馮盈盈同余思霆喺酒店房唔著衫周圍走！對方與男友faceTime即叫FYY迴避

娛樂新聞

By Jennifer on 09 Apr 2021

Digital Editor

今晚食乜餸：小二，嚟一碟花生！

《後生仔傾下偈》新一集中馮盈盈就透露同余思霆選中華小姐時喺酒店房唔著衫周圍走，又大爆對方與男朋友faceTime叫佢迴避。

Photo from TVB

余思霆同馮盈盈係同一屆國際中華小姐，余思霆當年奪冠軍、亞軍係林宣妤、季軍係馮盈盈。

Photo from 余思霆IG

余思霆之前上《後生仔傾下偈》時透露選華姐當時同馮盈盈係室友。佢指馮盈盈一開始會喺房除淨bra同底褲先入去沖涼，後來就咩都唔著通房走，最後兩人更「玉帛相見」，一齊沖涼。

Photo from TVB

估唔到原來仲有後續！新一集《後生仔傾下偈》馮盈盈表示同朋友一齊經歷過事情就會變「真心朋友」，再提到余思霆同佢當年喺酒店房「唔著衫」事件。

Photo from 余思霆IG

馮盈盈指因為喺馬來西亞比賽，天氣好熱，佢同余思霆已發展到大家都唔著衫喺房走嚟走去，但當時余思霆夜晚會同男朋友faceTime，更要無著衫嘅馮盈盈迴避。

Photo from 余思霆IG

馮盈盈話：「佢同男朋友faceTime會叫我喺廁所唔好出嚟，我問佢做咩，佢話『你又無著衫，我faceTime緊，你著返件衫先啦！』」，由於佢哋兩人都係喺房咩都唔著，令人猜測余思霆都係無著衫同男友faceTime！

Photo from 馮盈盈IG

Photo from TVB

有指余思霆當時嘅男友就係天堂鳥成員Tyrese！

Photo from Tyres IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

蔡思貝Staycation唔著底底姊妹睇到眼都突！何雁詩爭仔不敵蔡思貝無損閨蜜情？

23 Mar 2021

由Bob同麥玲玲所主持嘅《Master's Talk師父有請》，最新一集就邀請咗三位好閨蜜何雁詩、蔡思貝同埋賴慰玲上佢哋節目做嘉賓。佢哋三個互相爆料，關係親密，無論喺心靈上定肉體上都非常赤裸，令主持人都不禁羨慕佢哋嘅好感情～

Photo from 何雁詩IG

今期《Master's Talk師父有請》嘅主題係閨蜜，所以佢哋就邀請咗公認圈中好姐妹團嘅何雁詩、蔡思貝同埋賴慰玲。原來除咗佢哋三個之外，仲有陳瀅、吳嘉熙及陳嘉寶，仲話佢哋一齊起咗個團名叫做「SIXTERS」。

Photo from 賴慰玲IG

Bob喺一開始就先比咗個小測試嚟睇下佢哋親密程度，當被問到眾人嘅星座時，大家都口啞啞，所以問題改成眾人嘅生日日期。當問到何雁詩嘅生日時，賴慰玲就好有自信咁搶答「9月17日！」，點知正確嘅日期應該係11月2日！搞到何雁詩忍唔住笑到流淚，仲被眾人講笑咁話「大獲！佢喊喇！」

Photo from 何雁詩IG

另一位主持人麥玲玲就話內地有句名言「防火、防盜、防閨密」，所以啲人成日話女仔嘅世界係好難有真朋友。佢哋就話其實6個人嘅性格都好唔一樣，即使討論緊同一件事都會有各自嘅觀點，所以彼此從來都唔會比較。

Photo from 賴慰玲IG

而佢哋就話大家身體上同心靈上嘅透明度都好高！賴慰玲就爆料話有次佢哋全部人一齊去 staycation，而蔡思貝剛剛返到香港，行李唔喺身邊。當佢哋所有人都換曬浴袍嘅時候，就發現蔡思貝即使坐得好端正，但都比大家睇到佢走光。

Photo from 蔡思貝IG

佢哋亦表示因為成長背景同性格唔一樣嘅關係，所以擇偶條件都唔同。而唯一會令佢哋成個姊妹團瘋狂嘅男仔就係賴慰玲嘅三歲仔仔Marat ! 賴慰玲就話五位好姐妹都係仔仔嘅契媽，而仔仔就最鍾意蔡思貝，因為佢夠煩～

