李光洙宣布退出《Running Man》！固定出演11年！因健康問題告別節目

韓國綜藝《Running Man》喺亞洲人氣超高，其中有「長頸鹿」之稱嘅李光洙宣佈將退出節目，原因係健康問題，需告別參與11年嘅《Running Man》。

Photo from 《Running Man》

《Running Man》播出多年，除咗喺韓國本土，喺成個亞洲都相當受歡迎，而7位元祖MC人氣亦超高，其中李光洙更有「亞洲王子」嘅稱號。

Photo from 《Running Man》

佢擔任原班人馬11年，突然宣佈退出節目，令網民極為震驚！李光洙嘅經紀公司表示佢之前因為交通意外受傷一直在休養中，不過節目拍攝可能會影響身體恢復，為咗未來同健康著想，同《Running Man》其他成員、製作團隊同公司長時間討論之後，決定忍痛做出呢個決定。

Photo from 《Running Man》

光洙喺2020年2月被衝紅燈嘅車撞倒，經檢查後發現右腳踝骨折，需要接受治療同做手術，當時曾短暫離開節目，不過僅僅休息兩星期就重新參與錄影，更試過撐枴杖出演。

Photo from 《Running Man》

光洙最後嘅錄製《Running Man》日期已定咗喺5月24日，其實光洙甚少出演綜藝節目，《Running Man》喺佢唯一一個固定綜藝，今次退出或者會有一段時間未能喺節目中再見佢。

Photo from 《Running Man》

《Running Man》經歷過初代主持Gary退出，之後加入兩位新成員，今次李光洙會係退出節目嘅第二位MC，而佢一直都係節目其中一位靈魂人物，非常受觀眾喜愛，李光洙宣佈退出後有唔少網友都表示不捨。

Photo from 《Running Man》

Photo from 《Running Man》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

李光洙親自回應撞樣台灣練習生！其他《Running Man》成員都覺得似

20 Jul 2020

內地選秀節目《少年之名》一位台灣男團成員翁宇慶被指撞樣《Running Man》MC 李光洙！喺節目中其他主持一提起，光洙馬上回應事件，睇嚟都有留意。翁宇慶所在男團「C.T.O」為羅志祥旗下偶像團體。

近年選秀節目層出不窮，內地一檔選秀節目《少年之名》其中一位練習生突然紅到去韓國！

Photo from 《少年之名》

Photo from 《少年之名》

佢就係台灣男團「C.T.O」成員翁宇慶，有網民發現佢竟「撞樣」韓國綜藝節目《Running Man》MC 李光洙！

Photo from 《少年之名》

光洙有「亞洲王子」之稱，喺全亞洲有極高人氣，有練習生同「長頸鹿」李光洙撞樣，隨即引嚟內地網民紛紛討論。

Photo from 《Running Man》

而光洙同翁宇慶嘅對比圖更傳到韓國，韓國網民都覺得兩人超似樣！

而翁宇慶本人亦喺IG指：「完了 藏不住了....我也會繼續努力，謝謝你們！#李光洙 #leekwangsoo #翁宇慶 #傻傻分不清楚」

Photo from 翁宇慶IG

光洙本尊都親自回應撞樣練習生一事！喺預告照中，「國民MC」劉在錫（劉在石）指最近一套選秀節目中有一位叫翁宇慶嘅練習生。

Photo from 《Running Man》

光洙應該早就知道呢件事，未講完就即刻話：「我認證。」大方承認對方同自己真係好似樣！

而其他MC見到翁宇慶嘅相都非常驚訝：「難以置信！」、「真係一模一樣！」不過呢段片段喺正式播出嘅節目中無播到出嚟。

Photo from 《Running Man》

翁宇慶所在男團「C.T.O」為羅志祥旗下偶像團體，但未能成功進入《少年之名》初評，估唔到佢本人會以呢種方式成為話題。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【長頸鹿戀愛了】Running Man MC李光洙承認與演員李先彬拍拖5個月

31 Dec 2018

韓國人氣綜藝節目《Running Man》之前風靡全亞洲，多位主持人亦因節目而為人熟悉。

有睇節目嘅一定知《Running Man》有個官方「背叛者」，佢就係長頸鹿李光洙喇！佢經常做任務都會背叛隊友，所以都成日俾其他mc蝦。

光洙仲同宋仲基係好朋友添！宋仲基有時甚至會去光洙屋企瞓。而舊年宋仲基同宋慧喬結婚，光洙仲發文酸溜溜咁話：「咁算咩啊。」

Photo from 《Running Man》

喺節目內亦不時被其他mc笑佢唔識追女仔，劉在錫甚至仲喺節目大爆佢教光洙點追女仔添！

不過「長頸鹿」光洙終於拍拖喇！今日有韓國媒體報道佢同24歲女演員李先彬拍拖，雙方經理人公司都承認咗。

李先彬曾經喺2016年上過《RM》上，而且仲喺節目上公開表示光洙係佢理想型。

當時仲上咗測謊議驗證佢講嘅係真定假，不過測出嚟就話佢講大話～haha～

Photo from 《Running Man》

而之後李先彬再上《Running Man》仲同光洙一組，光洙當時喺節目講笑話自己同李先彬拍緊拖，仲話下星期就會宣佈結婚，李先彬都表現得非常怕醜，估唔到佢哋真係發展成戀人啊！

Photo from 《Running Man》

Photo from 《Running Man》

Photo from 《Running Man》

而前幾集HaHa先喺節目度以手機入面光洙嘅相「威脅」光洙，唔知入面係咪有光洙女朋友呢？

Photo from 《Running Man》

而《Running Man》成員更加好事不斷，有媒體報導，另一mc HaHa妻子近日已懷上第三胎，HaHa即將再次做爸爸喇！真係恭喜晒！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）