鄧紫棋再傳婚訊 自爆已經諗好BB名/買定衫仔　回應當年著「皮褲」俾人笑到冇曬自信！

鄧紫棋自從同造型師男友Mark公開戀愛之後，兩人嘅感情生活都一直非常穩定，仲周不時會傳出佢哋已經秘婚嘅消息。近日，佢喺接受節目採訪嘅時候就講自己對愛情嘅睇法，仲自爆話已經買定好BB衫！

Photo from 鄧紫棋IG

鄧紫棋(G.E.M) 自從2018年公開承認同造型師魏俊傑（Mark）嘅戀情後，一直都愛得高調，經常都喺IG放閃。上年，更一度傳出佢哋兩人已經秘密喺泰國結婚嘅消息！

Photo from 鄧紫棋IG

Photo from 鄧紫棋IG

近日，鄧紫棋喺上訪談節目《魯豫有約 》時就談及自己嘅愛情觀。佢認為兩個人嘅步伐要相似先會容易溝通，仲表示認同愛情係需要經過考驗先可以變得更加堅固，因為喺佢眼中愛情並唔係咁易得到。

Photo from 《魯豫有約 》

Photo from 《魯豫有約 》

當被主持人問到有冇生小朋友嘅打算時，佢就話認為要結咗婚先會生小孩，仲話已經諗好名，女兒就叫小橘子、兒子叫小芒果。

Photo from 《魯豫有約 》

Photo from 《魯豫有約 》

仲話自己其實已經買定咗BB衫，衣服上印住「我愛爸爸」同「我愛媽媽」嘅字，睇嚟佢好渴望成為一位媽咪～

Photo from 《魯豫有約 》

Photo from 《魯豫有約 》

喺節目中，鄧紫棋亦有回應當時因為穿皮褲而被網民大笑衣著品味差嘅事件。佢話其實當時內心係好驚，最慘係要係大家面前堅持穿皮褲扮到好有自信咁表演，令佢嘅自信心跌入谷底！

Photo from 微博

Photo from 《魯豫有約 》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

G.E.M.鄧紫棋成素描堂試題！超低分作品曝光嚇窒本尊

7 Apr , 2021

喺大陸人氣爆燈嘅G.E.M.鄧紫棋近日成為素描肖像堂嘅試題，考生嘅答題過程同作品喺微博上曝光，部分超低分試卷更令鄧紫棋本尊親自留言！

Photo from 鄧紫棋微博

G.E.M.鄧紫棋轉上內地發展，短短幾年已經成為內地當紅女歌手，推出嘅歌曲《光年之外》、《泡沫》、《來自天堂的魔鬼》等都有唔錯嘅成績。

Photo from 鄧紫棋微博

人氣高企嘅G.E.M.更成為一間學校素描肖像堂嘅人物肖像試題，學生需用黑色鉛筆或炭筆畫出G.E.M.，並要求「比例準確、自然，頭頸肩生動、形象」。

Photo from 微博

Photo from 鄧紫棋工作室微博

微博上學生畫畫片段曝光，有3位男士認真素描「還原」G.E.M.張相，不過「走樣」得相當嚴重，G.E.M.本人更忍唔住喺微博反白眼轉發：「能把我畫成這樣也算一種超能力 不弄個視頻給你們對不起你們的認真」。

Photo from 鄧紫棋微博

Photo from 鄧紫棋微博

之後「GEM鄧紫棋迅資台」亦公開咗學生作品嘅分數，其中一幅95分嘅佳作係用咗G.E.M.新歌《超能力》3個字組合而成！而且仲同鄧紫棋張相好似。

Photo from 微博

Photo from 微博

另外3幅畫作分數就非常之低，分別係25分、6分、4分。睇落係抽象派嘅畫風！

Photo from 微博

Photo from 微博

Photo from 微博

Photo from 微博

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）