麥貝夷再爆前男友曾密會閏蜜！裕美成嫌疑人 怒斥：佢係咪要睇醫生？
Photo from 麥貝夷IG
麥貝夷之前喺IG控訴男友「性伴侶的數量多得驚人」，又喺最後祝對方生日快樂，令當日生日嘅翟威廉成「出軌」嫌疑人。
Photo from 麥貝夷IG
Photo from 翟威廉IG
翟威廉後來表示無同麥貝夷拍過拖，但坦承身邊一直有唔同國籍嘅伴侶。
Photo from 翟威廉IG
麥貝夷就指自己同前男友「拍拖」3年幾，平時相處同普通情侶無分別，估唔到對方只當佢係其中一個「伴侶」。
Photo from 麥貝夷IG
佢又透露同男友戀愛3年曾分手一次，原因係發現對方有第三者。麥貝夷指同第三者唔太熟，但對方係佢介紹畀男友識，又話第三者國籍不明，「理論上係香港人」。
Photo from 麥貝夷IG
麥貝夷指第三者「理論上係香港人」，矛頭直指昔日好姊妹、中日混血兒裕美，裕美否認同翟威廉有親密關係，反斥麥貝夷：「佢係咪要睇醫生？一早叫佢睇㗎啦！」，又表示佢同麥貝夷早就無再聯絡，裕美指自己係麥貝夷同佢上個男友嘅媒人，但兩人分手後，裕美認為麥貝夷處理得唔好，令麥貝夷嬲咗佢。
Photo from 裕美IG
Photo from 裕美IG
Photo from 裕美IG
裕美對自己疑成「第三者」感無奈，更表示由小學到中學都畀人搞：「你再搞我，我一定搞返你！」，佢喺IG留言指：「要講請講清楚點，唔好惹人懷疑」，而事件「男主角」翟威廉就指自己好唔得閒，唔會回應事件。
Photo from 裕美IG
Photo from 裕美IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
麥貝夷被男友背叛，對方有超多SP！網民柯南上身 翟威廉成嫌疑人物？
30 Mar 2021
唔少藝人對感情生活都會以低調嘅態度處理，事關以免見光死，而近日歌手麥貝夷（Karene）就突然喺 IG story 中留言爆男友大鍋，更指當日係男友生日，所以出 post 贈興送「大禮」力數賤男惡行。
麥貝夷喺 IG Story 中力數男友疑似控訴對方出軌：「今天才知道你性伴侶的數量多得驚人，然後你對外說的就都是我主動，你完全沒有做任何事情讓我們開始，也從來沒有挽留我，原來疼愛和照顧都是演出來的，還把我當傻瓜一樣告訴別人，只是我主動糾纏你，所以你完全是被動的，也不需要付上任何責任」
並指對方嘅愛全部都係謊言嚟：「到底你的人生是由多少謊言組成呢？現在知道你髒成這樣，如果以後有機會見面，還可以怎樣面對你？」
最後麥貝夷更祝對方生日快樂，表明「生生不見了」。睇嚟當日正正就係依位男當事人嘅生日嚟喎！
喺依個 post 出咗之後，唔少人都有 send message 關心佢，而佢就轉貼咗一個貼文並留言多謝大家關心，並指現時需要時間去沉澱：「謝謝大家關心 現在我需要一點時間沈澱 訊息就不逐一回覆了 謝謝你們每一個慰問與支持 我會更努力的做好自己 從教訓中好好反省 也希望和我經歷同樣事情的人 知道你並不孤單（抱） 很快就會好的了」。
有網民更隨即「柯南」上身，指出當日生日就正正就有 TVB 藝人翟威廉，二人曾經傳過緋聞，又曾經成日一齊直播夾 Band ，但二人就一直未有回應緋聞。
而當有傳媒向翟威廉求證時，佢即否認：「冇回應，唔想愈描愈黑。」更指自己唔認識麥貝夷男友，佢都要了解吓發生咩事。
不過亦有網友發現，麥貝夷嘅 IG 已沒再 follow 翟威廉，唔通佢哋反咗面？！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳冠希余文樂為阿嬌結冤！陳瀅劉佩玥姐妹情不再！娛樂圈6對藝人由朋友變仇人！
12 Mar 2021
正所謂「人多就自然是非多」，過去圈中亦有唔少藝人因為唔同嘅原因而反目成仇，有啲甚至曾經係好朋友但最終都絕交收場，大家又知道幾多個呢？我哋而家就一齊嚟盤點下娛樂圈反目成仇嘅藝人啦～
Photo from 馮盈盈IG
1. 馮盈盈+江嘉敏
