港女擅自夾走咗最後一粒墨丸男友黑面兩日？網民：知唔知咩叫尊重！

唔少情侶出街拍拖食飯都會都會 share 嘢食或者係女方食唔晒要由男方包底，但近日有一位港女網友就喺網上發文，指自己早前因為食咗男友碗中最後一粒墨而激嬲男友，令對方嬲咗兩日，女網友只好喺網上求救，引嚟唔少網民熱議。

Photo from 《食神》截圖

港女網民喺討論區上以「為咗粒墨魚丸同我嗌交？」作為標題指自己早前同男友食車仔麵時因為一粒墨丸而激嬲對方，仲一嬲就嬲咗兩日，搞到女方都唔知點算好。

Photo from 黃翠如/IG

女網友留言：「琴日同男朋友去咗食車仔麵，佢叫墨丸、雞翼、豬腸、生菜、油麵，我叫豬皮、冬菇、生菜、公仔麵，食食下我見佢粒墨丸好吸引，隻手好唔聽話咁夾咗粒返嚟放咗入口，點知佢嘖左一下，然後黑晒面，佢問我做乜嘢，但係呢個時候粒墨丸已經係我口入邊，我唔敢出聲又唔敢咬粒丸⋯大概對視左3秒鐘，佢先唔再望住我繼續食麵，我先敢咬粒丸，原來已經係佢碗嘢入邊最後一粒丸，之後佢食完自己走咗，我就跟住佢後面，去到今日佢都好似好嬲咁，點搞？」

Photo from Dcard

依個貼文一出，隨即引嚟唔少網民熱議，網友更分成兩派，其中一派指「男友小氣」、「係咪得我覺得好小事，點解要嬲？」、「如果我男朋友為咗啲咁小嘅事同我嗌交我會嬲番佢轉頭」。

Photo from Dcard

Photo from Dcard

而另一派則表示明白樓主男友點解要嬲，更指出事件嘅重點係女方有冇尊重男方「我覺得唔小氣，如果假設嗰一日有好多晦氣事，諗住食好嘢獎勵自己，將最好味嘅留喺最後一啖，結果俾人食咗，我真係會喊出嚟」、「就算係屋企人都會問下得唔得先、基本禮貌」、「明明係我嘅又係我想食嘅嘢，比人食左真係會唔開心，呢樣嘢係冇分男女」等。

Photo from Dcard

Photo from Dcard

依件事更引嚟男網民指同樣事件假如男女身份互換，結果則會變得一面倒，覺得大家有雙重標準之嫌「你哋班女人就可以為咗呢啲咁嘅小事成日發脾氣，男仔發一發脾氣就俾你呢啲女人鬧小氣。」

Photo from Dcard

當然亦網民提供為女方提出唔少氹番男友嘅建議「你買外賣去佢屋企附近請罪，請返佢食墨魚丸啦。」、「tum（氹）翻佢！！同say sorry之後請佢食多次」，但樓主亦指都已經試過晒但無用，並令佢喺今次之後學識互相尊重。

Photo from Dcard

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

妹妹撞見哥哥帶新女友回家即打電話畀原配「報串」！結局竟然係咁？！

26 Apr 2021

台灣Dcard有女網友指出哥哥有一位交往3年嘅女友，點知近日竟然發現哥哥帶咗個新女友返屋企，於是馬上致電佢現女友「報串」，但估唔到結局竟出人意表。

Photo from Dcard

樓主表示同哥哥女朋友相處得好好：「我很喜歡她而且她很照顧我，長得也很漂亮，個性超好真的沒話說。」，又指將對方當係姐姐，會Line傾偈。

Photo from 《七月與安生》

直至一日樓主父母都唔喺屋企，哥哥就偷偷將女友帶返家過夜，樓主仲有啲興奮因為覺得姐姐要嚟屋企住好開心，點知哥哥帶返嚟個「女朋友」係樓主唔識嘅女人！

Photo from 《香港愛情故事》

樓主表示：「『等一下 這個不是姐姐啊』我心想，那個女生看到我還親切的對我微笑打招呼好像跟我很熟一樣」，樓主覺得好傷心、好難過，又不知所措，甚至怪責哥哥，覺得姐姐人咁好又咁靚女，哥哥仲「偷食」好唔應該。

Photo from 《香港愛情故事》

嬲咗哥哥嘅樓主連對方問佢食咩都唔想理佢：「我當下更生氣覺得他自己劈腿還可以這麼厚臉皮裝沒事」，於是趁哥哥出門口，樓主就直接打電話畀姐姐。

Photo from 《My盛Lady》

姐姐接電話仲有笑到樓主好懶，之後樓主就同佢講：「哥哥帶女生回家過夜欸 那個女生現在在哥哥房間」，點知樓主一講完，哥哥房度門就打開咗，「新女友」直接問：「妳不認得我了嗎？」，原來姐姐話樓主懶係因為佢喺同一間屋都要打電話。

Photo from 《我的大叔》

樓主誤會哥哥偷食，但其實佢女友只係卸咗妝，場面超尷尬：「我突然驚醒............心想『媽的 素顏也差太多』」，有網友爆笑：「哈哈好好奇到底差多少」、「這也太尷尬了吧..害我大半夜的笑到不能自己」

Photo from 《初戀那件小事》

Photo from 《她很漂亮》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）