荃灣好去處｜拍拖掃街打卡一日遊！8大食買玩路線+行雜貨店+DIY整蛋糕

香港好去處

By Suki on 21 Apr 2021

Deputy Managing Editor

只想有個餵唔飽嘅肚，有杯飲唔完嘅酒，一個不完美的飲食記者。

荃灣好去處一日遊｜荃灣一向出名美食多籮籮，今次記者帶大家來到荃灣，一於同大家食勻荃灣美食，順便去埋特色cafe打卡拍拖，推介以下8大食玩買路線！

1.名古屋人龍班戟店Hoi Hoi Pancake

日本名古屋人龍班戟店Hoi Hoi Pancake店登陸香港，選址荃灣荃新天地，現正試業！由甜品菜式到裝修格局都充滿熱帶風情，店內梳乎厘班戟曾獲電視台節目譽為日本最好食班戟，即睇記者試食報告！

Photo from presslogic

店內提供的班戟款式共兩款，主要分為空氣感十足的梳乎厘班戟，另一款則是招牌夏威夷班戟，質地薄身，而且使用日本名古屋當地麵粉廠專門調製的麵粉，口感鬆軟。店內所有班戟使用日本島根縣新紀元雞蛋，蛋香濃郁。新店則有沖繩紫薯梳乎厘班戟，以紫薯打成茸狀，並加入Mascarpone芝士和少量蜜糖調味，再壓成約2mm的幼條，質感更軟滑。

Photo from presslogic

夏威夷果仁忌廉夏威夷班戟$108
日本忌廉滿佈整個班戟，上面灑上夏威夷果仁碎，層次豐富。

Photo from presslogic

日本店有近20款Pancake供選擇，而香港店則供應8款，其中兩款也是香港限定口味。法式焦糖梳乎厘班戟，用上日本明治4.3特濃牛奶，質感柔滑，配以香脆法式焦糖，甜而不膩。

抹茶忌廉梳乎厘班戟$118
抹茶忌廉使用日本滋賀縣名店丸安茶業的特調抹茶粉，抹茶甘香，配上日本北海道十勝紅豆，味道搭配。

Photo from presslogic

除了甜品外，店內提供多款定食，主打漢堡、漢堡蛋飯、丼飯，必食推介墨西哥Taco飯，選用日本豚肉肉碎及牛肩肉，再配上墨西哥香料製成的醬汁，熬煮一小時至肉碎入味。

Photo from presslogic

炸豚肉定食$88
選用鹿兒島豚肉眼，肥瘦比例剛好，以新鮮麵包糠炸成，配上豬扒汁。

Photo from presslogic

沖繩紫薯梳乎厘班戟

HoiHoi Pancake House
地址：九龍灣宏照道38號MegaBox 1樓19-20 號舖
電話：2461 7000
營業時間：星期一至五11:30am – 9pm；星期六、日及公眾假期12nn－9pm

地址：新界荃灣楊屋道1號荃新天地1樓117號舖
電話：2383 3860
試業時間：星期一至五12nn – 10pm；星期六、日及公眾假期11:30am－10pm

2.65年老字號民豐粉麵行 $5糯米糍

來到荃灣覓食，一定要試試這間超過65年歷史的老字號民豐粉麵行，平日店舖經常大排長龍，出名糯米糍「大件夾抵食」！

Photo from PressLogic

店舖售賣多款粉麵和小食，有水餃、湯圓和糉子等，其中要數店舖招牌一定每日限量發售的糯米糍。

Photo from PressLogic

糯米糍有3款口味，分別是花生、芝麻和豆沙，由師傅每日朝早和下午新鮮製造，未食已經聞到陣陣糯米香，每粒糯米糍都有手心般大，而且只是售$5，好抵食！

Photo from PressLogic

糯米糍皮薄口感煙靭，花生餡夠香，裏面是花生碎和砂糖，食起來有起沙的感覺，有些似糖不甩，搣開餡料多到滿瀉！

Photo from PressLogic

芝麻餡裏面是砂糖同芝麻粒，搣開糯米糍芝麻香撲鼻而來，軟糯的外皮，配搭鬆脆的芝麻餡，口感極佳！

Photo from PressLogic

喜歡甜食一定要試試豆沙餡，豆沙蓉好幼滑，會食到少少紅豆碎，不會過甜。

Photo from PressLogic

店舖另一個招牌就是下午2時後才供應的韭菜餅，韭菜餅即叫即煎，外皮兩面都煎到金黃色，輕輕咬一口已經聽到酥脆聲音，韭菜餅皮薄，入面是韭菜豬肉餡，食落香脆多汁，非常足料。