呢排最出名嘅一定係呢一pair，佢哋嘅關係因為一個富豪船P而令佢哋嘅友誼破裂。上年5月，江嘉敏同啱啱回復單身嘅馮盈盈就被拍到去何猷亨嘅船P玩，有傳馮盈盈想釣金龜。馮盈盈就立刻話係透過江嘉敏先會出席呢個船P，而江嘉敏亦隨即反駁話係馮盈盈帶埋佢一齊去船P先認識。大家各有各講，令佢哋兩人嘅感情大受影響。之後，江嘉敏仲喺IG公開咁暗串對方講大話，將所有矛頭指向馮盈盈。
Photo from 江嘉敏IG
Photo from 江嘉敏IG
最近，佢哋被安排要一齊主持新節目《解構心機女》，強制要佢哋兩個和好。雖然佢哋就po曬合照，好似已經和好如初咁，但大部分嘅網民都認為佢哋只喺表面上和好。
Photo from 江嘉敏IG
2. 陳冠希+余文樂
陳冠希同余文樂曾經一齊合作多套電影，包括有《頭文字D》同《無間道》，亦因此而成為朋友。但就有傳佢哋兩個因為當時同時追阿嬌而傳出不合，仲差啲喺頒獎典禮後台大打出手，令佢哋嘅關係變得更加差。
Photo from 陳冠希IG
Photo from 余文樂FB
喺2017年，有位知名嘅服裝設計師就喺IG po咗余文樂品牌Madness嘅外套，但就引嚟陳冠希喺留言度諷刺「fell sorry for u bro/but everyone need to make a living」.而余文樂亦都喺自己IG po 咗一張反擊嘅照片，上面嘅字寫住 「The Best Revenge is Massive Success.」，利用IG展開隔空對罵。
Photo from IG@Godfreykwan
喺2019年，陳冠希就為佢嘅自創品牌而同網民鬧交，期間仲一度公開數落余文樂嘅品牌，話自己嘅品牌CLOT係高檔好多，絕對唔會同佢哋合作。
Photo from 陳冠希IG
3. 莊思敏+王宗堯
喺2015年，王宗堯酒喺Facebook度暗指有演員只係為錢同埋唔專業，就話「如果你為出鏡曝光就咩都做，你只不過係去襯...如果你為數字而拍戲而不是為真正的用心去表演，咁你同老臨有咩分別? Right cast is more important! Show some respect to Hong Hong movies...」而種種特徵都將矛頭指向當時同佢合作兩套電影嘅莊思敏。而女方以不甘示弱，即時喺自己嘅Facebook反擊「如果工作是等於唔尊重工作咁我祝你無工開啦。」，形成咗一場隔空嘅罵戰。當時，罵戰非常激烈導致佢哋兩個嘅老闆忍唔住出手平息事件。
Photo from 王宗堯FB
Photo from 莊思敏FB
之後，莊思敏就喺出席活動嘅時候爆喊咁話就算以後喺公司見到王宗堯都會當見唔到。
Photo from 莊思敏FB
4. 鄧紫祺+JW
鄧紫祺同JW 本身喺好朋友，不過自從鄧紫祺同現任造型師男友Mark拍拖之後，兩人就疏遠咗。事關Mark以前曾經同JW有過一段情，而佢哋兩個分手嘅時候，Mark就有喺IG暗指JW因為貪錢移情別戀，睇嚟分手嘅時候並唔和諧。唔知鄧紫祺會唔會係想用行動撐男友而同JW疏遠呢？
Photo from MarkIG
Photo from JW IG
5. 林穎彤+吳若希
2017年，林穎彤同埋吳若希一齊合作拍攝《終極街頭魔法王》嘅宣傳活動，而事後吳若希就喺IG po 活動當日嘅照片，當時網民們就用一啲比較羞辱嘅留言去鬧吳若希。但就喺某一個惡意留言下面，竟然有人點讚，而嗰位就係一齊出席活動嘅同門師妹林穎彤。當時就令網民猜測佢哋兩個因為爭上位而鬧不和，儘管林穎彤有出面澄清係因為手滑，但網民都唔係好相信去會喺眾多留言當中點錯呢個比較羞辱嘅留言！
Photo from 吳若希IG
6. 陳瀅+劉佩玥
陳瀅同劉佩玥兩個以前一直都係「孖公仔」，成日喺網上po合照，感情非常好。但有傳自從劉佩玥同周志文拍拖之後，兩人嘅關係就開始變。事關陳瀅驚好姐妹墮入當時形象花心嘅周志文手仲，所以就不停勸佢要諗清楚。可惜，劉佩玥最終選擇愛情，令二人感情開始疏遠。以前佢哋成日都會同何雁詩等人一齊聚會，但睇返而加嘅合照劉佩玥多數都無現身。
Photo from 陳瀅IG
Photo from 陳瀅IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
