林明禎香閨曝光！超大客廳+花園！媽媽、姐姐全家都高顏值好身材！

馬來西亞女星林明禎憑住美貌同魔鬼身材而喺網絡上爆紅，仲俾網民封為「大馬宅男女神」！近日，佢就因為掛念屋企人而喺IG上載咗以前同家人玩樂嘅片段，亦因此而意外咁公開咗佢嘅屋企～

Photo from 林明禎IG

馬來西亞女星林明禎憑住魔鬼身材成為唔少男士心目中嘅女神，而呢幾年佢為咗專注喺台灣發展事業而離開家鄉，早前亦有份參與香港電影《一秒拳王》！

Photo from 林明禎IG

Photo from 林明禎IG

近日，林明禎似乎就因為掛住屋企人而喺IG上載咗幾段同家人喺屋企一齊玩嘅影片，意外咁曝光咗自己嘅大屋！由影片所見，雖然屋內嘅裝修並唔係好豪華，但面積就非常大同埋實用，就算同小朋友玩捉迷藏都好足夠。

Photo from 林明禎IG

Photo from 林明禎IG

而佢屋企出面仲有一個大花園，佈滿花朵同小石頭擺設，環境非常舒服！影片中，林明禎就同愛犬坐喺草地上面玩，亦有7個人排排坐一齊拉筋嘅畫面，非常寬敞～

Photo from 林明禎IG

Photo from 林明禎IG

影片中亦大家一齊玩嘅畫面，展示到家人之間嘅好感情，令網民都忍唔住留言話好溫馨嘅一家人啊～

Photo from 林明禎IG

Photo from 林明禎IG

其實林明禎以前就曾經上載過自己家人嘅照片，媽咪亦保養得好好，睇落好年輕。因為一家人都擁有優良嘅基因，令唔少網民當時都稱佢哋為「最強顏值家庭」！

Photo from 林明禎IG

Photo from 林明禎IG

而家姐林詩枝同林明禎一樣顏值高、身材好，係馬來西亞嘅全能藝人，同時身兼模特兒、演員、歌手幾個身份。雖然而家已經成為人母，但身材依然保持得非常好！

Photo from 林詩枝IG

Photo from 林明禎IG

由佢哋一家人所居住嘅大宅所見，佢嘅屋企經濟狀況應該都算幾富裕。但林明禎就係一個非常樸素嘅女仔，興趣都係做運動、彈琴等，好少喺IG見到佢會上載自己身穿名牌嘅照片，又難怪咁多人會封佢為女神嘅～

Photo from 林明禎IG

Photo from 林明禎IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

郭富城豪宅有賽車練習空間！方媛公開屋企豪華內部裝修！泳池/可野餐超大後花園

12 Apr , 2021

天王郭富城成名已久，結婚之後專注家庭生活。「天王嫂」方媛不時喺微博分享日常生活照，令天王豪宅曝光，唔止有超大花園、仲有泳池。城城亦指家中有私人賽車練習空間。

Photo from 方媛微博

郭富城早前出席活動時表示因為疫情原因多咗時間留喺屋企打機，不過佢就指兩個女年紀仲細，唔想佢哋沉迷電子遊戲，所以搵咗老師教女兒畫畫，專注喺其他方面。

Photo from 方媛微博

城城又透露屋企有賽車練習系統，因為依家唔可以出外參賽，為咗止癮同保持最佳狀態，佢家中嘅賽車練習空間同賽車座位一樣，有晒電視、軚盤、模擬賽道等。

Photo from 郭富城微博

Photo from 方媛微博

其實郭富城老婆方媛經常喺微博分享日常照，佢曾經有晒過同女兒一齊游水嘅相，仲有一個迷你籃球架，有充足嘅空間畀小朋友活動！

Photo from 方媛微博

Photo from 方媛微博

方媛拍嘅vlog、穿著配搭、化妝片都有曝光過屋企嘅裝修，佢曾經分享過喺大花園野餐嘅相。

Photo from 方媛微博

Photo from 方媛微博

Photo from 方媛微博

衣帽間雲石牆壁，幾有氣派。另外仲有露台，種咗好多花～

Photo from 方媛微博

Photo from 方媛微博

Photo from 方媛微博

浴室方面裝修簡單，浴缸好大，後面係白色磚牆。客廳就以白色為主要色調，靠牆高櫃有好多毛公仔，感覺溫馨。

Photo from 方媛微博

Photo from 方媛微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）