【乘風破浪的姐姐2】陳小紜晒合照被轟自私！淨係P自己拉闊楊丞琳？張柏芝顯得勁大隻？
Photo from 陳小紜微博
大陸綜藝節目《乘風破浪的姐姐2》已進入總決賽，一班30歲以上嘅女星獲節目帶挈，個個人氣急升：張柏芝獲內地網友封為「盛世美顏」、楊丞琳5年前舊作《年輪說》翻紅賺$500萬人民幣、容祖兒唱跳天后fans數大增。
Photo from 《乘風破浪的姐姐》微博
Photo from 《乘風破浪的姐姐》微博
而陳小紜係少數入到總決賽卻不受歡迎嘅參賽者，佢之前同組長容祖兒因為歌詞分配問題起衝突，陳小紜後面一連串言論、行動令網民一面倒指責佢係「綠茶女」。
Photo from 《乘風破浪的姐姐》微博
雖然陳小紜一直被網友鬧要淘汰佢，但最後仍順利入到總決賽，佢加入周筆暢組同張柏芝、楊丞琳等成組員。
Photo from 陳小紜微博
Photo from 陳小紜微博
陳小紜日前喺微博分享多張姐姐於後台嘅零P圖合照，組員有講有笑非常開心，不過姐姐們喺「無防備」狀態下竟意外曝光咗真實身材面貌！
Photo from 陳小紜微博
Photo from 陳小紜微博
張柏芝之前就被爆纖瘦四肢同幼腰都係靠P，而陳小紜公開嘅合照中張柏芝嘅手臂顯得頗為粗壯，腰肢略圓，身型比起其他姐姐「大隻」唔少。
Photo from 陳小紜微博
Photo from 陳小紜微博
另外，歌手吉克雋逸表情呆滯，臉色憔悴，同隔離嘅陳小紜形成強烈對比。姐姐們流露自然笑容，表情有啲扭曲，但喺合照中陳小紜幾乎張張都「無走樣」，皮膚更白到發光。
Photo from 陳小紜微博
Photo from 陳小紜微博
Photo from 《乘風破浪的姐姐》微博
陳小紜post嘅相，楊丞琳明顯被「拉闊咗」，顯得個人好橫。而且陳小紜post嘅每張合照，佢自己都係企正喺中間，被網友話佢「永遠霸佔C位」。
Photo from 陳小紜微博
Photo from 陳小紜微博
網友見狀即鬧爆陳小紜「勁心機」，指佢淨係post自己靚嘅相，做法「綠茶」：「好可怕這種女人，而且很討厭，把別人崩了的照片發出來！」、「大家都崩了。就她角度都特別好看」。
Photo from 陳小紜微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【乘風破浪的姐姐2】陳小紜表現欠佳獲容祖兒帶挈入總決賽！竟當面指其實想入周筆暢組
29 Mar 2021
Photo from 《乘風破浪的姐姐2》
大陸綜藝節目《乘風破浪的姐姐2》已播到第10集，即將迎嚟最後一次公演。之前第四場公演陳小紜同容祖兒一組，兩人因歌曲分配意見不同而發生爭吵。
Photo from 《乘風破浪的姐姐2》
容祖兒組唱嘅歌曲係《給自己的歌》，難度甚高，陳小紜想唱歌曲一開頭嘅部分，認為比較容易駕馭，但容祖兒則認為呢段好考驗感情表達，建議都係交返畀歌手唱會好啲，結果兩人起爭執更情緒失控大喊。
Photo from 《乘風破浪的姐姐2》
當時網友都力撐容祖兒，仲話陳小紜好綠茶！事後陳小紜更「有骨」回留言叫網民真心支持袓兒就去佢微博留言，暗諷對方唔紅。
Photo from 《乘風破浪的姐姐2》
點知最新一集播出後，陳小紜嘅表現再度引發網民熱議。喺《給自己的歌》表演中，兩人嘅爭論由陳小紜勝出，第一段最終由演員出身嘅陳小紜負責唱。
Photo from 《乘風破浪的姐姐2》
不過就效果嚟睇似乎不獲觀眾認同，有唔少網友都認為陳小紜唱得唔好，甚至拉低成個表演嘅水準。但陳小紜仍然喺容祖兒嘅帶領下避過被淘汰嘅命運，成功打入總決賽。
Photo from 《乘風破浪的姐姐2》
喺總決賽分組時，容祖兒主動話想入那英組，而陳小紜就想入周筆暢組，為咗可以加入周筆暢嗰組，佢更不惜當住容祖兒面話上一次其實已經想入周筆暢組，但因為當時周筆暢組得返一個位，佢驚會畀人拒絕先揀容祖兒，明踩Joey唔係佢首選！佢一講完全場靜晒，場面勁尷尬，吉克雋逸忍唔住反問：「所以你想表達甚麼？」。
Photo from 《乘風破浪的姐姐2》
Photo from 《乘風破浪的姐姐2》
另一邊，踢館入嚟嘅楊丞琳亦同樣打入總決賽，擔任組長嘅佢勁有台風，喺表演途中耳環不慎脫落，但佢臨危不亂用手接住繼續唱，佢應變能力隨即登上熱搜！
Photo from 《乘風破浪的姐姐2》
Photo from 《乘風破浪的姐姐2》
而作為隊長佢亦好有責任心，之前曾因張柏芝受傷而擔心會影響到表演，喺公演完結後，佢嘅組員袁姗姗遭到淘汰，楊丞琳無法管理表情，即時黑面，表示對於有組員被淘汰佢好自責。
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【乘風破浪的姐姐2】陳小紜被爆對容祖兒罵髒話！本人超有骨留言暗諷容祖兒無人關注
22 Mar 2021
Photo from 《乘風破浪的姐姐2》
《乘風破浪的姐姐2》令容祖兒喺內地人氣急升，佢更多次擔任組長。日前播出一集佢做隊長與隊員陳小紜因歌詞分配問題而起衝突。
Photo from 《乘風破浪的姐姐2》
起因係演員出身嘅陳小紜堅持要唱歌曲一開頭嘅部分，但Joey就認為交返畀歌手負責會好啲，更令陳小紜落淚崩潰指責容祖兒逼佢唱歌，最後要以Joey三度道歉作結。
Photo from 《乘風破浪的姐姐2》
Photo from 《乘風破浪的姐姐2》
呢集播出後網民一面倒力撐Joey，認為陳小紜唔聽專業歌手意見我行我素，影響晒成組進度，更去陳小紜微博斥佢綠茶女，叫佢向Joey道歉。
Photo from 陳小紜微博
Photo from 陳小紜微博
更有爆料指陳小紜當面對容祖兒罵東北髒話，不過被節目組剪走片段，呢名網友為增加爆料可信度，更不惜指：「假料死全家」！
Photo from 微博
群情洶湧下陳小紜親自現身回覆網民，否認有罵髒話，更勁有骨留言感謝網友幫佢提升關注度，令自己微博每日訪問量都好大，同佢有合作嘅品牌非常滿意。陳小紜仲提到容祖兒：「真的心疼祖兒姐姐多去她那裡留言加油打氣刷熱度什麼的，真心話。」
Photo from 微博
網民見到佢嘅留言都表示佢係「茶藝大師」，指佢說話情商為負，又指佢嘅回覆係暗諷容祖兒關注度無佢咁高。
Photo from 微博
喺內地另一個綜藝節目《快樂大本營》中容祖兒同陳小紜全程零交流，更互當透明，傳出兩人不和傳聞。
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
