良心炸魚薯條～西貢掃街必食小食，同場追加首創炸Oreo！！

西貢呢間人氣英國街頭小食店，差不多每位食客嚟到都會點同一樣食品，就係佢地嘅招牌菜炸魚薯條，可以話係西貢必食嘅街頭小食，當然仲要追加一個佢地首創嘅炸Oreo啦～入西貢玩完肚餓唔驚啦～

呢間地道英倫外賣店，喺西貢一直好受歡迎，好多人專程入嚟試下呢度嘅炸魚薯條～

開店模式跟足英式小食店，炸魚即叫即炸，並用白報紙盛裝食物，做法似足英國模式～

熱辣辣嘅炸魚，魚柳份量好大件，肉質鮮嫩，炸粉厚度剛剛好，沾他他醬一齊食，味道更好～配搭嘅粗條薯條，外脆內軟，好有薯條味，口感好豐富～

另外仲有一樣必食小食，全港首創炸Oreo，人氣同炸魚薯條一樣高～

除左一拎一浸嘅食法之外，原來仲可以炸嚟食，創意滿分～

即叫即炸，炸左嘅Oreo好有口感～外脆內軟，入面變成Oreo漿，香味更加濃郁～

呢間小店仲有樣值得讚嘅地方，就係幫助殘疾人士，提供適合工作機會，令佢地可以發揮所長～

店鋪資料
Chip In Fish & Chips
地址：西貢敬民街9號高勝樓地下11號舖
營業時間：星期一、二、四至星期日 11:00-19:30 ／星期三休息

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載