Photo from PressLogic

粢飯亦是即叫即製，店員在店舖在門口即場包製，三兩下手勢便弄好，非常燙手。

Photo from PressLogic

粢飯裏面有榨菜、肉鬆和油炸鬼，食落口感層次豐富，來荃灣一定要來試試！

Photo from PressLogic

民豐粉麵行
地址：荃灣街市街35號
電話：2492 6860
營業時間： 8:00am-9:00pm

3. 荃灣多國菜餐廳Peko Peko Eatery

荃灣這間多國菜餐廳Peko Peko Eatery，首間店舖於何文田略有名氣，皆因有前五星級大廚坐鎮，新分店繼續炮製高質有水準的菜式，戶外海景座位甚為搶手，日光感十足，難怪天氣轉涼亦無阻大家外出用餐，立即為大家推介店內美食。

Photo from PressLogic

Peko Peko Eatery價錢親民，自選午市便當可選兩款頭盤、一款主菜、主食和餐湯。頭盤則以沙律和輕食為主，有菠蘿雞沙律、蝦凱撒沙律等誠意小食，份量也不少。

Photo from PressLogic

主菜則有鹽燒鯖魚、香草蜂蜜一字骨、慢煮燴牛面頰等；鹽燒鯖魚燒得剛好，油香充分；香草蜂蜜一字骨肉質腍身有咬口，略嫌醬汁不夠。

Photo from PressLogic

晚市選擇比較多，先講頭盤沙律，每款沙律碗賣相吸引，既營養又健康，如這款沙律碗有齊新鮮無花果、士多啤梨、藍莓和新鮮蔬菜，食落清新夠Fresh。

Photo from PressLogic

火炙慢煮三文魚以慢煮方法炮製，慢煮過後，魚肉煮得恰到好處，肉質軟嫩。

Photo from PressLogic

特別推出牛油果溫泉蛋，有點像傳統蘇格蘭蛋的變奏版，蛋汁濃郁，牛油果伴以果仁、椰絲等脆口配料同吃，特別開胃。

Photo from PressLogic

另一款推介美食則是烤乳豬捲加入茴香，食落不油膩，而且又有肉汁。

Photo from PressLogic

Peko Peko Eatery
地址：荃灣大河道100號海之戀商場1樓1006-1007號舖
電話：26889128
營業時間：星期一至日 11:30am-10pm

4. 大埔名店鮨一必食千層海膽飯

這間日本料理店鮨一於大埔非常出名，第三間分店選址荃灣，必試人氣千層海膽杯配拖羅蓉醋飯紫菜包，海膽用上來自加拿大或韓國馬糞海膽，面層鋪上滿滿海膽，超豐盛；底層更有拖羅和醋飯，不止海膽鮮甜，整個口感豐富！

Photo from PressLogic

另外，店舖亦提供不少壽司、卷物、刺身，時令秋刀魚刺身、日本真蠔等。

尖沙咀分店都有丼飯選擇，如三文魚子丼、日本非常流行嘅痛風丼，有海膽、三文魚子、吞拿魚茸。

Photo from presslogic

鮨一
地址：荃灣大壩街79 號地下
電話：2243 3028

5. 素食咖啡店「素年Years」

深水埗有間素食咖啡店「素年Years」人氣超高，周末時間更大排長龍，最近更進駐荃灣，餐廳主要提供蛋奶素素食，有日式定食、美式漢堡、全日早餐、意粉等等美食，當中芫茜Risotto最受歡迎，芫茜愛好者就算唔喺素食者都可以去試下！素食咖啡店荃灣分店同樣走簡約風，以Friends朋友作主題，裝修就采用粉紅色及白色木系作主調。

招牌芫茜Risotto

招牌漢堡系列
配番薯條

日式定食
日式吉列咖哩豬扒飯

全日素菜早餐

buddha bowl

素年Friends of Years (荃灣)
地址：三陂坊20 Sam Pei Square
電話：5296 9864
營業時間：12pm-10pm

6. 荃灣二手雜貨小店「婆婆古著店」

荃灣二手雜貨小店「婆婆古著店」，在尖沙咀開業已有一段時間，最近搬到近南豐紗廠位置，荃灣店比舊店大2至3倍，同樣以「以古著抗衡速食時裝」做概念。店主Kaki希望大家可以減少購買速食時裝，以免浪費，並以古著達到環保概念。在店內，除了有不少由Kaki從外地購入的古著外，當中最吸引記者時港式地磚設計的首飾。更有不少台灣引入的環保小物，例如竹牙刷、食物袋、檜木筷子等等。