《小丸子》小學生由大人來演？發哥有份參演《七龍珠》？盤點6套經典動畫真人版電影/劇集！

By Stephanie on 23 Apr 2021

Digital Content Writer

由於好多嘅卡通直到而家都好受大家歡迎，所以唔少嘅電影商或者電視台就會買版權翻拍成真人版。但往往最終出嚟嘅效果都同預想有出入，令唔少網民都話將佢哋美好嘅童年回憶吹毀咗！而家我哋就一齊嚟盤點下童年崩壞改編作啦！

Photo from 櫻桃小丸子真人版電視劇

1.《飛天小女警》

經典卡通《飛天小女警》喺1998年播放，相信係唔少女仔細個都一定睇過嘅卡通片！近日就傳出要開拍真人版，令唔少網民都表示非常期待。據悉，真人版電影係講述3位小女警長大成人之後，因為細個將所有時間花係對抗壞人而感到唔開心，直到而家世界出現危機又再一次需要佢哋，佢哋3個又肯唔肯企出嚟幫手呢？

Photo from 《飛天小女警》

Photo from DoveIG

早前CW電視台就釋出真人影集嘅定裝照，就咁睇3位演員都各有特色，好符合飛天小女警嘅角色。但網上就流傳咗拍攝嘅現場，唔少網民都認為戲服睇落非常粗糙「好似拍攝緊飛天小女警嘅盜版」，睇嚟服裝將會係真人版嘅主要敗筆！

Photo from Twitter

2.《超音鼠大電影》

超音鼠（Sonic The Hedgehog）其實係一個電子遊戲嘅角色，仲係日本著名遊戲公司SEGA嘅吉祥物。超音鼠相關嘅遊戲系列同卡通都非常受歡迎，截止2019年單單係遊戲產品就已經向全球賣咗9億2000萬份。

Photo from 《超音鼠》

喺2020年，《超音鼠大電影》就製作成一部真人動畫奇幻喜劇片，並且喺世界各國上映。但當時電影嘅預告片一出就引起網民嘅反感，因為電影嘅超音鼠擁有好似人一樣嘅身軀，手長腳長，而且全身都係藍色毛。網民劣評如潮，搞到電影公司一度抽起重新改良。改良過後，就即刻俾網民話順眼好多！

Photo from Sonic The Hedgehog

3.《七龍珠：全新進化》

《七龍珠》喺1984年到1995期間上載，係日本嘅經典動畫之一。然而，喺2009年上映嘅外國真人版《七龍珠：全新進化》，就被網民評為最失敗嘅真人版電影。好多睇過呢套電影嘅人都話個劇本非常爛，完全同《七龍珠》、《西遊記》冇任何關係，角色亦走曬樣，令觀眾難以投入。

Photo from 《七龍珠》

Photo from 《七龍珠：全新進化》

4.《Jojo的奇妙冒險》

《Jojo的奇妙冒險》喺2007年首度推出電影版本，角色嘅還原程度亦好高，無論係髮型定服裝都同動畫好相似，但大家對呢套電影就有兩極嘅評價。雖然呢套電影喺第17屆瑞士納沙泰爾國際奇幻電影節獲得觀眾獎，但就有人認為劇本冇連貫性，說明不足令情節有啲矛盾。

Photo from 《Jojo的奇妙冒險》

Photo from 《JOJO的奇妙冒險：不滅鑽石》

5.《棋魂》（《棋靈王》真人版）

人氣日本動畫《棋靈王》喺2020年就俾中國翻拍成真人版網劇《棋魂》，但當時劇集海報一曝光就即刻嚇到網民話唔想睇。事關，由演員張超所飾演嘅褚贏（動畫裡面嘅佐為）臉上嘅粉底非常厚，而且再加上非主流嘅紫紅色眼影，造型真係十分驚嚇！網民們仲話就算劇本幾好，但造型已經令佢哋睇唔到落去～

Photo from 《棋靈王》

Photo from 《棋魂》

6.《櫻桃小丸子》台灣真人版

喺電視劇海報曝光，雖然網民本來都認為小丸子呢個講述小學生嘅故事由一班成年人演非常奇怪，但見造型上嘅相似度好高，所以唔少網民都幾期待真正播出嘅片段。然而，喺劇集播出之後就令鍾意小丸子嘅大家非常失望！因為播出時並非使用演員嘅原聲，而係用返卡通嘅配音員。再加上，用小朋友嘅聲音，但睇住一班大人演戲，，令網民覺得違和感好大！