，好似食咗防腐劑一樣，面上絲毫老化嘅跡象都冇。

Photo from Apasra Hongsakula/IG

依位 74 歲嘅泰國人 Apasra Hongsakula 曾喺 1965 年參選過當年嘅環球小姐選美比賽，當時 18 歲嘅佢成功奪冠，成為繼 1959 年後第二位奪冠嘅亞洲人，同時亦係第一位獲此殊榮嘅泰國佳麗。喺 1973 年及 1979 年佢仲兩度以評委嘅身份回到環球小姐競賽場。

Photo from Apasra Hongsakula/IG

其後 Apasra Hongsakula 致力參與各種選美巡迴賽，並被泰國旅遊局任命為泰國文化大使。

Photo from Apasra Hongsakula/IG

而喺 Apasra Hongsakula 環姐奪冠後一年即同詩麗吉王后嘅堂弟結婚，正式進入泰國社會頂層，可惜依段婚姻並冇行到最後。Apasra Hongsakula 曾經有過 2 段婚姻，但都以離婚收場， 2 段婚姻中各有一個仔， Apasra Hongsakula 同兒子們嘅關係不錯，佢不時都會發佈細仔 Pok Chirathivat 嘅節目或歌曲幫其宣傳，同上傳同孫仔/孫女嘅合照。