Photo from 賴慰玲IG

節目中，多緋聞嘅蔡思貝就被問到同余德丞、張振朗嘅關係，佢就直言同兩位嘅友情都係建基於工作上，並無私下約出嚟。而Bob就爆話余德丞曾經拍攝時玩「真心話大冒險」，話會揀蔡思貝做女朋友。佢就反駁話「外型係佢鍾意嘅，但靈魂唔係，因為我哋都太麻甩。」

Photo from 蔡思貝IG

最後，佢哋仲話希望6姐妹可以一齊合作拍戲，何雁詩就表示自己想演「企街」擺脫平常斯文形象，陳瀅扮演虔誠基督徒，賴慰玲就演唔識做戲嘅演員。仲講笑咁話希望快啲有投資者可以滿足佢哋～

Photo from 何雁詩IG

Text: HolidaySmart Editorial

胡說八道會、處女黨等6個圈中閨蜜組織　個個都係人氣女星！

12 Mar 2021

成日都聽到人話「知人口面不知心，畀人出賣咗都唔知」，而喺娛圈更係十分常見，事關大家不時都會喺娛樂新聞睇到女星們友情不再、關係破裂等消息，但真係同行如敵國、難有真正可以交心嘅朋友咩？其實又唔一定嘅，大家只要細心留意，就會發現喺圈中都有唔少真係情同姊妹嘅閨蜜團！

1. 胡說八道會

由一班 TVB 花旦組成嘅「胡說八道會」陣容鼎盛，當初只係由三位同姓「胡」嘅胡杏兒、胡定欣、胡蓓蔚組成，後嚟再增加咗黃智雯、李施嬅和姚子羚加入。佢哋 6 人無論幾忙都會抽時間聚會，有咩事都會互相支持，姚子羚更曾笑言「有種友誼叫胡說八道」，就可知佢哋喺圈中嘅友情有幾令人羨慕喇！

2. Amazing Esther

「Amazing Esther」又被稱為「處女黨」，成員包括鍾嘉欣、王君馨、李亞男、苟芸慧及岑麗香，佢哋 5 位中分別有港姐、華姐出身，要再加上佢哋都喺外國返嚟同信仰一樣而組成，現時佢哋都已經「升呢」成為人妻！早前王君馨就喺社交網上hashtag佢哋係「索爆靚太團」添！

3. 少婦聯盟

「少婦聯盟」由龔嘉欣、沈卓盈、陳凱琳同譚凱琪組成，4 人因拍攝電視劇《平安谷之詭谷傳說》而成為好友！喺「聯盟」成立一周年時，佢哋更請嚟攝影師拍攝泳衣照作紀念！

4. M Club

除咗「少婦聯盟」，因為拍劇結緣嘅仲有《女人俱樂部》中飾演「M Club」學生時間啲佢哋，王敏奕、黃山怡（糖妹）、陳嘉寶、賴慰玲、陳瀅、吳嘉熙（Cheronna）和吳燕菁組成嘅「M Club」，佢哋 7 人喺戲裡戲外都係「老友」，雖然有人成為「新一代女神」、有人成為「幸福人妻」各自有唔同嘅發展，但只要有重要事情發生，佢哋都一定會為彼此撐場！

5. SÏXTERS

雖然陳嘉寶、賴慰玲、陳瀅佢哋已經組咗「M Club」，但佢哋喺去年 12 月仲有再組多一個閨蜜團叫「SÏXTERS」，成員就有陳嘉寶、蔡思貝、陳瀅、吳嘉熙（Cheronna）、賴慰玲同何雁詩，6人不時都會聚會，佢哋仲喺團名中大玩食字風格，以Sisters變為「SÏXTERS」，非常有創意！

6. 至八會

當然閨蜜團又點會只係年輕人嘅專利呢！喺「至八會」中個個都係阿姐級嚟，而人數仲係最多嘅一團，成員包括汪明荃、鄭裕玲、毛舜筠、曾華倩、江欣燕、林建明、朱慧珊、鍾慧冰及寇鴻萍等，全部都係圈中資深藝人及名人。正正因為佢哋嘅人數多，而且大家又各有各忙，所以就算有聚會都好難齊腳，如果真係要齊人出現嘅話，可能要 4 年先得兩次。