滕麗名新人時期電影造型同「囝囝」周嘉洛撞樣？！ 網民：果然係兩母子！

娛樂圈有唔少撞樣嘅明星，有時候甚至會出現男明星同女明星似樣嘅情況！近日，就有網民上載咗滕麗名喺1996年播出嘅電影《四個32A和一個香蕉少年》截圖，指滕麗名嘅樣同而家《愛·回家之開心速遞》飾演金城安嘅周嘉洛好似樣！

Photo from 滕麗名IG

滕麗名呢幾年就有份出演TVB嘅處境喜劇《愛·回家之開心速遞》，劇裡面嘅戲份亦都唔少。喺劇中，佢飾演金城安嘅母親，劇中兩母子嘅互動十分搶鏡，頗受網民歡迎。其實兩人無論戲裡戲外感情都唔錯㗎，經常都見到周嘉洛喺IG上載兩人嘅自拍照，大曬「母子情」！

Photo from 周嘉洛IG

Photo from 周嘉洛IG

最近，有網民上載咗滕麗名1996年出演電影《四個32A和一個香蕉少年》時嘅造型，表示同《愛·回家之開心速遞》演緊佢仔仔嘅周嘉洛好似樣，講笑咁話果然係「兩母子」啊～

Photo from 《四個32A和一個香蕉少年》

Photo from 《愛·回家之開心速遞》

滕麗名喺1995年出道，出演電影《四個32A和一個香蕉少年》嘅時候，佢仲係一位新人，比人嘅感覺較青澀。再加上，當時佢為咗配合角色Jackie而剪咗個「男仔頭」嘅造型，令佢更加似男仔！

Photo from 《四個32A和一個香蕉少年》

Photo from 《四個32A和一個香蕉少年》

有唔少網民睇完都覺得兩人撞樣，留言話「話曬都係兩母子」、「笑咗 同哈林一樣分唔到」；但亦有網民覺得一啲都唔似！唔知大家又覺得佢哋似唔似樣呢？

Photo from 《四個32A和一個香蕉少年》

Photo from 周嘉洛IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

滕麗名神還原珍妮花洗版廣告宣傳《愛・回家》/《陀槍師姐2021》　網民：對白語氣超似！

3 Feb , 2021

相唔少人都有睇過 Jennifer Lopez（珍妮花露柏絲）有關手機遊戲嗰個洗版式廣告，更令廣告中嘅經典對白「哇！Jennifer Lopez！」及「剛剛你攻擊我的村莊」成為近期最多人扮嘅網絡潮語。而近日同時有兩套劇出緊街嘅滕麗名都玩埋一份，佢仲搵埋吳沚默一齊玩添！

近日 Jennifer Lopez 嘅手機遊戲廣告可以話係全城熱話，唔少人都會將其經典對白加入創意元素放笑彈。而依日藝人滕麗名為宣傳新劇《陀槍師姐2021》亦化身 Jennifer Lopez 重演經典場面。

片中滕麗名辦公室排隊等探熱時，就突然對探熱員吳沚默講：「Sherry？」及「你啱啱攻擊我演嗰套劇？」。當然唔少得另一句經典喇，吳沚默即回應：「wow！熊尚善滕麗名！」

之後滕麗名又指：「8點鐘我係熊尚善，9半鐘我係陳三元」，其無論表情定對白都似到十足，相當搞笑。

而有網友就發現滕麗名隨咗《愛・回家》同《陀槍師姐2021》之外，仲有喺早上 10 點呀，真係可以話係早、晚都見到佢呀！

即該睇吓佢哋有幾搞笑：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）