【尋人記】家人赴美 好家姐放棄美國綠卡照顧弱能妹妹 留港30年同妹妹相依為命

最新一集嘅《尋人記》係關於90年代曾經出現過嘅移民潮，大批港人離開家鄉開始新生活。而今集就有一位好家姐為咗照顧弱能嘅妹妹而決定留港陪伴佢，佢喺節目表示冇後悔過當年所做嘅呢個決定！

Photo from 《尋人記》

琴晚所播出嘅《尋人記》就以「移民潮」作為主題，搵返喺1997年因為香港回歸而決定移民嘅家庭，其中一位就係1996年某一集《星期日檔案》嘅主人公余婉薇（余老師）。

Photo from 《尋人記》

Photo from 《尋人記》

余老師屋企總共有10個兄弟姐妹，全家人都已經喺1986年嘅時候申請咗移民去美國，而父母同另外7個兄弟姐妹都已經移民到美國。而當年，余老師同妹妹芬芬都得到移民嘅資格。

Photo from 《尋人記》

Photo from 《尋人記》

但余老師喺去咗美國報到嘅時候，發現由於芬芬係弱能人士嘅關係，所以非常難買保險。再加上妹妹體弱多病，擔心佢未能夠適應，所以就毅然決定要返香港陪妹妹。後來，余老師曾經同屋企人商議不如一齊接埋芬芬過美國，大家合力照顧，但就完全冇人贊成，令佢傷心大喊！

Photo from 《尋人記》

Photo from 《尋人記》

就係咁樣，余老師一留就將近三十年，佢出示已經過左期嘅綠卡，但就話並冇後悔過當年所做嘅呢個選擇。仲話如果真係移咗民去美國，就只能夠透過視像電話見妹妹，同親自照顧佢係絕對冇得比！

Photo from 《尋人記》

余老師一到週末就會由院舍接妹妹回家，風雨不改，好多時朋友有聚會佢都唔會去，佢就認為呢啲唔係犧牲，而係一種生活習慣。直到而家，因為疫情關係院舍唔開放俾院友返屋企，余老師就每日都行45分鐘去搵妹妹，只係為咗好好咁陪下佢！

Photo from 《尋人記》

Photo from 《尋人記》

網民睇完余老師嘅故事，都好欣賞佢嘅無私精神，係好催淚嘅一集啊！

Photo from TVBYouTube

Photo from TVBYouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【尋人記】27年前夫妻家住半億豪宅！1994年已想買$1.4萬門柄 網友：好葡萄

15 Apr , 2021

TVB節目《尋人記》新一集，方東昇搵返27年前喺《星期日檔案》接受訪問嘅Frankie同Sabrina，更上到佢哋屋企探訪，兩夫妻住喺位於半山嘅大屋，望到維港海景，網友表示：「好葡萄！」

Photo from TVB《尋人記》

Frankie同Sabrina於1994年嘅《星期日檔案》中參加夫妻輔導營，當時提到兩人自己做生意，已結婚11年，一個性格似兔仔、一個性格似烏龜。

Photo from TVB《尋人記》

Photo from TVB《尋人記》

事隔27年，呢對夫妻仍然恩愛，更已做埋外公外婆，三代同堂非常幸福。攜手走過近40年人生路，Frankie同Sabrina對婚姻有更深嘅體會，更令下一代都同佢哋一樣唔會輕易講「離婚」。

Photo from TVB《尋人記》

除咗分享維繫婚姻心得外，兩人所住嘅豪宅亦意外成為焦點！其實喺1994年，佢哋新居入伙屋企已經相當豪華，當時Sabrina更曾經想買一個價值$14,000萬嘅門柄，雖然最後無買到，但27年前嘅$14,000門柄應該可以算係「天價」，可見佢哋夫婦財力雄厚。

Photo from TVB《尋人記》

Photo from TVB《尋人記》

Photo from TVB《尋人記》

Photo from TVB《尋人記》

Frankie同Sabrina現時所住嘅地方位於半山，Frankie同方東昇企喺露台，明顯可以飽覽維港景色，相信除夕、新年都可以喺屋企睇到煙花。

Photo from TVB《尋人記》

Photo from TVB《尋人記》

另外客廳、飯廳都非常闊落，家具擺設溫馨又有氣派。有細心網民觀察後指出Frankie及Sabrina所住豪宅應該係位於寶珊道寶城大廈嘅高層單位，根據地產公司資料，放盤叫價為$6,300萬至$8,000萬。

Photo from TVB《尋人記》

Photo from TVB《尋人記》

Photo from TVB《尋人記》

Photo from TVB《尋人記》

Photo from TVB《尋人記》

Photo from TVB《尋人記》

網友見到都留言指：「間屋大到痴線」、「全屋的門柄可以買上集的樓」、「間屋個露台正到..」

Photo from LIHKG

Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）